John Kerr (australiar politikaria)
Sir John Robert Kerr (Balmain, 1914ko irailaren 24a - St Leonards, 1991ko martxoaren 24a) australiar epaile eta politikaria izan zen. Australiako 18. gobernadore orokorra izan zen. Zuzenbidea ikasi zuen Sydneyko Unibertsitatean eta Ozeano Bareko Administrazio Eskola Australiarra zuzendu zuen. 1949an utzi zuen administrazioa, eta gero abokatu eta geroago epaile izan zen. 1974an Australiako gobernadore orokorra izendatu zuten. 1975ean Gough Whitlam lehen ministroaren gobernuak ez zuen gehiengoa senatuan eta blokeo politikoa zegoen. Goughek uko egin zion dimisioa emateari edo hauteskundeak deitzeari, eta 1975eko azaroaren 11n Kerrek Gough kargutik kendu eta lehen ministro izendatu zuen Malcolm Fraser, oposizioko alderdiko burua. Australiako historian aurrekaririk ez duen gertaera honi The Dismissal deitu zitzaion. 1977ko abenduan, goizegi erretiratu zen politikatik. |