Real Unión

Real Unión
Datuak
Izen ofiziala	Real Unión Club S. A. D
Mota	futbol-kluba
Herrialdea	Espainia
Izengoitia	Irundarras, Txuribeltzak eta Fronterizos
Liga	Bigarren Federazioa eta Lehen Federazioa
Estadioa	Stadium Gal: Irun; 43°20′44″N 1°47′09″W / 43.3456°N 1.7858°W ; 6.344
Agintea
Entrenatzailea	Iñaki Goikoetxea Beristain eta Mikel Llorente
Egoitza nagusi	Irun;
Jabea	Unai Emery
Historia
Sorrera	1915eko maiatzaren 15a
Koloreak

	Etxekoa

	Kanpokoa
	webgune ofiziala;

Real Unión Club de Irun 1915ean sortutako Irungo (Gipuzkoa) futbol taldea da, lehen maila RFEF jokatzen duena. Talde txuribeltzak historia luzea du, izan ere Espainiako Ligaren aitzindarietako bat izan zen, eta lau aldiz irabazi du Espainiako Futbol Kopa. Azken hamarkadotako jokalari ospetsuen artean, aipatzekoak dira Javier Irureta eta Roberto Lopez Ufarte.

Historia

Sorrera eta hasierako garaipenak

Irunen futbolaren hastapena 1902an izan zen, "Irún Football Club" sortu zutenean. Bost urte geroago beste kirol arlo batzuk barne hartzeko izena aldatu zuten, "Irún Sporting Club" bilakatuz. Hurrengo urtean, bestela, klubaren barneko zatiketa baten ondorioz "Racing Club de Irún" taldea abiatu zuten, eta azkenean 1915ean gaur egungo izenarekin gelditu zen, batasuna islatuz.

Klubaren palmaresean dauden lau Errege Kopa hasierako garai hartakoak dira, 1913, 1918, 1924 eta 1927an irabazitakoak. Iparraldeko txapelketa eta Gipuzkoako txapelketa ere sarritan irabazi zituen, Gipuzkoan Errealarekin lehia izugarria izan zuen. 1934an Afizionatuen Espainiako futbol txapelketa ere irabazi zuen.

Hain zuzen ere taldearen sasoi onenak 1910eko hamarkada eta 1930ekoaren artekoak izan ziren. Orduan, futbola profesionalizatu ondoren, diru gehiago zuten taldeek eraman zituzten Irungo jokalari garrantzitsuenak. Espainiako Ligaren aurreneko lau denboralditan lehen mailan egon ondoren bigarren mailara jeitsi zen. Errepublikaren garaian Unión Club izena izan zuen.

Behe mailetan

Lehenengo urtean laugarren egin zuen baina hurrengo urteetan emaitzak okerragoak izan ziren eta 1942an hirugarren mailara jeitsi zen, garai hartan ezbaitzen bigarren B mailarik. Ordutik aurrera hirugarren mailan aritu zen. 1958 eta 1964an bigarren mailara itzuli zen, baina bietan urtebete iraun zuen.

1977an bigarren B maila sortu zen eta hasieratik bertan aritu zen Real Unión. 1987an jokaturiko azkenengo Afizionatuen Espainiako txapelketa irabazi zuen.

XXI mendea

2008an berriro ere ezagutzera eman zen Espainiako Futbol Errege Kopan, Real Madril taldea kanporatu ondoren. Gainera, denboraldi horretan, 2008-09koan, Bigarren B mailako txapeldun geratu zen eta igoera-fasean Alcorcón FC taldeari irabazi ondoren, bigarren mailara igo zen.^[1]

Urtebete egin zuen bertan baina 21. postuan sailkatu eta maila galdu zuen. Hurrengo urteetan ibilbide gorabeheratsua egin du Bigarren B mailan, eta birritan igoera play-offetara sailkatu den arren ez du Bigarren mailara itzultzea lortu. Aipatzekoa da era berean 2015ean Federazioaren Kopa irabaztea lortu duela CD Castellóni finaleko partida biak irabazita, Castellón 0-1 eta etxean 3-0.^[2]

2015eko uztailaren 15ean ehungarren urteurrena ospatzeko Errealaren aurkako partida jokatu zuen eta 0-0 berdindu zuten.

Uniformea

Historikoa





Irun Sporting Club





Racing Club Irun





Real Unión 1915

Azken urteak





2013-2015





2015-2016





2016-2018





2018-2019





2020-2021





2022-

Palmaresa

Lehen maila

seigarrena 1929-30 denboraldian.

Bigarren maila

laugarrena 1932-33 denboraldian.

2. B mailan

Txapelduna (2): 2002-03 eta 2008-09

Hirugarren mailan

Txapelduna (4): 1957-58, 1963-64, 1991-92 eta 1992-93.

Espainiako Futbol Errege Kopa

Txapelduna (4): 1913, 1918, 1924 eta 1927.
Finalista (1): 1922.

Espainiako Futbol Federazioaren Kopa

Txapelduna (1): 2015

Iparraldeko Eskualdeko Txapelketa

Txapelduna (1): 1918.

Gipuzkoako Herrialde Txapelketa

Txapelduna (9): 1919-20, 1920-21, 1921-22, 1923-24, 1925-26, 1927-28, 1929-30 eta 1930-31.

Afizionatuen Espainiako futbol txapelketa

Txapelduna (2): 1934 eta 1987.

Datuak

Sakontzeko, irakurri: «Real Uniónen ibilbide historikoa»

Partida gehien jokatu dituzten jokalariak (2.B mailararte)

#	Izena	Guztira	Liga	Kopa
1	Otermin	435	417	18
2	Juan Domínguez	308	297	11
3	Eneko Romo	263	246	17
4	Zarzuelo	227	219	8
5	Oier Larraintzar	224	205	19
6	Iñaki Goikoetxea	222	209	13
7	Gabarain	213	201	12
8	Jorge Galan	202	199	3
9	Sergio Francisco	198	180	18
10	Berruet	190+	175+	15

Golegileak (2.B mailararte)

#	Izena	Guztira	Liga	Kopa
1	Jorge Galan	68	68	0
2	Urtizberea	67	55	12
3	Eneko Romo	56	52	4
4	Sergio Francisco	54	48	6
5	Luis Regueiro	52	42	10
6	Juan Domínguez	47	46	1
7	Iñaki Goikoetxea	46	42	4
8	Julio Elizegi	42	41	1
9	Gorka Brit	30	29	1
10	René Petit	28	9	19

Denboraldiak

2026-27 barne:

Denboraldiak Lehenengo Mailan: 4
Denboraldiak Bigarren Mailan: 10
Denboraldiak Lehen Federazioan: 5
Denboraldiak Bigarren B Mailan: 28
Denboraldiak Bigarren Federazioan: 1
Denboraldiak Hirugarren Mailan: 40
Emaitzarik onena: 6.a (Lehen Mailan, 1929-30an)

Espainiako Ligan ibilbidea

Azken urteetako ibilbidea

Urtea	#	Maila	Postua	Kopa
1999-00	3	Bigarren B maila	16.a
2000-01	3	Bigarren B maila	9.a
2001-02	3	Bigarren B maila	6.a
2002-03	3	Bigarren B maila	1.a	1/16
2003-04	3	Bigarren B maila	12.a	2. itzulia
2004-05	3	Bigarren B maila	2.a
2005-06	3	Bigarren B maila	5.a	3. itzulia
2006-07	3	Bigarren B maila	4.a	2. itzulia
2007-08	3	Bigarren B maila	5.a	1/32
2008-09	3	Bigarren B maila	1.a	1/16
2009-10	2	Bigarren maila	21.a	2. itzulia
2010-11	3	Bigarren B maila	4.a	1/32
2011-12	3	Bigarren B maila	14.a	1. itzulia
2012-13	3	Bigarren B maila	8.a
2013-14	3	Bigarren B maila	15.a
2014-15	3	Bigarren B maila	4.a
2015-16	3	Bigarren B maila	5.a	1. itzulia
2016-17	3	Bigarren B maila	7.a	1. itzulia
2017-18	3	Bigarren B maila	13.a	1. itzulia
2018-19	3	Bigarren B maila	16.a
2019-20	3	Bigarren B maila	17.a
2020-21	3	Bigarren B maila	5.a/1.a
2021-22	3	Lehen Federazioa	8.a	1. itzulia
2022-23	3	Lehen Federazioa	13.a	2. itzulia
2023-24	3	Lehen Federazioa	15.a
2024-25	3	Lehen Federazioa	18.a
2025-26	4	Bigarren Federazioa	1.a
2026-27	3	Lehen Federazioa