Katinka Bock
| Katinka Bock | |
|---|---|
| Bizitza | |
| Jaiotza | Frankfurt am Main, 1976 (49/50 urte) |
| Herrialdea |  Alemania |
| Hezkuntza | |
| Hizkuntzak | alemana |
| Jarduerak | |
| Jarduerak | artista, eskultorea, instalazioetako artista, bitxi diseinatzailea eta bideoartista |
Parte-hartzailea
| |
 | |
Katinka Bock (Frankfurt am Main, 1976) alemaniar eskultore eta artista bisuala da. Parisen eta Berlinen bizi eta lan egiten du.[1]
Ibilbidea
Katinka Bock Frankfurt am Main-en jaio zen eta eskultura eta arte bisualak ikasi zituen Berlingo Arte Akademian. 2002an diploma jaso zuen eta Inge Mahn-en master ikaslea izan zen 2004 arte, Berlin-Weissensee-ko Arte Ederren Akademian. 2005ean Lyon-go École nationale supérieure des beaux-arts de Lyon -eko graduondoko titulua jaso zuen. Erromako Villa Medici egoitzan artista izan da. Pariseko Galerie Jocelyn Wolff-ek ordezkatzen du, Berlingo Meyer Riegger-ek eta Bruselako Karlsruhe eta Greta Meert-ek. [2][3]
Lan artistikoa
Eskulturaren, arkitekturaren eta hizkuntzaren arteko etengabeko trukatzeak gorpuzten du eskultorearen ibilbidea. Bere lanetan, espazioak garrantzi handia dauka. Artelanak txertatu egiten diren lekuak aldatzen ditu artistak, ateak, leihoak edo tunelak irekiz, edo lan horietara hurbiltzen denaren pertzepzioa aldatzen duten elementu berriak gehituz.[4]
Bockek testuinguruarekin egiten du lan, bertako artisauekin, jendearekin edota merkatariekin elkarlanean. Haren proiektuak norbanakotik kolektibora doaz, eta espazioak, arteak eta praktika artistikoak eraldatzeko duen gaitasunaz egiten du hausnarketa. (Beatriz Herraez, Artiumeko zuzendaria)[4]
Izan ere, Katinka Bocken lana oinarritzen da nagusiki elementu naturalen eta gizakiak sortutakoen artean gertatzen diren prozesu eraldatzaileetan, alderdi bakoitzak bestea eraldatzen duen prozesua aztertuz. Bock-ek hiri paisaien eta elementu naturalen arteko harremana aztertzen du, bere lanak espazio irekietan kokatzen ditu elementuei aurre egiteko eta maiz bere esperientziak inprimatzen ditu bere materialen bidez. Bere lanaren zati handi bat mugimendu fluidoetan oinarritzen da; hautsi, zizelatu edo hackeatu beharrean, bere materialek forma dute, tolestuta, ebakita edo, besterik gabe, testuinguruaren konstelazio edo eraikuntza zehatz batean kokatuta. Bock-ek material naturalak integratzen ditu, hala nola larrua, zura, harria, ehuna, igeltsua, zeramika edo grafitoa, baita aurkitutako edo ezohiko objektuak ere. Bere lanetan ura behin eta berriro erabiltzeak garrantzia du ez sortzen dituen efektu fisikoengatik, sinbologiagatik baizik. Hiri- eta landa-paisaien artean lehendik zeuden ur iturriak birbideratuz, piezen eta kokatutako testuinguruaren arteko erlazio sinbiotikoa sortzen duten egiturak eraikitzen ditu. Euri ura, iturri publikoetako ura, ibaietako edo itsasoko ura sartuz, eskulturak animatu, aldatu edo elkarreragiten duten espazioen fluxura egokitzen dira. Bideogintzan ere aritu izan da.[1]
Erakusketak Euskal Herrian
Artium, 2021
Artiumek, Euskal Herriko Arte Garaikidearen Museoak, Katinka Bock. Logbook [Ontziko liburua] erakusketa aurkeztu du. Estatuan artistari eskainitako lehen erakusketan bere ibilbidearen funtsezko ezaugarriak dituzten azken urteetako lanak esploratzeko aukera eskaini du. Erakusketak balea baten sabela bezalako museo bat irudikatzen du, eta bertan pilatzen dira Moby Dick, Selma Huxley, kaskoak, hezur kurbatuak, koilarak, protesiak, zapatak, arrainak eta orkideak loretan, erakusketaren ondoko espazioan gordetzen diren bildumako 2.500 artelanekin batera.[5] Artistak bertako artisauei proposatutako trukeen eta Museoaren espazioarekin eta arkitekturarekin egindako lanaren ondorioz sortutako piezak daude.[6] [7]
Bockek Artium museoaren sotoan dagoen erakusketa espazioa ezagutu zuenean lurpeko espazio hura eraldatzea erabaki zuen: aretoko hormetan irekidura zabalak eginarazi zituen, panelen eta saihets hezurren barne egitura agerian utziz, espazioak elkarrekin lotuz eta erakusketa ikusteko modua erabat aldatuz. Estalita zeuden tamaina handiko leiho borobilak ireki zituen, aretoa argi naturalez bete da, eta museoaren kanpoaldetik artelanak ikusteko aukera sortu. Erakusketan Bocken eta Albaolako artisauen arteko elkarlanetik eta museoko espaziotik sortutako zortzi metroko pieza bat dago: Segment With Unknown Radius. Zetazeo baten barrualdearen eta lurpeko museo baten espazioaren artean dauden analogiak biltzen ditu artelanak. Confusions Possibles artelanaren ekoizpenean ere artisauekin aritu zen elkarlanean. Errementari eta jostun batek praka erdia, soineko erdia eta kobrezko hiru pieza (zapata bat, koilara bat eta kasko erdia) egin eta gero, beste zati erdiak Parisen ekoiztu zituen artistak.[4]
Albaolan ikusi nuen zuhaitzak modu jakin batean landatzen dituztela, gerora zurak ontzien forma izan dezan. Okertzea, moztea, mugatzea, behartzea... ontziak egiteko ekintzak dira, baina baita zuzenketa sozialak ere. (Katinka Bock)[4]
Sariak eta errekonozimenduak
- 2015: Arte Plastikoen Beka Fundación Botín-en, Santander [8]
- 2012: Ricard Fundazioaren saria, Frantzian[9]
- 2012: Dorothea von Stetten Kunstpreis, Alemania[10]
- 2002: Marion Ermer Stiftung, Alemania[11]
Erreferentziak
- ↑ a b (Ingelesez) «Katinka Bock» Lafayette Anticipations (kontsulta data: 2021-03-31).
- ↑ «Katinka Bock - ARTISTS - 303 Gallery» www.303gallery.com (kontsulta data: 2021-03-31).
- ↑ (Ingelesez) «Katinka Bock» Lafayette Anticipations (kontsulta data: 2021-03-31).
- ↑ a b c d Begiristain, Edurne. «Balea baten sabela bezala» Berria (kontsulta data: 2021-03-31).
- ↑ «Katinka Bock desembarca en Artium» www.noticiasdealava.eus (kontsulta data: 2021-03-31).
- ↑ «Katinka Bock. Logbook» www.artium.eus (kontsulta data: 2021-03-31).
- ↑ Logbook.Lanak. Artium Museoa, 2021
- ↑ (Gaztelaniaz) ARTEINFORMADO. (20150122). «XXIII Becas Fundación Botín de Artes Plásticas 2015-2016, Beca, feb 2015» ARTEINFORMADO (kontsulta data: 2021-03-31).
- ↑ (Ingelesez) «Artistes Katinka Bock» Fondation d'entreprise Pernod Ricard (kontsulta data: 2021-03-31).
- ↑ (Alemanez) «DOROTHEA VON STETTEN KUNSTPREIS 2012» www.kunstmuseum-bonn.de (kontsulta data: 2021-03-31).[Betiko hautsitako esteka]
- ↑ «Marion-Ermer-Stiftung:Preisträger des Marion-Ermer-Preises 2002» www.marion-ermer-stiftung.de (kontsulta data: 2021-03-31).
Kanpo estekak
- Katinka Bock, Exposición Itinerarios XXIII | Fundación Botín (Bideoa, 2017)
- KATINKA BOCK: WORK IN PROGRESS (Bideoa, 2018)
- Katinka Bock | Prix Marcel Duchamp 2019 | Exposition | Centre Pompidou (Bideoa, 2019)
Datuak: Q19513339
Multimedia: Katinka Bock / Q19513339
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
