Piaggio

Piaggio
Datuak
Izen ofiziala	Piaggio & C. SpA
Mota	motorcycle manufacturer (en) , negozioa, automobile manufacturer (en) eta kapital irekiko enpresa
Jarduera sektorea	automobilgintza, ingeniaritza mekanikoa eta Robotika
Herrialdea	Italia
Jarduera
Eskumendekoak	Moto Vespa SA (en)
Enplegatuak	5.702 (2021eko abenduaren 31)
Ekoizpena	Eskuter (motozikleta), ziklomotor eta Vespa
Agintea
Egoitza nagusi	Pontedera;
Legezko forma	akzio bidezko sozietate
Zeren jabe	Vespa, Puch (en) , Aprilia (en) , Gilera (en) , Moto Guzzi (en) , Derbi (en) , Laverda eta Piaggio
Ekonomia
Aktiboak	1,865 € (2023)
Diru-sarrerak	1,994 € (2023)
Irabazi garbia	60.100.000 € (2021)
Ustiapen-mozkina	180,6 € (2023)
Balore-burtsa	Italiako burtsa
Historia
Sorrera	1884
Sortzailea	Rinaldo Piaggio (en)
Sorlekua	Sestri Ponente (en)
Jasotako sariak	Compasso d'oro 1991 ; Compasso d'oro 2004
	webgune ofiziala;

Piaggio Italian egoitza duen konpainia da, autoak, motorrak eta scooterrak (Vespak) fabrikatzen dituena.

Historia

Rinaldo Piaggiok sortu zuen 1884an, Piaggio-k hasieran lokomotorrak eta tren-autoak fabrikatzen zituen. Lehen Mundu Gerran konpainiak hegazkinen fabrikazioan jarri zuen arreta.

Bigarren Mundu Gerran, konpainiak borrokarako hegazkinak fabrikatu zituen, baina Piaggio gerratik atera zen Pontederako lantegiarekin erabat eraitsita bonbardaketengatik. Kaltetutako Italiako ekonomiak eta errepideen egoera txarrak ez zuten automobilen merkatua birsortzen lagundu. Enrico Piaggio, Piaggio-ren sortzailearen semea, sektore aeronautikoa uztea erabaki zuen garraiobide moderno eta, aldi berean, ekonomikoa lortzeko Italiako premia larriari aurre egiteko. Ideia masentzako ibilgailu merkea diseinatzea zen.

Corradino D'Ascanio ingeniari aeronautikoa , Agustako lehen helikoptero modernoa diseinatu eta eraikitzeaz arduratu zena, Enrico Piaggik aukeratua izan zen ibilgailu sinple, sendo eta ekonomikoa diseinatzeko. Ibilgailuak gidatzeko erraza izan behar zuen, bai gizonentzat, bai emakumeentzat, bidaiaria garraiatzeko gai izan behar zuen (gidariaz gain) eta gidariaren arropetan zikinkeriarik ez uzteko. Ondorioz, 1946an Piaggik Vespa scooter-a (Vespa = "liztorra" italieraz) jarri zuen martxan, eta 10 urtean milioi bat unitate baino gehiago fabrikatu ziren zegoeneko.

Garapena

Piaggio Vespa-ren arrakastaren ondorioz diru-fluxu sendoa izaten hasi zen, eta beste produktu batzuk garatzea erabaki zuen. 1957an Vespa 400 egin zuten, bidaiarien auto txiki bat.

1959an, Piaggio Agnelli familiak kontrolatzen zuen, eta, aldi berean, Fiat autoaren fabrikatzailea zen. Ondorioz, bi dibisioak (aeronautika eta motorrak) banandu ziren 1964an bi enpresa independente eratzeko; dibisio aeronautikoak IAM Rinaldo Piaggio izena hartu zuen. Gaur aeronautikako konpainia Piaggio Aero da, eta Piero Ferrari familiak kontrolatuta dago, eta hori, gainera, Ferrari auto fabrikatzaile ospetsuaren % 10en jabea da.

1969an, motozikleten konpainiak Gilera erosi zuen.