Ricardo Balaca

Ricardo Balaca
Irudi gehiago
Bizitza
Jaiotza	Lisboa, 1844ko abenduaren 31
Herrialdea	Espainia
Heriotza	Aravaca, 1880ko otsailaren 12a (35 urte)
Hobiratze lekua	Q73778752
Familia
Aita	José Balaca
Ezkontidea(k)	Teresa Vergara (en)
Haurrideak	ikusi Eduardo Balaca (en)
Hezkuntza
Heziketa	San Fernandoko Arte Ederren Errege Akademia
Hizkuntzak	gaztelania
Jarduerak
Jarduerak	margolaria eta ilustratzailea
Genero artistikoa	erretratua margolaritza historikoa

Ricardo Balaca Orejas-Canseco (Lisboa, 1844ko abenduaren 31 — Aravaca, Madril, 1880ko otsailaren 12a) guduen eszenak  margotzen espezializatua zegoen pintore espainiarra.^[1].

Bere aita José Balaca Carrión margolaria ere bazen. Ricardo semea jaio zen unean Lisboan zegoen, Espainatik erbesteratu ondoren arrazoi politikoak zirela medio.

Formakuntza senidearen estudioan hasi zuen eta Madrilgo Escuela Superior de Pintura Escultura y Grabado delakoan osatu, non  Federico Madrazo. margolariaren ikasle izan zen.  Gazte zela, nabarmendu zen eta 1858 urtean, 13 urte baino ez zituela, parte hartu zuen Espainiako Exposición Nacional de Bellas Artes , non ohorezko aipamena jaso zuen.

Teresa Vergara Domínguez izan zuen emazte eta harekin hiru seme izan zituen. 37 urte zituela hil egin zen. Bere anaia,  Eduardo Balaca , margolari aitortua izan zen ere. 

Marrazkigintza, ilustrazio grafikoa, erretratua eta batik bat guduen eszenak margotzen nabarmendu zen. Hori XVIII mendeko genero tipikoa zen, baina XIX mendean, Erromantizismoa zabaltzean, generoa gailendu zen berriz. Bere lanen artean, azpimarragarriak dira Hirugarren Karlistaldian eginikoak, Gerra Ministerioak berriemaile izendatutakoan. Epe horretan, hainbat marrazki egin zituen gerrako gertaerak islatzen.^[2].

Bere lanen artean, badago  La Batalla de Almansa Madrilgo Pradoko Museoan erakusgai dagoena,  Teresa Vergara emaztearen erretratua,  Lazaro Galdiano Museoan eta   Inocencia Serrano y Cerver, Cerralbo Markesaren erretratua, Madrilgo Cerralbo Museoan ere. Ilustratzaile gisa, On Kixote Mantxakoaren Montaner y Simónek eginiko argitalpenaren ilustrazio lanak egin zituen eta garaiko hainbat aldizkarien kolaboratzaile izan zen.^{[3] [4]}

• Ossorio y Bernard, Manuel. (1868). Galería biográfica de artistas españoles del siglo XIX. 1 Madril: Imprenta a cargo de Ramón Moreno, 61-62 or..

• Pereira Bueno, Fernando; Sousa Jiménez, José. (1994). «Apuntes de una estancia del pintor Ricardo Balaca en Galicia» Anuario Brigantino (Concello de Betanzos) (17): 287-302. ISSN 1130-7625..