Hubei

Hubei (湖北) Húběi Shěng
Txinako Herri Errepublika
Administrazioa
Estatua	Txina
Izen ofiziala	湖北省 湖北省
ISO 3166-2	CN-HB
Hiriburua	Wuhan
Gobernuburua	Li Dianxun (en)
Zatiketa	ikusi Wuhan, Huangshi, Shiyan, Yichang, Xiangfan, Ezhou, Jingmen, Xiaogan, Jingzhou, Huanggang, Xianning, Suizhou, Enshi Tujia eta Miao Prefektura autonomoa, Xiantao (en) , Qianjiang (en) , Tianmen eta Shennongjia (en)
Geografia
Koordenatuak	31°12′N 112°18′E / 31.2°N 112.3°E / 31.2; 112.3
Azalera	185,900 km²
Mugakideak	Shaanxi, Henan, Anhui, Jiangxi, Hunan eta Chongqing
Punturik altuena	Shennong Peak (en)
Demografia
Biztanleria	57.752.557 (2020)
28,057,839 (%48,6)   (%51,4) 29,694,718
Dentsitatea	324 bizt/km²
Informazio gehigarria
Gobernadorea	Li Hongzhong
Etniak	Han %95,6 Tujia %3,7 Miao %0,4
Ordu eremua	UTC+08:00
www.hubei.gov.cn

Hubei (湖北 txinera sinplifikatuz), Txinako Herri Errepublikako probintzia baten izena da. Probintziak 185.900 kilometro koadroko azalera dauka eta 2004ko erroldaren arabera 60.160.000 biztanle bizi ziren bertan.

Hubeik Henan probintziarekin egiten du muga iparraldean, Anhui probintziarekin ekialdean, Jiangxi probintziarekin hego-ekialdean, Henan probintziarekin hegoaldean, Chongqingeko udaltasunarekin mendebaldean, eta Shaanxi probintziarekin ipar-mendebaldean.

Hiru Arroiletako urtegia Hubei probintziako Yichangen dago. 1993an presa eraikitzen hasi zirenetik, ehunka milaka biztanlerentzako etxebizitza berriak eraiki behar izan ziren, urtegiak hainbat herri urez bete zituelako.

Erliebea nahiko gorabeheratsua da, mendi malkartsuak probintziaren mendebaldean (3.105 metroko Shennongding esaterako) eta haran zabalak. Klimak, Asiako montzoiak baldintzaturiko klima azpitropikalaren ezaugarriak dauzka. Eta uda garaian 35 gradutik gorako tenperaturako izaten dira.

Hubei probintziak klima azpitropikala dauka, urtaro desberdinetik. Neguko batez-besteko tenperatura gradu bakarrekoa da gunerik menditsuenetan, eta sei gradukoa gainontzeko eremuetan. Uda garaian tenperatura 24 eta 30 gradu artekoa izaten da, nahiz eta Wuhan hiriburuan termometroa 40 gradura hurbiltzera hel daitekeen.

Prezipitazio gehienak maiatzetik irailera bitartean ematen dira, Asia hego-ekialdeko montzoiarekin batera.

Hubei probintzia, prefektura mailako hamabi hirik, Prefektura autonomo bat, azpiprefektura mailako hiru hiri, eta konderri mailako baso gune batek osatzen dute.

Mapa	#	Izena	Txinera sinplifikatuz	Pinyineraz	Mota
	1	Wuhan	武汉市	Wǔhàn Shì	Prefektura mailako hiria
	2	Ezhou	鄂州市	Èzhōu Shì	Prefektura mailako hiria
	3	Huanggang	黄冈市	Huánggāng Shì	Prefektura mailako hiria
	4	Huangshi	黄石市	Huángshí Shì	Prefektura mailako hiria
	5	Jingmen	荆门市	Jīngmén Shì	Prefektura mailako hiria
	6	Jingzhou	荆州市	Jīngzhōu Shì	Prefektura mailako hiria
	7	Shiyan	十堰市	Suízhōu Shì	Prefektura mailako hiria
	8	Suizhou	随州市	Suízhōu Shì	Prefektura mailako hiria
	9	Xiangfan	襄樊市	Xiāngfán Shì	Prefektura mailako hiria
	10	Xianning	咸宁市	Xiánníng Shì	Prefektura mailako hiria
	11	Xiaogan	孝感市	Xiàogǎn Shì	Prefektura mailako hiria
	12	Yichang	宜昌市	Yíchāng Shì	Prefektura mailako hiria
	13	Enshi (Tujia eta Miao)	恩施土家族苗族自治州	Ēnshī Tǔjiāzú Miáozú Zìzhìzhōu	Prefektura autonomoa

Prefektura mailako hiriez gain, Hubei probintzia ondoko azpiprefekturako hiriak;

• Tianmen (天门市 Tiānmén Shì)
• Qianjiang (潜江市 Qiánjiāng Shì)
• Xiantao (仙桃市 Xiāntáo Shì)

Eta konderri mailako ondoko baso gunea:

• Shennongjia (神农架林区 Shénnóngjià Línqū)

Probintziako etniarik ugariena Han etnia da, probintzian bizi den biztanleriaren %95a baino gehiago. Probintzian bizi diren etnia nagusiak honakoak dira:

• Han etnia: Biztanleriaren %95,6
• Tujia etnia: Biztanleriaren %3,7
• Miao entia: Biztanleriaren %0,4

Hubeiko ekonomiaren ardatza nekazaritza eta industria dira. Nekazaritzan arroza eta arraina nagusitzen dira, tea, algodoia eta gariarekin batera.

Industrian, metalurgia, automobilgintza eta oihalgintza lantegiak daude, eta burdina, fosforoa, kuprea, urrea eta manganesoa ateratzen dira.

Hubei probintziako gobernadorea Li Hongzhong da. Txinako Alderdi Komunistak probintzian duen ordezkaria Luo Qingquan da.

• (Txineraz) Hubeiko gobernuaren webgunea.

Artikulu hau Txinako geografiari buruzko zirriborroa da. Wikipedia lagun dezakezu edukia osatuz.