Mercy Brown
| Mercy Brown | |
|---|---|
| Bizitza | |
| Jaiotza | 1872 |
| Herrialdea |  Ameriketako Estatu Batuak |
| Heriotza | Exeter, 1892ko urtarrilaren 17a (19/20 urte) |
| Hobiratze lekua |  |
| Heriotza modua | berezko heriotza: tuberkulosia |
| Jarduerak | |
  | |
Mercy Lena Brown (Exeter, Rhode Island, AEB, 1873- 1892ko urtarrilaren 17a) tuberkulosiaz hil zen gazte estatubatuar bat izan zen. Laster banpiro bat zela zabaldu zen eta, ondorioz, 1892ko martxoaren 18an haren gorpua, Chestnut Hill hilerriaren lurretik atera eta bihotza kenduez gero, erreta izan zen. Mercyren oroimenak Estatu Batuetako folklorean garrantzi handia izan du; Ingalaterra Berriko azken banpiroa bezala ezagutzen zaio.
Gertaerak
George Brown nekazaria Mercyren aita zen; haren familiak oso gogor sufritu zuen tuberkulosi izurritea. Banan-banan guztiak hiltzen joan ziren: 1883an ama hil zen; zazpi hilabete geroago Mery Olive, alaba txikiena. Zazpi urte ondoren Edwin izan zen gaixotasunaren biktima, garai hartan tisi bezala ezagutzen zena; sendatzeko helburuz Koloradora bidali zuten, hango klima leunago baitzen, baina ez zuen hobekuntza handia izan. Bitartean, Mercyk ere gaixotasuna jasan zuen eta, hemeretzi urte zituelarik, hil egin zen, 1892ko urtarrilaren 17an.[1] Hainbeste zoritxarren aurrean herrian banpirismoaren susmoa zabaldu zen. Horren aurrean, George Brownek, nahiz eta ideiarekin bat ez egin, azken semea sabaltzeko asmoz, onartu zuen familiakideen hilobia irekitzea banpiroen aurkako erritoak aurrera eramateko.[2] Hilobia irekitzerakoan Mercyren gorpua ondo kontserbatuta topatu zuten, ilea eta azazkazalak handituta. Horrek susmoak egiaztatu zituen eta bihotza kendu zioten erretzeko hilobiratu baino lehen. Esaten dute ere errautsez nahastutako edaria Edwin Browni edanarazi egin ziotela. Dena dela, horrek ez zuen gaztearen heriotza sahiestu: urte bereko maiatzaren 2an hil egin baitzen.[3] Kasua The Providence Journal bezalako prentsan oso zabaldua izan zen eta polemika handia eragin handia izan zuen.
Sineskeriaren biktima izan zen zoritxarreko familia, azken finean.
Mercy Brown kultura garaikidean
Mercyren izena hiri-kondairekin oso lotuta dago eta Halloween ospazikunetan ohikoak dira haren inguruko erreferentziak. Mercyri buruzko zurrumurru handiak daude eta, besteak beste, haren hilobian fenomeno paranormalak ematen direla esaten da. Esaten da ere bai haren hilobiak bisita asko dituela eta loreen eta kalabaza txikien eskaintzak jasotzen dituela. 1996ko abuztuaren 16an, azkenik, haren hilobiak erasotua izan zen eta lapida bost egunetan desagertuta egon zen. [4]
Mercy Brown eta fikzioa
Bram Stoker idazleak Estatu Batuetara egin zuen bidai batean Mercy Brown kasua ezagutu zuen eta hark utzitako gauzen artean kasuari buruzko egunkari testuak eta erreportaiak aurkituz zituzten. Horren ondoriz, kritikari batzuen ustez, hor egon zitekeen 1897an plazaratu zuen bere Drakula eleberriaren oinarri bat.
Howard Phillips Lovecraft egileak, bestetik, "The Shunned House" narrazioan kasua jaso zuen.[5]
Erreferentziak
- ↑ Raven, Rory. Haunted Providence: Strange Tales from the Smallest State. The History Press, 2008. ISBN 1-59629-387-X, 9781596293878
- ↑ Curran, Bob. Vampires: a field guide to the creatures that stalk the night. Career Press, 2005. ISBN 1-56414-807-6, 9781564148070
- ↑ Stefoff, Rebecca. Vampires, Zombies, and Shape-Shifters. Secrets of the Supernatural. Editor Marshall Cavendish, 2007. ISBN 0-7614-2635-3, 9780761426356
- ↑ «Reddit - The heart of the internet» www.reddit.com (kontsulta data: 2026-01-05).
- ↑ Belanger, Jeff: The world's most haunted places: from the secret files of ghostvillage. Career Press, 2004. ISBN 1-56414-764-9, 9781564147646
| Autoritate kontrola |
|
|---|
Datuak: Q933648
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
