Mekong
| Mekong 澜沧江 (zh), แม่น้ำโขง (th), ແມ່ນ້ຳຂອງ (lo), Mékôngk (km), Cửu Long Giang (vi) | |
|---|---|
| Ramsar gunea | |
 Mekong ibaia, Luang Prabang, Laos | |
| Datu orokorrak | |
| Garaiera | 1 m |
| Mota | ibaia eta nazioarteko ibaia |
| Luzera | 4.350 km |
| Geografia | |
 | |
| Koordenatuak | 33°42′31″N 94°41′44″E / 33.7086°N 94.6956°E |
| Hidrografia | |
| Ibaiadarrak | ikusi
|
| Arroaren azalera | 810.000 km² |
| Arro hidrografikoa | Mekong ibaiaren arroa |
| Ur-emaria | 15.000 m³/s |
| Iturburua | Tibeteko goi-ordokia eta Zha'a Qu (en)  |
| Bokalea () | Hegoaldeko Txinako itsasoa |
Mekong[1] hego-ekialdeko Asiako ibaia da, iturria Tibeteko ekialdeko muturrean duena, eta Txina, Myanmar, Laos, Thailandia, Kanbodia eta Vietnamdik igarotzen dena. Hego Txinako itsasora isurtzen da, delta handi batean. 4.350 kilometro inguru da luze, eta arroak 810.000 kilometro koadro inguruko hedadura dauka.[2] Indotxinako ibai nagusia da, Asiako luzeenetan laugarrena, eta munduko 13.a.
Izenak
Mekong ibaiaren baliokidea Méigōng Hé (湄公河) da txineraz, nahiz eta erabiltzen den izena Lancang ibaia izan (澜沧江, Láncāng Jiāng). Thailandieraz Mae Nam Khong (แม่น้ำโขง), laoseraz (ແມ່ນ້ຳຂອງ) Mènam Khong, khmereraz Mékôngk edo Tonle Thom eta vietnameraz Cửu Long Giang da.
Geografia
5.000 metrotik gora jaiotzen da, Tibeteko goi-lautadan, Txinako Qinghai probintzian.[3] Ibilguaren lehenbiziko erdia Txinan barrena egiten du, ur-jauziak sortuz eta arroila sakonak zeharkatuz. Txinatik irtetean 500 metroko garaieran dago. 234 kilometroz Laos eta Myanmar arteko muga egiten du, eta 976,3 kilometroz Laos eta Thailandia artekoa. Vientianetik, Laosko hiriburutik, gertu pasatu eta gero, Si Phan Don uhartedia eta Khone ur-jauziak eratzen ditu.
Kanbodian sarturik, Tonlé Sapen emaria jasotzen du, Phnom Penhetik igaro baino lehen.[4] Aurrerago bi adarretan banatzen da, eta bederatzitan Vietnamgo muga pasatu ondoren; adar guztiak Hego Txinako itsasora isurtzen dira, Mekongen delta handia eratuz. Deltak 40.000 kilometro koadroko hedadura du, eta 18 milioi lagun bizi dira bertan.
Erreferentziak
- ↑ Euskaltzaindia. (2012-06-29). 171. araua: Asiako toponimia. (kontsulta data: 2013-02-11).
- ↑ Lur entziklopedietatik hartua.
- ↑ Winn, Peter, Nakamura, Tamotsu. Final Determination of the Source of the Mekong River. jac.or.jp (kontsulta data: 2022-7-22).
- ↑ Bañuelos, Xabier. Mekong-en deltatik Angkor-era: ibaia bide bihurtzen denean. Naiz, 2019ko abenduak 20, naiz.eus (kontsulta data: 2022-7-22).
Kanpo estekak
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
