Nerea Perez

Nerea Perez
Bizitza
Jaiotza	Tolosa, 1997ko abuztuaren 2a (27 urte)
Herrialdea	Gipuzkoa, Euskal Herria
Hezkuntza
Hizkuntzak	euskara gaztelania
Jarduerak
Jarduerak	arraunlaria

Nerea Perez Plazas (Tolosa, 1997ko abuztuaren 2a) traineru-patroia da^[1], lau Kontxa eta lau Liga eskuratu dituena. 2023ko urri hasieran Patroi Onenaren EITB Saria jaso zuen Donostiarra traineruko tolosarrak Euskotren Ligan egindako lanarengatik.^[2]

Tolosako Arraun Klubean aritu ondoren, 2013an trainerua gidatzen debuta egin zuen Zarautz Arraun Elkartean. Hurrengo urtean San Juanera joan zen eta 2014an estropada gutxi batzutan gidatu bazuen trainerua, 2015ean patroi titularra bihurtu zen eta taldearekin Liga eta Kontxa irabazi zituen. 2016an Inder Paredesekin banatu zituen lanak, baina bera izan zen Kontxako Banderan patroia. 2017an eta 2018an Kontxa eta Liga irabazi zituen^[3].

2018an San Juan taldea desegin zenean^[4] Hondarribiara joan zen eta bi denboraldiz aritu zen. 2021etik aurrera Donostiarra taldean ari da eta Euskadiko eta Gipuzkoako txapelketak irabazi ditu^[5].

• Kontxako Banderak (4): 2015, 2016, 2017, 2018.
• Emakumezkoen Ligak (4): 2015, 2016, 2017, 2018.
  • Patroi onena (6): 2015, 2016, 2017, 2018, 2023, 2024.
• Euskadiko Traineru Txapelketak (3): 2016, 2018, 2023.
• Gipuzkoako Traineru Txapelketak (3): 2017, 2018, 2023.
• Gipuzkoako Liga (1): 2017.
• Zarauzko Ikurrina (4): 2015, 2016, 2017, 2018.

• 2023ko urri hasieran Patroi Onenaren EITB Saria jaso zuen Donostiarra traineruko tolosarrak Euskotren Ligan egindako lanarengatik, garaikurra eta 3.000 euroko txekea jaso zituzten.^[6]