|
Hana Te Hemara
Hana Mere Te Hemara (Puketapu, 1940ko otsailaren 16a[1] – Auckland, 1999ko urriaren 10a[2]) maori jatorriko zeelandaberritar hizkuntza- eta kultura-aktibista izan zen. BizitzaHana Te Hemara familiako 12 seme-alabetatik zazpigarrena zen[1]. Puketapun jaio zen eta Waitara komentuan ikasi zuen[3][4][5]. Mangakinon hazi zen, non haren aitak Karapiroko eta Mangakinoko presetan lan egiten zuen[5]. Geroago Hanak telefono operadore gisa lan egin zuen hainbat tokitan[5][1]. 1969an, 30 urte zituela, politika eta Zeelanda Berriko historia ikasten hasi zen Aucklandeko Unibertsitatean[1][5][3]. Tino rangatiratanga (autodeterminazioa)-ren, maorieraren berpizkundearen eta, oro har, protesta mugimenduaren aldekoa zen[5][2][1][3]. 1970eko hamarkadan Ngā Tamatoa maori talde aktibistaren sortzaileetako bat izan zen[3][6]. Talde horrek protestak antolatu zituen Waitangin[7]. 1972ko irailaren 14an, Hana Te Hemarak, Lee Smithek, David Paratenek eta Syd Jacksonek 30.000 sinadura baino gehiagoko eskaera bat aurkeztu zuten parlamentuan, politikariei maoriera salbatzea lehenesteko erronka jarriz[8][3][9]. Egun hori Maorieraren Eguna izendatu zuten, eta hiru urte geroago zabaldu zuten maorieraren aste bihurtzeko[5][9][3][1][2][8][10]. 1979an, Maori Gaietarako Sailean sartu zen, eta haren lanaren ondorioa Maorieraren Batzordea izan zen[2][11]. 1980an Maori Enpresa eta Lanbide Elkartea sortu zuen eta 1984an Te Kopu Diseinatzaileen Saria ezarri zuen[3][9][2]. 1961ean Syd Jacksonekin ezkondu zen, eta harekin bi seme-alaba izan zituen[5][3]. Aucklanden hil zen 1999ko urriaren 10ean, 59 urte zituela[1][2][11]. Erreferentziak
Kanpo estekak
|
||||||||||||||||
