Ram Mohan Roy
| Ram Mohan Roy | |
|---|---|
 | |
| Bizitza | |
| Jaiotza | Radhanagore (en)  , 1772ko maiatzaren 22a |
| Herrialdea | Company rule in India |
| Lehen hizkuntza | bengalera |
| Heriotza | Bristol eta Purdown Hospital, Beech House (en) , 1833ko irailaren 27a (61 urte) |
| Hobiratze lekua | Arnos Vale Cemetery (en) Tomb Of Raja Rammohun Roy Bahadoor, Arnos Vale Cemetery (en)  |
| Heriotza modua | berezko heriotza: sukarra meningitisa |
| Hezkuntza | |
| Hizkuntzak | bengalera ingelesa sanskritoa persiera |
| Jarduerak | |
| Jarduerak | filosofoa, gizarte-erreformatzailea, idazlea eta itzultzailea |
| Mugimendua | Bengaliar Pizkundea |
| Ideologia eta sinesmenak | |
| Erlijioa | Brahmo Samaj (en) |
   | |
 | |
Ram Mohan Roy, Ram Mohun, Rammohun, Rammohan edo Ram Mohan (bengaleraz: রাজা রামমোহন রায়; Radhanagore, Bengala, 1772ko maiatzaren 22a – Stapleton, Bristol, Ingalaterra, 1833ko irailaren 27a) Bengalako erlijio gizona izan zen. Brahmo Samaj («Brahma-ren elkartea») mugimendu hindu protestantea sortu zuen eta lehen urratsak eman zituen Britainiar Inperioaren barnean geratua zen India aurrerabidean ezartzeko. India modernoko aitzindaritzat dute askok. Bengalako brahman familia aberats batean sortu zen. Familiatik urrundu eta negoziotan hasi zen Ekialdeko Indietako Britainiar Konpainiaren barnean. Han mendebaleko kultura eta zibilizazioa ezagutu zituen. Bestetik, ez zuen albora utzi hinduen erlijioa eta 1815ean Vedānta Sūtras (Veda liburuak) liburu santuen laburpen bat eta Vedantasara, Veda liburuetako dotrinei buruzko beste liburu bat idatzi zituen. Bigarren liburuaren ingelesezko itzulpena ere eskaini zuen. Kena eta Isha Upanishad obren bengalierazko eta hindizko itzulpenak egin zituen hurrengo urteetan. 1815etik aurrera, harremanak izan zituen kristau misiolari baptistekin eta Itun Berria bengalierara itzuli zuen. "Jesusen aginduak, Bake eta Zoriontasunerako gidaliburua" izeneko obra aurkeztu zuen 1820an, Kristori buruz zuen ikusmoldea erakusten zutenak. 1823an ingelesen aurka jo zuen, europarrek Kalkutako hirian zentsura zabaldu ostean, eta Ipar Amerikako eta Frantziako iraultzaren oihartzunak eraman zituen lehenengoz Bengala eta India aldera. Hezkuntzaz eta irakaskuntzaz arduratzen hasi zen, ikastetxe batzuk sortu zituen eta mendebaleko heziketa moldeak hobetsi zituen hangoen aldean. Justiziari dagokionez, Indiako lehengo sistema bera gordetzearen aldekoa izan zen, baina aldaketa batzuk eginez. Sati edo senarra hiltzen zenean alarguna ere hiltzea eskatzen zuen ohituraren aurka borrokatu zen 1818tik aurrera, eta aurkako ugari izan zituen arrazoi horrengatik. 1822an, liburu bat idatzi zuen Indiako emakumeen eskubide urriei buruz, eta kanpaina zabal bat bideratu zuen Sambad Kaumudi bere egunkaritik satien aurka. 1828an Brahmo Samaj mugimendu hindu protestantea sortu zuen, kultura eta zibilizazio guztien izaki gorena gurtzeko eta herri berezi guztien arteko oreka unibertsala erdiesteko. 1829an Europara joan zen, Delhiko erregearen enbaxadore gisa; 1833an, Parisen egon zen eta Bristolen hil zen urte horretan bertan.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2014-5-11 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
| Autoritate kontrola |
|
|---|
Datuak: Q335269
Multimedia: Ram Mohan Roy / Q335269
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
