June Jordan

June Jordan
Bizitza
Jaiotza	Harlem, 1936ko uztailaren 9a
Herrialdea	Ameriketako Estatu Batuak
Talde etnikoa	afro-estatubatuarra
Heriotza	Berkeley, 2002ko ekainaren 14a (65 urte)
Heriotza modua	berezko heriotza: bularreko minbizia
Familia
Ezkontidea(k)	Michel Meyer
Hezkuntza
Heziketa	Barnard College ; Midwood High School (en) ; Northfield Mount Hermon School (en)
Hizkuntzak	ingelesa
Jarduerak
Jarduerak	olerkaria, saiakeragilea, eleberrigilea, idazlea, LGBT ekintzailea, antzerkigilea eta libretista
Enplegatzailea(k)	Kaliforniako Unibertsitatea Berkeleyn ; City College of New York (en) ; Stony Brookeko Unibertsitatea ; Yale Unibertsitatea ; Sarah Lawrence College
Lan nabarmenak	ikusi I Was Looking at the Ceiling and Then I Saw the Sky (en) ;
Jasotako sariak	ikusi Lambda Literary Award ;
	junejordan.com

June Millicent Jordan (1936ko uztailaren 9a – 2002ko ekainaren 14a) karibear-estatubatuar poeta, saiakeragile eta aktibista izan zen.

Biografia

1936an jaio zen New Yorkeko Harlem auzoan Jamaikako migrante familia batean. Unibertsitate garaian, kontzientzia politikoa eskuratzearekin batera ekin zion idazteari nahiz militantzia politikoari^[1].

Barnard Unibertsitatean ikasle zela, Columbia Unibertsitatean ikasten ari zen Michael Meyer ezagutu zen. 1955ean ezkondu egin ziren, eta biak Chicagoko Unibertsitatera joan ziren. Meyerrek antropologia-ikasketak egin zituen, eta Jordanek ere izena eman zuen unibertsitatean, baina laster Barnard Unibertsitatera itzuli eta han geratu zen 1957ra arte. 1958an bikotearen haur bakarra jaio zen, Christopher David Meyer. 1965ean, dibortziatu egin ziren. Horren ondoren hasi zen publikatzen, 1969koa baitu lehen liburua.

Bere belaunaldiko beste zenbait poetarekin batera (Audre Lorde eta Adrienne Rich, besteak beste), XX. mendeko bigarren erdian poesia estatubatuarra astindu zuenetako bat izan zen. Poesia sozial eta konprometitua de berea, beltz izatearen kontzientzia bizitik idatzitakoa, eta askotariko zapalkuntzak salatzen dituena: esklabotza, arrazakeria, biolentzia poliziala, biolentzia matxista. Salaketa hauek ez dira plano abstraktuan geratzen eta mundu garaikideari lotutako leku eta identitate politikoak espreski aipatuak agertzen dira: amerindiarrak, Hegoafrikako apartheida, Nikaraguako iraultza, Bosniako gerra…^[1]

Idatzietan, Jordanek bisexual gisa identifikatzen du bere burua.^[2]

Lanak

• Who Look at Me (1969)
• Soulscript (1970)
• The Voice of the Children (1970)
• Some Changes (1971)
• His Own Where (2010)
• Dry Victories (1972)
• Fannie Lou Hamer (1972)
• New Days: Poems of Exile and Return (1974)
• New Life (1975)
• Things That I Do in the Dark: Selected Poems, 1954–1977 (1977)
• Passion (1980)
• Kimako's Story (1981)
• Civil Wars (1981)
• Simon and Schuster (1995)
• Living Room: New Poems (1985)
• On Call: Political Essays (1985)
• Lyrical Campaigns: Selected Poems (1989)
• Moving Towards Home (1989)
• Naming Our Destiny (1989)
• Technical Difficulties: African-American Notes on the State of the Union (1992)
• Technical Difficulties: New Political Essays
• Haruko: Love Poems (1994)
• I Was Looking at the Ceiling and Then I Saw the Sky (1995)
• Kissing God Goodbye (1997)
• Affirmative Acts: Political Essays (1998)
• Soldier: A Poet's Childhood (2001)
• Some of Us Did Not Die (2003)
• Soulscript: A Collection of Classic African American Poetry (2004)

Euskaraz

2020an Susaren Munduko Poesia Kaierak bilduman June Jordanen poesia antologia bat euskaratu zuen Ane Garcia Lopezek^[1].

Erreferentziak

↑ ^a ^b ^c «Susa literatura - Poesia kaiera» susa-literatura.eus (kontsulta data: 2020-05-23).
↑ June Jordan, "On Bisexuality and Cultural Pluralism", in Affirmative Acts (1998), pp. 132, 138.