Modesto Carriegas
| Modesto Carriegas | |
|---|---|
| Bizitza | |
| Jaiotza | Artzentales, 1932ko irailaren 12a |
| Herrialdea |  Bizkaia, Euskal Herria |
| Heriotza | Barakaldo, 1979ko irailaren 13a (47 urte) |
| Heriotza modua | giza hilketa: bala zauria |
| Hiltzailea | Euskadi Ta Askatasuna |
| Familia | |
| Seme-alabak | ikusi
|
| Hezkuntza | |
| Hizkuntzak | gaztelania |
| Jarduerak | |
| Jarduerak | politikaria eta bankuko kutxazaina |
| Ideologia eta sinesmenak | |
| Alderdi politikoa | Euskal Herriko Foru Batasuna |
Modesto Carriegas Pérez (Artzentales, 1932 - Barakaldo, 1979) ETAren[1][2] biktima bat da, Diputatuen Kongresurako Euskal Herriko Foru Batasunaren hautagaia izan zena.
Biografia
Modesto Carriegas Artzentalesekoa zen, ezkonduta zegoen eta 5 seme-alaba zituen. 1979ko irailaren 13an hil zuten, 47 urte zituelarik.[3] Orduan, Barakaldon bizi zen eta bertan lan egiten zuen Banco Hispano Americano bankuan, udalerriko bulego baten zuzendari moduan. Euskal Herriko Foru Batasuna koalizioaren zerrendan bigarrena izan zen eta Diputatuen Kongresurako hautagaia izan zen.
Hilketaren aurretik, Modestok beste eraso bat pairatu zuen.[4]Hain zuzen ere, urtarrilaren 27an, ETA politiko-militarreko lau kidek bere sukurtsalean lapurreta egin zuten[5] eta ondoren, Modesto bahituta eraman zuten.[6][7] Etakideek 10 milioi pezeta eraman zituzten Hispano Amerikano bankuaren bulego hartatik. Ondoren, zuzendaria Barakaldoko geltokira eraman zuten eta Bilborako tren batean sartu zuten. Bilbora iristean, taberna batean aske utzi zuten, bertan goizeko bederatziak arte geratzeko ohartaraziz. Bahiketaren helburua lapurretaren salaketa atzeratzea zen.
Hilketa[8]
1979ko irailaren 13an, Modesto etxetik irten zen, goizeko 8ak aldera. Egunero bezala, lanera zihoan, Hispano Americano bankura. Atentatuan hiru etakidek esku hartu zuten. Horietako bi eskaileretan ezkutatuta zeuden, Modestoren zain.[9] Normalean, honek, oinez jaisten zituen eskailerak. Igogailuaren parean eraso egin zioten, oso hurbiletik lau tiro emanez: buruan bi eta sabelean beste bi. Ez zen zuzeneko lekukorik egon, baina auzokide eta senideek ondo entzun zuten tiroen soinua[10] eta alboko atariko banku-sukurtsalean lan egiten zuten langileak laguntzera hurbildu ziren. Modesto lurrean aurkitu zuten, esku bat sabelean zuelarik. Langile horiez gain, berehala bere auzokide eta mediku José Reparaz Fernández[8] bertaratu zen, inguruko kiosko batetik tiroak entzun ondoren. Handik gutxira, bere emaztea ere jaitsi zen. Anbulantzia batek Gurutzetako ospitalera eraman zuen, baina ospitalean sartu zenean hilik zegoen jadanik.
Hilketa burutzeko, hiltzaileek kolore zuriko Seat 127 bat lapurtu zuten Portugaleten (Bizkaia).[11]gutxi gorabehera atentatua baino ordu bat lehenago. Jabeari pistola batekin mehatxu egin zioten eta ordu batzuk igaro arte gertakari horren berri ez emateko agindu zioten. Auto horren barruan, hirugarren etakide batek itxaron zien pistolariei, hilketaren ondoren ihes egiteko. Ibilgailua Polizia Nazionalak aurkitu zuen, Portugaleten, atentatuaren ondoren. Gainera, hurrengo egunetan, ETAk Modesto Carriegasen familiari gutun bat bidali zion, Barakaldotik alde egiteko aginduz.[12]
Hilketaren egoera prozesalari dagokionez, Auzitegi Nazionalak, ikerketa emankorrik ez zegoela kontuan hartuta, sumarioa bukatutzat jo zuen eta auzia behin-behinean largetsi zuen, urte bereko abenduaren 26an. ETA militarrak hilketa honen autoretza aldarrikatu zuen, bi egun beranduago egindako adierazpen baten bitartez.[13] Hilketa behin-behineko largespen egoeran dago, beraz, hilketaren egileek ez dute zigorrik jaso eta ez dago gertakari hauek ETA erakunde armatuari leporatzen dizkion ikerketarik.
Erreferentziak
- ↑ .
- ↑ .
- ↑ .
- ↑ (Gaztelaniaz) Ugarte Gastaminza, José. (2018). La bolsa y la vida. La esfera de los libros, Anexo 1 or. ISBN 978-84-9164-200-8..
- ↑ http://www.rtve.es/memoriadevida/detalle.php?id=206
- ↑ .
- ↑ .
- ↑ a b .
- ↑ .
- ↑ .
- ↑ .
- ↑ (Gaztelaniaz) Rogelio Alonso; Florencio Domínguez; Marcos García Rey. (2010). VIDAS ROTAS: Todas las víctimas de ETA. S.L.U. ESPASA LIBROS, 232 or. ISBN 9788467032789..
- ↑ .
Bibliografia
- (Gaztelaniaz) MERINO, A., TXAPA, A., Raíces De Libertad. 33-40 horrialdeak FPEV (2011). ISBN 978-84-615-0648-4
| Autoritate kontrola |
|
|---|
Datuak: Q55640538
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
