Kalko
- Artikulu hau hizkuntzari buruzkoa da; beste esanahietarako, ikus «Kalko (argipena)».
Hizkuntzalaritzan, kalkoa beste hizkuntza batetik zuzenean mailegaturiko hitza edo esamoldea da. Latinezko "verbum pro verbo" esamoldea ere erabili izan da horiek izendatzeko. Estilo-liburuetan eta itzulpengintzako eskuliburuetan, kalko okerrak definitu eta sailkatu ohi dira[1][2], horien inguruan eztabaida izaten bada ere. Hasieran bitxitzat hartutako kalko batzuk, denbora aurrera joan ahala eta arrakasta izanez gero, hizkuntzan normalizatutzat har daitezke.
Bi hizkuntza harreman estuan daudenean, biak batera hainbat hiztunen ahotan, bien arteko interferentziak gerta daitezke. Hizkuntza baten berezko moldeetan nahasmenak sor daitezke, beste hizkuntzak eraginik. Elebidun batzuek bi kodeak ez dituzte guztiz bereizten eta kode batetik bestera pasatzean, moldeen kopia traketsak egiteko arriskua egoten da. Hiztun elebidunei gerta dakieke erabiltzen dituzten bi hizkuntzen arteko desoreka. Bi hizkuntzen ezagutzaren, erabilpenaren, prestigioaren oreka edo desoreka azalduko ditu hizkuntzen arteko kalkoen norabideak.
Motak
- Kalko fraseologikoa: esapideak hitzez hitz hizkuntza batetik bestera itzultzen dira.
- Kalko sintaktikoa: hizkuntza bateko funtzio edo eraikuntza sintaktikoak beste hizkuntza batean imitatzen dira.
- Maileguen itzulpena: terminoak morfemaz morfema itzultzen dira beste hizkuntza batera.
- Kalko edo mailegu semantikoa: hizkuntza batean hitz batek dituen beste esanahi batzuk beste hizkuntza batera transferitzen dira.
- Kalko morfologikoa: hitz baten flexioa transferitzen da beste hizkuntzara.
Ikus, gainera
Erreferentziak
- ↑ «Kalkoen Behatokia - UPV/EHU» www.ehu.eus (kontsulta data: 2021-03-16).
- ↑ Kalkoak | Hizkuntza akatsak. (kontsulta data: 2021-03-16).
Bibliografia
- Gotzon GARATE Erdarakadak. Saihesteko moduko kalko okerren bilduma. Gero-Mensajero. Bilbo. 1988.
- Juan GARZIA GARMENDIA Kalko okerrak, Eusko Jaurlaritzaren Argitalpen Zerbitzu Nagusia, Vitoria-Gasteiz, 2005.
- Xabier Alberdi (koordinatzailea), Xabier Altzibar, Julio Garcia eta Asier Larrinagaː Kalkoen Behatokia, Euskal Herriko Unibertsitatea. ISBN: 978-84-693-9891-3
Kanpo estekak
Datuak: Q204826
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
