Manuel Marchena
| Manuel Marchena | |||||
|---|---|---|---|---|---|
 (2020) | |||||
2014ko urriaren 10a - ← Juan Saavedra Ruiz (en) 
2007ko martxoaren 2a - ← José Antonio Martín Pallín | |||||
| Bizitza | |||||
| Jaiotzako izen-deiturak | Manuel Marchena Gómez | ||||
| Jaiotza | Las Palmas Kanaria Handikoa, 1959ko martxoaren 1a (67 urte) | ||||
| Herrialdea |  Espainia | ||||
| Familia | |||||
| Ezkontidea(k) | Sofía Perea | ||||
| Seme-alabak | |||||
| Hezkuntza | |||||
| Heziketa | Deustuko Unibertsitatea 1981) lizentzia : zuzenbide La Lagunako Unibertsitatea 1991) doktore : zuzenbide Casa de Velázquez | ||||
| Hizkuntzak | gaztelania | ||||
| Jarduerak | |||||
| Jarduerak | magistratua eta fiskala | ||||
| Enplegatzailea(k) | Espainiako Auzitegi Gorena Las Palmas Kanaria Handiko Unibertsitatea Madrilgo Justizia Auzitegi Nagusia Madrilgo Unibertsitate Autonomoa | ||||
| Jasotako sariak | |||||
| Kidetza | Espainiako Doktoreen Errege Akademia Jurisprudentzia eta Legeriaren Errege Akademia | ||||
.svg){kind=small}
Manuel Marchena Gómez (Las Palmas Kanaria Handikoa, Kanaria Uharteak, 1959) espainiar epailea da, Espainiako Auzitegi Gorenekoa 2007. urtetik. Ibilbide judizial emankor baten ondoren, eduki politiko handiko auzietan murgildu zen 2014tik aurrera Auzitegi horretako presidente lanetan 2025 arte. Orduz geroztik, Auzitegi bereko kide izaten jarraitzen du.
Oihartzun mediatiko eta polemika handia piztu zuen bertako bere jokabide eta erabakiak zirela eta, hala nola Atutxa auzia eta buruzagi independentista katalanen kontrako auzia.
Gaztaroa
Haurtzaroa Aaiunen igaro zuen, Espainiako Saharako hiriburuan (Espainiako kolonia 1958tik 1976ra), Joaquín Marchena Rodriguez aita Lurreko Armadako ofizialordea baitzen, Espainiako Legiora kapitain sustatua. Aaiungo Institutu Orokorrean eta Las Palmas Kanaria Handikoan egin zuen Batxilergoa.
Gero, berriz, Zuzenbidean lizentziatu zen Deustuko Unibertsitatean, Bilbon, 1981. urtean, eta lizentziaturako azterketan nota onena eskuratu zuen: Ohorezko Matrikula. 1991. urtean, La Lagunako Unibertsitatean zuzenbide doktoregoa atera zuen, "Ministerio Fiskalaren mugapen konstituzionala" tesiarekin, Gai cum laude eskuratuz.
Espainiako Auzitegi Gorenean
2004an, uztailaren 18ko 1479/2004an, Auzitegi Goreneko fiskal izendatu zuten, Zigor Arloko Salan aritu zedin (Bigarren Salan), eta hor jarraitu zuen 2007 arte. 2012ko martxoaren 8ko Ministroen Kontseiluaren erabakiz, Prozedura Kriminalaren Legea eraberritzeko proposamen bat ontzeko batzorde instituzionaleko buru izendatu zuten.
2014an Juan Saavedraren lekukoa hartuz, Auzitegiko presidente lanetan hasi zen. 2024ko abenduaren 5ean, legeak hala aginduta, utzi egin zuen Espainiako Auzitegi Gorenaren Bigarren Salako presidente postua, 10 urtez bertan aritu eta gero. Andrés Martínez Arrietak ordezkatu zuen, behin-behinean. Auzitegiaren presidentetza utziagatik, jarraitu egin zuen Auzitegi horretako epaile izaten.[1]
Auzitegi Goreneko epaile lanetan ibilitako etapan, interes mediatiko handiko auzi batzuetako txostengile aritu da, hala nola Andaluziako Gizarte Segurantzako pentsioen iruzur bidez eskuratzea (Campanario auzia);[2] sexu eraso aurrekariak zituen gaizkile batek egindako sexu erasoen eta hilketaren auzia (Mari Luz auzia);[3] udalbatzako kideek eta beste pertsona batzuek udal ondareari eraso egitearen kasua (Marbellako Saqueo auzia);[4] Eusko Legebiltzarreko presidente, Gorka Knörr eta Kontxi Bilbaoren kondena bidegabea (Atutxa auzia) desobedientziagatik, geroago Giza Eskubideen Europako Auzitegiak apelazioan baliogabetua.[5]
Kalapitaren erdian
Bere presidentetzan itzal politiko handiko auzietan murgildu zen, erronka ia etengabean aritu zen Espainiako Gobernuko Pedro Sanchezekin. Ignacio Cosidó Espainiako Senatuko Alderdi Popularreko bozeramailearen auzia du nabarmenetako bat.[1]
2018an, Ignacio Cosidók, Espainiako Senatuko Alderdi Popularreko bozeramaileak, PPko senatarien Whatsappean adierazi zuenez, PSOErekin egindako itunaren bidez Espainiako Auzitegi Goreneko "Bigarren Sala atzealdetik kontrolatuko" zuten ("diputatuak, senatariak eta gobernuko kideak epaitzeko eskumenak dituen bakarra"), gizon bikaina jarri omen baitzuten bertan: Manuel Marchena; gainera, 61. Salako buru arituko zirela ere esan zuen. Polemikak bultzatuta, Marchenak uko egin zion postu horri. Hain zuzen, Cosidóren hitzetan, 61. Salak aztertu eta erabakitzen ditu alderdiak legez kanpo uztea (adibidez, Herri Batasuna) edo/eta buruzagi independentista katalanen kontrako auzia,[6][7] eta Marchena aritu zen zehazki bertako epaile.[8]
2020ko abenduan, Bateragune auzia errepikatzearen alde ebatzi zuen Espainiako Auzitegi Gorenean, Bigarren Salako epaile guztiek babestuta. Giza Eskubideen Europako Auzitegiak auzipetuek Arnaldo Otegik berak, bidezko epaiketa izan ez zutela erabaki eta gero. Aldiz, 2017an, ez errepikatzearen alde agertu zen beste auzi batean; izan ere, «egitate berengatik bi aldiz epaitua ez izatearen eskubidea urratuko luke».[9]
Erreferentziak
- ↑ a b (Gaztelaniaz) Rtve.es. (2024-12-05). «Marchena, el juez que estuvo al frente de los juicios del 'procés', deja la presidencia de la Sala Penal del Supremo» RTVE.es (kontsulta data: 2026-01-16).
- ↑ (Gaztelaniaz) Ugena, Roberto. (2025-11-25). «Marchena, vida y obra más allá del fiscal: de Villarejo al procés o el lawfare contra Podemos» El Plural (kontsulta data: 2026-01-16).
- ↑ «El Tribunal Supremo estima que la condena a los hermanos Del Valle debió ser más alta | Andalucía | elmundo.es» www.elmundo.es (kontsulta data: 2026-01-16).
- ↑ (Gaztelaniaz) «El Tribunal Supremo confirma la sentencia del 'caso Saqueo' de Marbella» El País 2010-02-11 ISSN 1134-6582. (kontsulta data: 2026-01-16).
- ↑ (Gaztelaniaz) Cortizo, Gonzalo. (2019-10-06). «El Constitucional revisará tras la sentencia del procés otra condena de Marchena, que ya fue corregido en Estrasburgo» elDiario.es (kontsulta data: 2026-01-16).
- ↑ (Gaztelaniaz) Periódico, El. (2018-11-19). «El portavoz del PP en el Senado, a sus compañeros: "Controlaremos la sala segunda (del Supremo) desde detrás"» elperiodico (kontsulta data: 2020-11-06).
- ↑ «El PP disuelve el chat de Whatsapp al que Cosidó envió su polémico mensaje sobre la renovación del CGPJ» www.publico.es (kontsulta data: 2020-11-06).
- ↑ (Gaztelaniaz) Ordaz, Pablo. (2019-10-14). «Marchena, el juez que se convirtió en protagonista» El País ISSN 1134-6582. (kontsulta data: 2020-11-07).
- ↑ Iribarren, Maddi Ane Txoperena. «Berriro epaituko dituzte Bateraguneko bortzak» Berria (kontsulta data: 2020-12-14).
Kanpo estekak
| Autoritate kontrola |
|
|---|
Datuak: Q5993618
Multimedia: Manuel Marchena / Q5993618
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
