Mezako ardo
| Mezako ardo | |
|---|---|
ardoa, erlijio-objektua eta food in religion (en)  | |
 | |
Mezako ardoa[1][2][3] edo meza-ardoa[2] kristau liturgietan eta, bereziki, mezan erabiltzen den ardoa da.
Historia
Jaunaren Afariaren lehenengo ospakizunetatik hasita erabili izan da ardoa. Paulo apostoluak hau idatzi zuen Korintoarrei Lehen Gutunean:
| « | Jainkoa bedeinkatuz hartzen dugun esker onezko kopak, ez al gaitu Kristorekin bat egiten beronen odolean? Eta zatitzen dugun ogiak, ez al gaitu Kristorekin bat egiten beronen gorputzean? | » |
| [4] | ||
Kristautasunaren lehen mendeetan, bai kleroak bai laikoek ardo sagaratua jasotzen zuten kalizatik edanez, ogi sagaratuaren zati bat jaso ondoren. Arrazoi askorengatik, besteak beste, Ipar Europan ardoa lortzeko zailtasunagatik, Mendebaldean kalizatik edatea apaizari mugatu zitzaion neurri handi batean, eta besteek, berriz, ogiaren bidez bakarrik egiten zuten jaunartzea.[5] Horrek ardo beltza aukeratzearen garrantzi sinbolikoa ere murriztu zuen.[6] XX. mendean —batez ere Vatikanoko II. kontzilioaren ondoren— Eukaristian parte hartzeko joera zabalagoa itzuli zen Erromatar Eliza katolikoan, ogiaren eta ardoaren bidez.[7]
Konposizioa
Eliza liturgiko gehienek, hala nola Eliza Katolikoak eta Ekialdeko Eliza Ortodoxoak, mahats-ardo hutsa soilik erabiltzen dute liturgietan; luteranismoan ere mahats-ardo hutsaren erabilera arauzkoa da.[8] Beste eliza kristau batzuek, hala nola metodista batzuek, alkoholaren kontsumoa gaitzesten dute eta mahats-zukua erabiltzen dute ardoaren ordez.[9]
Ekialdeko kristautasunean, liturgiako ardoa normalean beltza izaten da, ardotik Jesu Kristoren odola hobeto sinbolizatzeko. Ekialdeko Eliza Ortodoxoan, adibidez, liturgian erabiltzen den ardoa beltz, gozo eta hartzitua izan behar da. Mendebaldeko kristautasunean, ardo zuria ere erabiltzen da aldareko oihaletan zikinguneak saihesteko.[10]
Erreferentziak
- ↑ «mezako ardo» Elhuyar hiztegia (kontsulta data: 2026-04-08).
- ↑ a b «meza-ardo» Orotariko Euskal Hiztegia (Euskaltzaindia) (kontsulta data: 2026-04-08).
- ↑ Garaizabal, Mikel. «mezako ardo» Hiztegi Enologikoa (kontsulta data: 2026-04-08).
- ↑ 1Korintoarrei 10:16
- ↑ (Ingelesez) Toner, Patrick. «Communion under Both Kinds» Catholic Encyclopedia (New York: Robert Appleton Company) 4 (kontsulta data: 2026-04-08).
- ↑ (Ingelesez) «Amber communion wine?» Church Times 2015-03-13 (kontsulta data: 2026-04-08).
- ↑ (Ingelesez) Martos, Joseph. «Twice removed: Why our sacraments often don't connect with real life» National Catholic Reporter 2016-02-20 (kontsulta data: 2026-04-08).
- ↑ (Ingelesez) Reeder, Thomas. (2004). «Ask the Pastor: The Use of wine and not grape juice in the Lord’s Supper» Pastor Reeder's Blog (kontsulta data: 2026-04-08).
- ↑ (Ingelesez) Chepkwony, Erick. «Moving from Wine to Grape Juice» Erick Chepkwony, TH.D 2026-01-10 (kontsulta data: 2026-04-08).
- ↑ (Ingelesez) «Frequently Asked Questions regarding the Altar wine» Catholic Doors Ministry (kontsulta data: 2026-04-08).
Kanpo estekak
| Autoritate kontrola |
|
|---|
Datuak: Q958011
Multimedia: Liturgical wine / Q958011
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
