Maria Pascual Flaquer
| Maria Pascual Flaquer | |
|---|---|
 | |
| Bizitza | |
| Jaiotza | Capdepera, 1914 |
| Herrialdea |  Espainia |
| Heriotza | Manacor, 1937ko urtarrilaren 5a (22/23 urte) |
| Heriotza modua | erailketa: bala zauria |
| Familia | |
| Ama | Catalina Flaquer |
| Haurrideak | ikusi
|
| Hezkuntza | |
| Hizkuntzak | katalana gaztelania |
| Jarduerak | |
| Jarduerak | jostuna, seamstress (en)  eta politikaria |
| Kidetza | Roges des Molinar |
| Zerbitzu militarra | |
| Parte hartutako gatazkak | Espainiako Gerra Zibila |
| Ideologia | komunista |
Maria Pascual Flaquer (Capdepera, Balearrak, 1914 – Porreres, Balearrak, 1937ko urtarrilaren 5ean) balear militante komunista izan zen. Haren ama, Catalina Flaquer, ahizpa Antonia, eta Roges des Molinar izeneko gainontzeko taldekideekin fusilatu zuten Maria Porrerasko hilerrian.
Ibilbidea
Capdeperan jaio zen, Catalina Flaquer eta Rafael Pascual zituen gurasoak. Molinar de Palmako auzunean hazi zen, non ama alabekin joan baitzen bizitzera senarragandik banandu zenean.
Gaztetatik hasi zen bere auzoko jarduera sozial eta kulturaletan parte hartzen eta artikuluak idazten Nuestra Palabra, Balearretako Alderdi Komunistaren organoan. Mariari, amari eta Antònia ahizpari Roges des Molinar deitzen zitzaien. 1931n, ama-alabek eta Aurora Picornellek “Emakume-talde” baten prestakuntza bultzatu zuten, emakumezko langileei beren eskubide sozial eta politikoen alde borrokatzeko deia eginez.
Maria jostuna zen eta Palmako Coll plazan San Antonio jantzigintza-dendarako lan egiten zuen. Josep Juliàrekin ezkonduta zegoen, Gazteria Komunisten buruzagiarekin, eta harekin alaba bat izan zuen, Natalia.[1]
1934ko urriko Iraultzaren eta Palman deitutako greba orokorraren ondoren, beste bi emakume komunistarekin espetxeratu zuten, Antònia Pascual bere ahizpa nagusia eta Antonia Miguel Balaguerrekin, bere kideen atxiloketaren aurka protesta egiteagatik. Ondoren, Nazioarteko Sorospen Gorriak sortutako “Masa Koral Antifaxistan” parte hartu zuen, presoen, errepresaliatuen eta haien familientzat laguntzak biltzeko ekitaldiak antolatzeko.
Parte-hartze aktiboa izan zuen manifestazioetan, hala nola martxoan Palman Balearretako hauteskundeen errepikapena eskatzeko egin zenean, edota martxoaren 8ko Manacor bezalako mitin antifaxistetan. Gazteria Sozialisten eta Komunisten bateratze-ekitaldietan parte hartu zuen, Alderdi Komunistako Emakumearen Idazkaritzaren ordezkari gisa.
1936ko uztaileko estatu-kolpearen ondoren, bere auzoan bertan zegoen larrugintza-fabrika batean ezkutatu zen. Falangistek hiru urteko alaba erabili zuten ezkutalekua aurkitu eta kartzelaratzeko. Ama, Aurora Picornell eta beste lagun batzuk zeuden Can Sales kaleko emakumeen kartzelan sartu zuten. Senarra ere atxilotuta zegoen.
1937ko urtarrilaren 5eko gauean, Aurora Picornellekin (Molinar auzoko bizilaguna) eta Belarmina González Rodríguezekin batera, ama eta alabak fusilatu egin zituzten Porreresko hilerrian. Harrezkero, Roges des Molinar deitzen zaie.
Ikus, gainera
Erreferentziak
- ↑ Capellà, Llorenç. (3/08/1986). «Natàlia Julià … abans d’aprendre a jugar ja li ensenyaren a perdre.» Baleares. Memoria Civil (31).
Kanpo estekak
| Autoritate kontrola |
|
|---|
Datuak: Q105821767
Multimedia: Maria Pascual Flaquer / Q105821767
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
