Margaret Rebecca Lahee (Carlow, 1831ko maiatzaren 10a – Rochdale, 1895eko ekainaren 14a) irlandar idazlea izan zen, ingelesaren Lancashireko dialektoan idatzi zuena.
Bizitza
Carlowen (Irlanda) jaio zen 1831ko maiatzaren 10ean. Rochdalera (Lancashire) joan zen senideen lagun baten eskutik jantzigintza eta kapelagintza ikastera. Ez zitzaion ogibide hori gustatu, eta horren ordez idazle profesional bihurtu zen.
Bere idazlanak argitaratu zituenean, Laheek ezkutatu zuen emakume irlandarra zela. Hasiera batean MRL bezala sinatu zituen bere idazlanak eta gero M. R. Lahee bezala. Hala ere, emakume baten ikuspegitik idatzi zuen eta emakumeen eskubideen gaia jorratu zuen. Edwin Waugh poetak esan zuen bere lehen eleberria Lancashireko dialektoan idatzitako istoriorik onena zela. Lahee Rochdalen bizi izan zen Susannah Rothwell Wildekin hogeita hamar urte baino gehiagoz, eta biak hil zirenean, hilobi berean lurperatu zituzten. Laheek eskatu zuen They were lovely and pleasant in their lives, and in death they were undivided (euskaraz: «Maitagarriak eta atseginak ziren beren bizitzan, eta heriotzan ez ziren banatu») hilobian idazteko, baina zailtasunak izan ziren hileta antolatzeko, eta inskripzio hori ez zen inoiz egin (ez dago argi zailtasun horiek Lahee irlandar izateagatik, emakume izateagatik edo bere sexualitateari buruzko hipotesiengatik agertu ziren). Margaret Rebecca Lahee Lancashireko dialektoan idatzi zuten egileen monumentuan agertu ziren lau idazleetako bat izan zen. Monumentu hori Edward Sykes arkitektoak sortu zuen 1900ean, eta John Cassidy eskultoreak erretratuak egin zituen. Monumentuak Margaret Rebecca Lahee, Oliver Ormerod, John Trafford Clegg eta Edwin Waugh irudikatzen ditu eta Rochdaleko Broadfield Parken dago[1][2][3][4][5][6][7][8][9][10].
Lanak
- The Sporting Party and Owd Neddy Fitton's Visit to the Earl of Derby; a True Lancashire Sketch (1859)
- Tim Bobbin's Adventure with the Irishman; or Raising the Dead by the Art of Freemasonry: A Lancashire Tale (1860)
- Owd Yem Un His Five Daughters (1861)
- The hunting party; or, Owd Jemmy Wrigley's story abeawt th' fust sir Robert Peel (1863)
- Betty o’ Yep's Laughable Tale of Jinny Cropper at th’ Halton Feast (1865)
- The Carter's Struggles; Showing hoe Jone o’ Jeffrey's Wortched to Bring Up his Family Gradely (1871)
- Esther Brella's Divvy, an’ what hoo did wi’ it (1871)
- Ordering her Coffin (1876)
- Next of Kin. A Humorous Dialogue (1880)
- The Baum Rabbit: A Tale of Old Rochdale (1880)
- Trot Coffie's Boggart: A Lancashire Ghost Story (1881)
- Acquitted Though Guilty (1883)
- Tim Bobbin's Centenary. A Ghostly Conversation in Verse (1886)
- Sybil West. A Lancashire Story (1892)
- The Bewitched Teapots
- How Bob Manock geet to th’ Cheermon o’ th’ Henpeck’d Club. We th’ Rules un Regulations. By a Member
Erreferentziak
- ↑ (Ingelesez) «Dame of Dialect» Chetham's Library 2016-10-16 (Noiz kontsultatua: 2024-12-12).
- ↑ (Ingelesez) «Margaret Rebecca Lahee (1831-1895)» The Salamanca Corpus: Digital archive of English dialect texts (Noiz kontsultatua: 2024-12-12).
- ↑ (Ingelesez) «Rochdale : the Lancashire Dialect Writers' Memorial» John Cassidy: Manchester Sculptor (Noiz kontsultatua: 2024-12-12).
- ↑ (Ingelesez) Wyke, Terry; Cocks, Harry. (2004). Public Sculpture of Greater Manchester. Liverpool University Press, 317 or. ISBN 978-0-85323-567-5. (Noiz kontsultatua: 2024-12-12).
- ↑ (Ingelesez) Hughes, Linda K. (2019). The Cambridge Companion to Victorian Women's Poetry. Cambridge University Press, 290 or. ISBN 978-1-107-18247-9. (Noiz kontsultatua: 2024-12-12).
- ↑ (Ingelesez) Blair, K.; Gorji, M. (2013). Class and the Canon: Constructing Labouring-Class Poetry and Poetics, 1780-1900. Palgrave Macmillan, 174 or. ISBN 978-1-137-03032-0..
- ↑ (Ingelesez) Axon, William Edward A. (1870). The literature of the Lancashire dialect. London: Trubner & Company, 14 or. (Noiz kontsultatua: 2024-12-12).
- ↑ (Ingelesez) Hodson, Jane. (2017). Dialect and Literature in the Long Nineteenth Century. Taylor & Francis, 110 or. ISBN 978-1-317-15148-7. (Noiz kontsultatua: 2024-12-12).
- ↑ (Ingelesez) Skeat, Walter William; Nodal, John Howard. (1877). A Bibliographical List of the Works that Have Been Published: Or are Known to Exist in Ma, Illustrative of the Various Dialects of English. Society, 71 or. (Noiz kontsultatua: 2024-12-12).
- ↑ (Ingelesez) Wright, Joseph. The English dialect dictionary. 6 Рипол Классик, 1-PA55 or. ISBN 9785518930971. (Noiz kontsultatua: 2024-12-12).
Kanpo estekak
