Nerea Loiola
| Nerea Loiola | |
|---|---|
 | |
| Bizitza | |
| Jaiotza | Deba, 1985eko ekainaren 6a (41 urte) |
| Herrialdea |  Gipuzkoa, Euskal Herria |
| Hezkuntza | |
| Hizkuntzak | euskara gaztelania |
| Jarduerak | |
| Jarduerak | idazlea eta irakaslea |
     | |
Nerea Loiola Pikaza (Deba, Gipuzkoa, 1985eko ekainaren 6a) irakaslea eta euskal idazlea da.
Biografia
Deban jaio zen 1985ean. Ingeniaritza Mekanikoan graduatu zen eta lanbidez Bigarren Hezkuntzako Matematikako irakaslea da.[1] Irakaslea eta ama bere esanetan, amatasunak garrantzi handia baitu berarentzat.
Idazle bezala haur eta gazte literaturan murgildu da eta hainbat liburu argitaratu ditu.[2] Beste alor batzuk jorratzen ere aritu da: iritzi zutabeak Urola Kostako Hitzan eta helduentzako ipuinak batez ere. Epizentroa da egindako lan horren aurreneko emaitza.[1]
Literatura liburuez gain, komikien munduan ere saiakera batzuk egin ditu. Irabazi arte ETB1eko telesaileko pertsonaien unibertsoan oinarrituta, sakelakoan irakurtzeko euskarazko lehen komiki interaktiboa sortu du Aitziber Alonso ilustratzailearekin batera: Irabazi arte: iraganeko mamua. Komikia gaztetxoei zuzenduta dago, eta sakelakoan aplikazioa deskargatu ondoren erabiltzaileei interakziorako hainbat aukera eskainiko dizkie: protagonistek istorioan entzuten duten musika entzun, pertsonaien edo gertakarien inguruko informazioan sakondu edota istorioaren garapenaren inguruko galderei erantzun.[3]
Nerea Loiolak, Jon Aranguren ilustratzailearekin batera, argitaratutako laugarren liburua Naian album ilustratua da. Gaztetxoei zuzenduta dago eta haurrengana helarazten diren desberdintasunari buruzko ikuspegiak lantzen ditu.[4]
Lanak
Argitaratutako liburuak hauek dira:
- Harri bat poltsikoan (Erein, 2018). Haurrentzako liburua (7-10 urte).[5] Xana izeneko haur baten istorioa du ardatz. Protagonistak, generorik zehaztu gabe, segurtasun gabezia nabarmena du kontakizunaren hasieran. Goiz baten harri berezi bat aurkituko du poltsikoan eta irudimena errealitatearekin uztartuko da, bere bidean aurrera egin dezan.[6]
- Azken lanhütarra (Erein, 2019). Haur eta gazteentzako liburua (10-13 urte).[7] Oraire, laino artean bizi den izakia, lanhütarra, agertzen da liburu honetan. Hodei gidaria da eta, berari esker, uraren prozesua osatzen da. Orairek liburuan oso paper garrantzitsua izan arren, protagonista Amets izeneko umea da. Bere lagunekin batera erabaki beharko du zer egin, Orairerekin topo egin eta bere egoeraren berri izan ondoren…[8]
- Epizentroa.(Erein, 2021) ISBN: 978-84-9109-600-9. Zazpi ipuinez osatutako narrazio bilduma da. Gai ugari ukitzen ditu: maitasuna, desioa, sexua, gurasotasuna, zoriontasunaren eraikuntza, nahiak-ardurak-ezinak… Estilo fina eta erakarmen-indar handiko istorioak, beti giza harremanen ardatzaren jiran, xehetasunari eta keinuari adi.[9]
- Naian. (Erein, 2022). "Buruz behera dagoen haur bat"-en ideia da abiapuntua, eta hortik eratorritako galdera sorta bat argumentua: «Buruz behera dago, edo hankaz gora? Zer gertatzen zaio? Horrela egongo da beti? Noiz jarriko da 'normal', besteak bezala? Eta betirako desberdin bada?». Protagonistak haur narratzaile bat eta Naian ikaskide berria dira. Irakasleak haurrei esan die Naian diferentea dela. Haurrak saiatzen dira deskubritzen "zer dela eta den diferentea» gelakide berria.[4]
- Azken denbora.(Erein, 2023).[10]
- AHT. Arrisku Handiko Trena (Erein, 2024)[11] Gazte literatura.
- Miraren mendekua (Erein, 2024)[12] Haur literatura.
- Zebrak eta bideak (Erein, 2024)[13]
- 7G udalekuak (Erein, 2022)
- Idatzi behar nizkizunak (Erroa, 2023)
Erreferentziak
- ↑ a b «Nerea Loiola Pikaza | Erein» www.erein.eus (kontsulta data: 2021-06-04).
- ↑ «Nerea Loiolak bere bigarren liburua aurkeztu zuen Durangoko Azokan» El Diario Vasco 2019-12-10 (kontsulta data: 2020-08-05).
- ↑ Urkizu, Urtzi. «'Irabazi arte'-ren komiki digital interaktiboa sortu dute» Berria (kontsulta data: 2022-06-13).
- ↑ a b ««Naian edonor izan daiteke, segun eta norekin alderatu»» El Diario Vasco 2022-06-07 (kontsulta data: 2022-06-13).
- ↑ (Gaztelaniaz) Harri bat poltsikoan. (kontsulta data: 2020-08-05).
- ↑ ISBN https://www.erein.eus/media/recortes_prensa/recorte_prensa1295_2.pdf..
- ↑ (Gaztelaniaz) «Azken Lanhütarra de Loiola Pikaza, Nerea 978-84-9109-490-6» www.todostuslibros.com (kontsulta data: 2020-08-05).
- ↑ SA, Baigorri Argitaletxea. (2020-01-15). «Fantasia lurtarra, «sinetsi, ez sinetsi» jokoa da Nerea Loiolaren literatura» GARA (kontsulta data: 2020-08-05).
- ↑ Epizentroa. (kontsulta data: 2021-06-04).
- ↑ Akademia, 111. (2023-10-10). «Azken denbora» 111 Akademia (kontsulta data: 2023-12-06).
- ↑ (Gaztelaniaz) AHT - Arrisku Handiko Trena. (kontsulta data: 2024-12-13).
- ↑ (Gaztelaniaz) Miraren mendekua. (kontsulta data: 2024-12-13).
- ↑ (Gaztelaniaz) «ZEBRAK ETA BIDEAK | | Erein Argitaletxea, S.A. | Casa del Libro» casadellibro 2024-11-08 (kontsulta data: 2024-12-13).
Kanpo estekak
- Elkarrizketa: Liburuarekin lortu dut haztea 2021.02.01
| Autoritate kontrola |
|
|---|
Datuak: Q98085414
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
