Hantabirus
| Hantabirus | |
|---|---|
 | |
| Sailkapen zientifikoa | |
| Erreinua | Orthornavirae |
| Filuma | Negarnaviricota |
| Klasea | Bunyaviricetes |
| Ordena | Elliovirales |
| Familia | Hantaviridae |
| Generoa | Orthohantavirus [[|]] |
Hantabirusak Bunyaviridae familiako birusak dira. Familia honetako birusak artropodoetan eta karraskarietan bizi dira, eta animalia horietatik gizakia infektatzera pasatzen dira. Hantabirusek, zehazki, karraskarien bidez sortzen dituzte infekzioak.
1978an isolatu zuten laborategian talde honetako birus bat lehenbizikoz, eta giza patogenoa zela baieztatu [1]. Hantabirus izena Hantaan ibaitik dator, Hego Koreatik, 1950eko hamarkadan hantabirusaren lehenengo infekzio kasuak agertu ziren. Egundaino, nazioartean oihartzun handiena izan duen agerraldia MV Hondius itsasontzikoa da, 2026koa.
Harizpi bakarreko RNA dute birus hauek, polaritate negatibokoa eta 3 zatitan banatua. Mikroskopio elektronikoan ikusita, biribilak dira eta 90-120 nm-etako diametroa dute[2]. Material genetikoa kapside helikoidal baten barruan dago, eta horren gainetik fosfolipidoz osatutako bilgarria dute.
Patogenia
Bi dira mikroorganismo hauek sortzen dituzten patologia garrantzitsuenak: hantabirusek sortutako birika-sindromea (HPS, ingelesez) eta giltzurrun-sindromedun sukar hemorragikoa (HFRS) [3]. Bi gaitz horiek zoonosiak dira, eta gizakia kutsatzen da karraskariekin (arratoiekin, esaterako) edo haien gernu edo gorotzekin harremanetan egon ondoren.
Birika-sindromea (HPS) birusak inhalatzerakoan sortzen da. Gaitz larria da, hilkortasun tasa handia duena. Edemak sortzen ditu biriketan.
Giltzurrun-sindromedun sukar hemorragikoak (HFRS) giltzurrun-gutxiegitasuna eragiten du, odoljarioekin batera. Urtero 200.000 kasu agertzen dira munduan, batez ere Asian [3].
Teknika immunologikoen bidez diagnostikatzen dira gaitz hauek, gaixoaren odolean birusaren aurkako antigorputzak antzematerakoan (serokonbertsioa). PCRaren bidez ere diagnostikatu daitezke, birus patogenoaren material genetikoa gaixoaren odolean detektatzerakoan.
Hantabirusen aurkako txertorik edo tratamendurik ez dago gaur egun.
Erreferentziak
- ↑ Johnson KM (2001). "Hantaviruses: history and overview". Current topics in microbiology and immunology. 256 (256): 1–14 PMID https://www.ncbi.nlm.nih.gov/pubmed/11217399
- ↑ Basaras, Miren; Umaran, Adelaida. Mikrobiologia medikoa. EHU ISBN 84-8373-658-6..
- ↑ a b Madigan M.T., Martinko J.M., Parker J. Brock Mikroorganismoen biologia (2007) E.H.U-ak euskaratua: 960 orr, ISBN: 978-84-9860-026-1.
Kanpo estekak
| Autoritate kontrola |
|
|---|
Datuak: Q29001073
Multimedia: Orthohantavirus / Q29001073
Espezieak: Orthohantavirus
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
