Maila estruktural
Maila estrukturalaren kontzeptua, sakonerarekin arrokek jasaten dituzten tenperatura eta presio aldaketen ondorioz garatutako deformazio-estiloen aldaketetan oinarrituta dago. Ondorioz, maila estruktural bakoitzean nagusi den deformazio-mekanismoaren arabera daude sailkatuta.
Oro har, sakonerarekin egitura geologikoak gero eta sarkorragoak dira, gero eta harreman estuagoa dute metamorfismoarekin eta geometrikoki gero eta horizontalagoak dira.
Hiru maila estruktural bereizten dira, bakoitzean nagusi den deformazio-mekanismoaren arabera
Gaineko maila estrukturala
Kilometro gutxi batzuetako sakonera baino ez du, deformazio hauskorraren ingurunea da, egitura nagusiak apurketa-planoak baino ez dira izango, failak, hausturak, estentsio-hausturak eta estilolitoak batez ere. Geruzapena zein edozein beste jatorrizko egitura erraz bereiz daitezke.
Bitarteko maila estrukturala
Egitura nagusiak tolesak dira. Moldakortasuna oraindik nahiko mugatua denez tolesak oso sinpleak dira, geruzen lodieran ez dute inolako aldaketarik eragiten, deformazioa tolesen txangatan xurgatzen da soilik eta plano axiala bertikal antzekoa izan ohi da. Beraz, toles isopakoak/paraleloak dira nagusi bitarteko maila honetan eta deformazio mekanismo nagusia flexioa izango da.
Beheko maila estrukturala
Sakonera handitzean arroken portaera gero eta moldakorragoa da eta une batetik aurrera deformazio-mekanismoa aldatu egiten da azpiko maila estrukturalera iritsiz. Bertako deformazio-mekanismo nagusia zapalkuntza (flattening) da, jatorrian esferikoak izan zitezkeen elementu guztiak elipsoide bihurtzen direlarik eta arrokek eskistositate bat garatzen dutelarik. Azpiko maila estrukturalaren hasiera eskistositate-fronteak adierazten du, cleavagearen estreinako aztarnek adierazten dute bi maila estruktural hauen arteko muga. Sakonerarekin egiturak gero eta sarkorragoak dira, gero eta horizontalagoak, metamorfismoa progresiboki handitu fusio partziala sortu arte.Maila honetako tolesen geometria similarra izan ohi da, tolesak sakonerarekin gero eta estuagoak dira eta plano axiala gero eta okertuagoa izaten dute, bergentzia nabarmena adieraziz. Arrokek tolesen plano axialarekiko paraleloa den eskistositate nabarmena garatzen dute.
Erreferentziak
- Apraiz Atutxa, Arturo, 1967- (2005) Plaka-tektonika : lurraren funtzionamendua ulertzeko teoria Udako Euskal Unibertsitatea ISBN 8484380750 PMC 433323972 . Noiz kontsultatua: 2019-05-02.
Kanpo estekak
| Autoritate kontrola |
|
|---|
Datuak: Q65216302
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
