Paredro

Paredroa (antzinako grezieraz: πάρεδρος, paredros, pluralean, paredroi) literalki "gertu eserita" edo "ondoan eserita dagoena" esan nahi duen izen edo adjektiboa da. Askotan maila baheagoan dagoen eta jainko edo jainkosa nagusiarekin batera gurtu ohi den jainko edo jainkosa bat aipatzeko erabili ohi da. Hala ere, oro har, jainko edo jainkosa baten paredroa, bikotekidea aipatzeko joera dago, haren berdina edo osagarria izan daitekeena.^[1]

Egiptoar mitologian, ia jainko edo jainkosa guztiak bikoteka lotzen ziren, eta, askotan, sustrai etimologiko bera partekatzen zuten (Hermopoliseko Ogdoadan esate baterako).

Kosmogonia ezberdinetan agertzen diren jainko egiptoarren arteko harremanak dira ezagunenak:

• Helipoliseko kosmogonian:
  • Xu/Tefnut, Geb/Nut-en gurasoak, Osiris/Isis eta Set/Neftis-en seme-alabak
  • Nun/Nunet, Heh/Hehet, Kuk/Kekut, Amon/Amemet

Baita tokiko panteopietan ere:

• Amon/Mut (Tebasko hirukoan) ;
• Ptah/Sekhmet (Menfiseko hirukoa) ;
• Montu/Rattaui (Medamudeko hirukoa).

Beste adibide batzuk senar-emazteen kasuan:

• Atis Zibeleren paredroa da, Jupiter Junonean Antzinako Erroman edo Zeus Herarena Antzinako Atenasen;
• Belenos eta Belisama galiar panteoian;
• Sarasvatî eta Brahma;
• Kali, Durga eta Parvati Shivaren paredroak dira, bere shaktiak;
• Samantabhadra eta Samantabhadri Budaren izaeraren bi alderdi dira: gupida eta jakituria;
• Tanit eta Ba'al Hammon edo Afrikako Saturno;
• Antu eta Anu, sumeriar jainkoen erregea;
• Vanth eta Charun demonio psikoponpoak etruriarren artean;
• Borvo eta Damona, galiar mitologiako iturri beroetako eta osasunaren jainko-jaikosa ;
• Njörd eta Nerthus, eskandinaviar mitologian vanirren familiako jainko eta jainkosa nagusia, neba-arrebak dira;
• Frey eta Freyja, aurreko bikotearen semea eta alaba ;
• Frigg Odinen paredroa da, Eskandinaviako mitologian Æsirren talde jainkotiarrean dauden jainko eta jainkosa nagusiak.
• Ashera eta YHWH (Jahveh) Kuntillet 'Ajrud-eko estelan.