PCA agar
PCA agarra (Plaka-kontaketaren agarra ere deitua, PCA ingelesezko sigletan) mikrobiologiako laborategietan erabiltzen den hazkuntza-ingurune solidoa da, bakterio aerobio totalen zenbakia ezagutzeko erabiltzen dena. Hazkuntza-ingurune orokorra da, mikrobio askoren hazkuntza ahalbidetzen dituena (ez baita hautakorra).
PCA agarra asko erabiltzen da ur eta janarien industrietan, bertako produktuen azterketa mikrobiologikoak egiterakoan.
Hazkuntza-ingurune honek kaseina du, bakterioen eskakizun nutritibo asko (nitrogenoa, karbonoa, bitaminak eta mineralak) asetzen dituena. Legamiaren estraktua ere badu, beste bitamina batzuen (B taldekoak, batez ere) iturria dena. Eta daukan glukosa, azkenik, bakterioen energia-iturria da [1].
Plakan egindako isurketaren metodoa erabili ohi da PCA agarrarekin: laginaren mililitro bat Petri plaka batera isurtzen da. Gero, PCA agar urtua (45º C-etan) botatzen zaio gainera eta emeki mugitzen da plaka, lagina hazkuntza-ingurunearekin nahas dadin [2]. Agarra solidotzen denean, plakak inbertituta inkubatzen dira.
Aerobio totalen hazkuntza egokia izan dadin garrantzitsua da oso inkubazioaren tenperatura eta epea. Inkubazioa 48 ordutan eta 37º Cº-tan egin ohi da, baina 5 egunetan eta 22º C-tan ere egin daiteke; azken kasu honetan, onddoak ere haziko dira.
Erreferentziak
- ↑ Recuento en placa modificado, Agar Scharlab
- ↑ Madigan M.T., Martinko J.M., Parker J. Brock Mikroorganismoen biologia (2007) E.H.U-ak euskaratua: 142 orr. ISBN: 978-84-9860-026-1
Kanpo estekak
| Autoritate kontrola |
|
|---|
Datuak: Q6395830
Multimedia: Plate Count Agar / Q6395830
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
