Kardia
| Kardia | |
|---|---|
| Polisa | |
| Administrazioa | |
| Estatu burujabe |  Turkia |
| Turkiako probintzia | Çanakkale probintzia |
| Geografia | |
| Koordenatuak | 40°32′50″N 26°44′27″E / 40.5472°N 26.7408°E |
 | |
| Demografia | |
Kardia (antzinako grezieraz: Kαρδία, Kardía) Antzinako Greziako polis izan zen, Traziako Khersonesoren hiriburua. Egungo Saros golkoan zegoen, lehen Melasko golkoa, Sestostik 40 km.tara.
Jatorria
Jatorrian, K.a. VIII. mendean, Mileto eta Klazomenen kolonia izan zen; geroago, Miltziadesen tiraniaren garaian (K.a. 515-493), kolono atenastarrak ere jaso zituen.
Peloponesoko gerran, Delosko Ligarako itsas basea izan zen, baina honek ez zuen Atenasen aldeko Kardia egin: K.a. 357an, traziar printze baten agindupean Atenasek Khersonesoren kontrola hartu zuenean, hura izan zen neutral iraun zuen hiri bakarra.
Mazedoniako Filipo II .a erregeak, bere dominazioa Traziara (gariaren merkataritzarako eskualde estrategikoa) hedatu nahi zuenean, hiriari lagundu zion, armada bat bidaliz. Urte erabakigarria K.a. 352a izan zen, hiriak Filipo erregearekin adiskidetasun hitzarmen bat amaitu zuenean. Kardiaren autonomia bermatuta geratu zen K.a. 346. urteaz geroztik.
Krisi handi bat sortu zen Diopites atenastar mertzenario kapitainak K.a. 343an hirira Atikako klerukoak eraman zituenean; Kardian gaizki hartu zituzten. Filipok berehala bidali zuen laguntza hirira. Erregeak bi hirien arteko liskarra arbitrajez kitatzea proposatu zuen, baina Atenasek uko egin zion. K.a. 342an, Filipok Kardiaren atxikimendua lortu zuen, Diopitesen erresistentzia gorabehera, eta Hekateo tiranoa jarri zuen hiriaren buruan.
Alexandro Handia K.a. 323. urtean hil ondoren, Lisimako Traziakoak hiria suntsitu zuen, K.a. 309. urtean; honek bere agintea Helesponto itsasartean hedatu zuelarik. Berreraiki zen arren, jada ez zuen bere garrantzia berreskuratu: Lisimakiak gainditu zuen, biztanle asko joan ziren inguruan eraikitako hiri horretara, inguruko hiriburu bihurtu zena.
Kardiatar ospetsuak
- Eumenes, Alexandro Handiaren idazkaria.
- Jeronimo Kardiakoa historialaria.[1]
Erreferentziak
Kanpo estekak
| Autoritate kontrola |
|
|---|
Datuak: Q965581
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
