Mary Kelly

Mary Kelly
Bizitza
Jaiotza	Fort Dodge, 1941eko ekainaren 7a (84 urte)
Herrialdea	Ameriketako Estatu Batuak
Hezkuntza
Heziketa	College of Saint Teresa (en) ; Central Saint Martins
Hizkuntzak	ingelesa
Jarduerak
Jarduerak	artista, irakaslea, idazlea, conceptual artist (en) , erakusketa-komisarioa eta editorea
	Parte-hartzailea documenta 12 (en) ;
Enplegatzailea(k)	Kaliforniako Unibertsitatea Los Angelesen
Jasotako sariak	ikusi Anonymous Was A Woman Award (2012) ; John Simon Guggenheim Memorial Foundation beka ;
Kidetza	Berwick Street Film Collective (en)
Mugimendua	Arte kontzeptuala
	marykellyartist.com

Mary Kelly (Fort Dodge, AEB, 1941eko ekainaren 7a) artista kontzeptual estatubatuarra da, feminista, idazle eta irakaslea izateaz gain.^[1] Mary Kellyk ekarpen nabarmena egin dio feminismoaren eta postmodernismoaren diskurtsoari, tamaina handiko instalazio narratiboen eta idatzi teorikoen bidez. Kellyren lana arte kontzeptualaren eta 80ko hamarkadako ildo artistiko intimistenaren arteko erdibidean dago. Bere lanak nazioartean erakutsi dira, eta gaur egun eragin handiena duten artista garaikideen artean dago.^[2]^[3]

Ibilbidea

Mary Kelly Arte Irakaslea da Kaliforniako Unibertsitatean, Los Angelesen, eta bertan Diziplina arteko Ikasketen Burua da. Arlo hau sortu zuen in situ artea, lan kolektiboa edo proiektu lanak interesatzen zaizkien artisten lanetan pentsatuta.^[4]

Mary Kellyren lanak New Yorkeko Postmasters galerian, Los Angeles Projects-eko Susanne Vielmetter-en zein Londresko Houldsworth-en erakusten dira etengabe.^[5]^[6]

Lanak

1973: Antepartum
1973-1979: Post-Partum Document
1984-1989: Interim
1999: Mea Culpa
2001: Katriot Rexhepi-ren balada
1968-2004: Circa
2005-2007: Love songs
2006-2008: Vox Manet
2010-2012: Habitus
2012: Mimus
2014: Dicere
2014: On the Passage of a Few People Trough a Rater Brief Period of time

Lan nabarmenak

Bere lanak eskala handiko instalazio narratibo gisa aurkezten ditu, gehienetan hainbat ataletan banatuta; antzezpenaren dimentsio horrek sortzen duen efektua obraren eta ikuslearen arteko urruntzea da. Bere lanetan ez dago gorputza, desagertu egiten da, ez da ikuskizun gisa erakusten (begiradaren objektu), bere errepresentazioa eremu diskurtsibora eramaten da (beste begirada bat).

Post-Partum Document

Post-Partum Document (1973-1979) lanean, amaren eta seme-alaben arteko harremanaren bidez emakumeak duen rola zalantzan jartzen du; bere diskurtsoan, Sigmund Freud eta Jacques Lacanen teoria psikoanalitikoen erreferentziak daude (amak semearenganako duen fetitxismoaz dihardu, desira-objektu, faloaren ordezko eta konpentsatzaile gisa, nahiz eta aldi baterako, emakumearen zikiratze edipikoaren prozesu legez).

Interim eta Gloria Patri

Aldiz, Interim lanean (1984-1989) Kelly-k helduarorako trantsizioan dagoen emakumearen alienazioaren gaia jorratzen du. Gloria Patri (1992) Golkoko Gerrari buruzko dokumentuen artxibo batetik abiatuta egin zuen; gerraren indarkeriaren ondorioetan sakondu zuen, norbanakoen bizitzan, eta, aldi berean, heroismoaren gaia egitura psikologiko maskulino gisa landu zuen (mentalitate militarraren testuinguruan, gizonezkoen segurtasun eza). Gerra-jardueren teknologizazio-egoera batean, gizonezkoen gorputzaren indarra ez da hain beharrezkoa; horregatik, gizakiaren identitate tradizionala higatu eta arazoak sortzen dira.

Kastriot Rexhepi-ren balada

Kastriot Rexhepi-ren balada lanean (2001), etxeko lehorgailu baten lan mekanikoaren ondorioz, pelusa duten panel batzuek gela inguratzen dute uhin moduan; horietan, Kellyk, Kosovoko gerran abandonatutako haur baten istorioa kontatu zuen. Kellyk lan horren zati bat Michael Nyman konpositoreari eskaini zion. Honek sortu zuen baladaren partitura, Sarah Leonard sopranoak eta Nyman Quartetek 2001 urtean The Santa Monica Museum of Art-en erakusketaren aurkezpenean hurrenez hurren interpretatu zutena.

Erreferentziak

↑ «Mary Kelly | Art | Store | Phaidon» www.phaidon.com (kontsulta data: 2025-07-09).
↑ «Postmasters 39 years» www.postmastersart.com (kontsulta data: 2025-07-09).
↑ (Ingelesez) «Exhibitions arkiv» Moderna Museet i Stockholm (kontsulta data: 2025-07-09).
↑ ucla. .
↑ Susanne Vielmetter Los Angeles Projects. .
↑ Pippy Houldsworth. .

Bibliografia

Mayayo, Patricia (2003). "Historias de mujeres, historia del arte (euskaraz: Emakumeen istorioak, artearen historia)". Madril: Ediciones Cátedra.
Pollock, G., Hernandez-Navarro, M.A. eta Kelly, M. (2006). “Mary Kelly.La balada de Kastriot Rexhepi (euskaraz: Kastriot Rexhepi-ren Mary Kelly.La balada)”. Murcia: Espacio AV.
Foster, H., Krauss, R., Bois, Y. eta Buchloh-k, B. (2004). "Arte desde 1900. Modernidad. Antimodernidad. Posmodernidad (euskaraz: Artea 1900etik. Modernitatea. Antimodernitatea. Postmodernitatea)". Madril: Akal (48, 570, 572-574, 575, 590-591, 625 or.).
Wood, P., Frascina, F., Harris, J.y Harrison, C. (1999). "Modernitatea eztabaidagai. Berrogeien artea". Madril: Akal / Arte garaikidea. (pp. 169,228-229).
Guash, A.M. (2009). “Autobiografías visuales.Del archivo al índice (euskaraz: Autobiografiak visuales. Artxibotik aurkibidera”. Madril: Ediciones Siruela (38-45. or.).
Acebrón, J. eta Merida R.M. (2007). “Diàlegs gais, lesbians, queer”. Lleidako Unibertsitateko edizioak (128-129. or.).
Kelly, M (1983). “Prefacio y notas para el Post-Partum Document (euskaraz: Post-Partum Document programaren hitzaurrea eta oharrak)”, Mary Kelly erakusketaren katalogoko kapitulua. Kastriot Rexhepiren balada”. Murtzia: Espacio AV (2006). (111-123 orr.)
Adams, P. (1996). "The Emptiness of the Image. Psychoanalysis and sexual differences". New York: Routledge Group. (pp. 71-88):
Kelly, M. (1994). “Imaging desire”.Cambridge: [[Massachusettseko Institutu Teknologikoa|MIT Press]].