Patxi Azparren

Patxi Azparren
Bizitza
Jaiotza	Donostia, 1968 (57/58 urte)
Herrialdea	Gipuzkoa, Euskal Herria
Lehen hizkuntza	euskara
Hezkuntza
Heziketa	Urrutiko Hezkuntzarako Unibertsitate Nazionala
Hezkuntza-maila	lizentzia
Hizkuntzak	euskara gaztelania
Jarduerak
Jarduerak	irakaslea, idazlea, politika-idazlea eta aktibista
Lan nabarmenak	ikusi Batzarrak, jatorrizko antolaketa
Kidetza	Kontzientzia Eragozpen Mugimendua Autodeterminazioaren Biltzarrak Euskaria Fundazioa

Patxi Azparren Olaizola (Donostia, Gipuzkoa, 1968) ekintzaile antimilitarista, indarkeria-ezean eta desobedientzia zibilean aritua da. Euskal Herriaren autodeterminazioaren aldeko militantea, Autodeterminazioaren Biltzarretan (ABK) eta Euskaria fundazioan batik bat hartu parte. Antropologoa eta euskara irakaslea.^[1]

Patxi Azparren Donostian, 1968an, jaio zen. Gaztetik herri mugimenduetan ekintzaile izan da. Soldaduskari intsumiso, KEM-MOC taldeko partaide izan zen, eta Gipuzkoan haren aurpegi ezagunetako bat. Autodeterminazioaren arloan Autodeterminazioaren Biltzarrak herri-mugimenduaren eledunetako bat izan zen. Talde honen izenean Lizarra-Garaziko Akordioaren talde iraunkorreko kide izan zen.

Gipuzkoako Eragozpen Taldearekin hainbat proiektutan lagundu zuen Perun eta Euskal Herrian. Talde honekin ere 10 urtez "Indarkeriari-ezari buruzko jardunaldietan" saioen antolakuntzan lagundu zuen.

18/98 sumarioan auziperatua, hilabete eman zuen espetxean, sei urte behin-behineko askatasunean egon zen eta epaiketa iritsi aurretik, kargurik gabe aske geratu zelarik, bere kasua artxibatua izan zen.

Burujabetzaren Aldeko Desobedientzialariak taldean aritu zen. Talde honek Ipar Euskal Herriko "Demo" taldearekin batera euskal naziotasunaren aldeko ekimenak bultzatu zituen.

Nazioeztabaidaguneko taldeko kidea izan zen, baita Independentista taldeko sortzaileetako bat ere.^[2]

Maltzagako Mahai izena izan zuen ekimenaren idazkaria izan zen.

2003tik euskara irakasle ari da eta euskararen erabileraren aldeko ekimenetan .

2020ean osatu zen AntimilitaristaEH koordinakundeko kidea da, Bake Ekintza Antimilitarista taldekide gisa.

Ikerketa batzuk egin ditu, bestetik, euskal diasporaz, euskarari buruz, migrazioei buruz eta batzarrei buruz. Bidehelburu taldeak argitaratu dituen hainbat liburutan parte hartu du. Argia, Berria eta Gara egunkarietan artikulu egilea da.

• Batzarrak, jatorrizko antolaketa. ISBN:978-84-616-6623-2^[3]
• Raul Arkadia kazetariarekin batera. "Askatasun ufadak". Andoni Perez Cuadradoren biografia.

• Mil y una coces contra la disidencia. Sabino Ormazabal, Luix Barinagarrementeria, Mario Zubiaga eta Mikel Zuluagarekin. Donostia: Autoedizioa, 2003. http://www.nodo50.org/tortuga/IMG/pdf/milyunacoces.pdf^{[Betiko hautsitako esteka]}. ISBN_ 84-607-7855-X.

• Mil (y 2) coces contra la disidencia. Sabino Ormazabal, Luix Barinagarrementeria, Mario Zubiaga eta Mikel Zuluagarekin. Donostia: Autoedizioa, 2005. http://www.nodo50.org/tortuga/IMG/pdf/Mil_y_2_coces.pdf^{[Betiko hautsitako esteka]}
• Euskariaren Fundazioaren "Prentsa Txostena 2006-08"

• Indarkeria-ez aktiboa

• : Argian, 2009-09-13an argitaratutako elkarrizketa.
• : Berrian argitaratutako artikuluen bilduma.
• Bideoa: http://www.argia.eus/multimedia/solasaldiak/batzarrak-eta-auzolana
• Argian: http://www.argia.eus/argia-astekaria/2425/demokrazia-parte-hartzailea
• Artikulu bilduma: https://zuzeu.eus/?s=patxi+azparren
• Elkarrizketa: https://vimeo.com/85918037
• GARAn bilduma: https://www.naiz.eus/eu/iritzia/busqueda?utf8=%E2%9C%93&search=&query=patxi+azparren