Joxe Aierbe
| Joxe Aierbe | |
|---|---|
| Bizitza | |
| Jaiotza | Altza, 1934ko urtarrilaren 20a |
| Herrialdea |  Gipuzkoa, Euskal Herria |
| Heriotza | Donostia, 2012ko urriaren 5a (78 urte) |
| Familia | |
| Aita | Bartolo Aierbe |
| Hezkuntza | |
| Hizkuntzak | euskara gaztelania |
| Jarduerak | |
| Jarduerak | idazlea eta bertsolaria |
| Lantokia(k) | Donostia |
Joxe Aierbe Iraola (Donostia, Gipuzkoa, 1934ko urtarrilaren 20a[1] - 2012ko urriaren 5a) euskal idazlea izan zen. Bertsoak idazten egin zen ezaguna.[2]
Bizitza
Altzako Ubegi baserrian jaioa, gazterik trebatu zen baserriko lanetan. Bost senide ziren. Umetatik zetorkion bertsozaletasuna: aita, ama eta aitona bertsozaleak ziren oso. Bertso zaharrak kantatzea normala zen etxean, bai eta aita bertsotan jardutea ere.
Aita, Bartolo Aierbe bertso jartzailea (Auspoa bildumako bi libururen egilea), Gaintzakoa zuen, eta Goierrin ikasitako lanak ere egiten zituen: erlezaintza, sokak egitea, behi gazta eta gurina…
Martutenera joan zen eskolara. Gero, 18 urterekin, arotz lanetan hasi zen.
Afrikan soldadu zebilela hasi zen bertsoak idazten. 33 urterekin istripu larria izan zuen, eta denbora luzez egon zen mugitu ezinik; idazten jarraitu zuen. Basarriri bidaltzen zizkion bertsoak, hark irratian kanta zitzan. Bera ere ibili zen irratian lanean; bai eta Diario Vasco egunkarirako kronikak egiten ere, 1986tik 1994ra. Euskaraz alfabetatu ondoren, eskolak ere eman zituen. Bi liburu argitaratu zituen Auspoa bilduman.
Gipuzkeraz idazten zuen, eta euskara batua sortu eta gero ere ez zien haren arauei jarraitu (bereziki, h letraren erabilerari dagokionez). Haserretu egin zen Argia aldizkarikoek bere bertsoak h-arekin idatzi zizkiotenean.[3]
Loiolara ezkondu zen, semea eta alaba izan zituen eta Loiolan bizi izan zen hil arte.
Liburuak
- Alako batean. Auspoa bilduma, 1997. Bertso bilduma da.
- Agindua zor. Jose Mari Iriondok koordinatuta. Auspoa bilduma, 2012. Liburu hau saski-naski bat da: artikuluak, gertaerak, bertsoak, txisteak, elkarrizketa luze bat...
Erreferentziak
- ↑ Aipamena: Agindua zor
- ↑ Juan Luis Zabala: «Bertso jartzaile estimatua»[Betiko hautsitako esteka], Berria, 2012-10-07.
- ↑ «Elkarrizketa-Tertulia», Bertsozale Elkartea.
Kanpo estekak
- «Joxe Aierbe Iraola», Euskal Herriko Ahotsak.
- «Joxe Aierbe Iraola. Autobiografia», Bertsozale Elkartea.
Datuak: Q12260890
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
