Rock transgresivo

Rock transgresivo
Extremoduroren albuma
Egilea(k)	Extremoduro
Argitaratze-data	1990
Izenburua	Tú en tu casa, nosotros en la hoguera
Ekoizpen lekua	Espainia
Banatze bidea	Kasete eta LP
Ezaugarriak
Hizkuntza	gaztelania
Diskoetxea	Avispa (en)
Zatiak	8 musika pista
Deskribapena
Honen parte da	Extremoduro's albums in chronological order (en)

Rock transgresivo
Extremoduroren albuma
Egilea(k)	Extremoduro
Argitaratze-data	1994
Izenburua	Rock transgresivo
Ekoizpen lekua	Espainia
Banatze bidea	disko konpaktu, Kasete eta musika-streaming
Ezaugarriak
Hizkuntza	gaztelania
Diskoetxea	Discos Radiactivos Organizados
Zatiak	10 musika pista
Deskribapena
Honen parte da	Extremoduro's albums in chronological order (en)

Rock transgresivo Extremoduro rock talde espainiarraren estudioko lehen diskoa izan zen.

1989ko urtarrilean Duplimatic estudioetan Rock transgresivo izeneko maketa bat grabatu zuten, 250 pertsonek mila pezetako bonuak erosi ostean. Arrakasta zela eta, urte horretan betan taldeak bere lehen estudioko albuma grabatu eta argitaratu zuen, Tú en tu casa, nosotros en la hoguera izenburupean —nahiz eta azalean jatorrizko izenburua nabarmen mantendu—, Avispa zigilu diskografikoarekin. Emaitzarekin konforme geratu ez zirenez, maketa primitiboa partzialki birgrabatu eta birnahastu zuten DRO zigilu diskografikoarekin, 1994ko abuztuan. Euren helburua zen Tú en tu casa, nosotros en la hoguera grabaketa ordezkatzea, album berri gisa.

Bi albumak batera existitu ziren dendetan, izan ere, garai hartan banda izaten ari zen arrakastaren ondoren, Avispak CD formatuko album zaharra berrargitaratu zuen urte hartan bertan, publikoa lehen lana erostera bultzatzen zuen promozio batekin batera, «benetako» eta «jatorrizko» gisa katalogatuz; baina taldearen nahia zen album originala katalogotik kanpo geratzea. 1998an diskografikoaren eskubideak erosi eta disko hura desagerrarazi zuten^[1].

Albumaren bertsio berriak urrezko disko bat lortu zuen 1999an, Espainian saldutako 50.000 aleen kopurua lortu baitzuen.

Aurrekariak, grabazioa eta produkzioa

1987an taldea sortu eta lehen kontzertuak eman zirenetik hilabete batzuk geldirik egon ondoren, 1988ko udan taldea suspertzea erabaki zuen Robek, baxu-jotzaile eta bateria-jotzaile berri baten bila. Hori dela eta, Kaito eta Williamen ordez Salo eta Luis "von Fanta" jarri zituen. Maketa bat grabatzeko behar den dirua ez dutenez, taldeak erabaki zuen 1.000 pezetako baleak saltzea bere lagun eta ezagunen artean, ondoren diskoaren kopia batengatik trukatu ahal izateko. Txartel horietako 250 saldu ondoren, behar adina diru biltzea lortu zuten, eta 1989ko urtarrilean sartu ziren Madrilgo Duplimatic estudioetan, eta zazpi gai erregistratu zituzten: La hoguera, Extremaydura, Romperás, Amor castúo, Decidí, Jesucristo García, Emparedado eta Arrebato. Rock transgresivo izeneko maketa hark ospe handia lortu zuen underground zirkuituan.

Kataluniako telebistan agertu eta musika lehiaketa batean finalista geratu ostean, Avispa Musicek Extremoduro begiz jo zuen, eta hiru urterako kontratua eskaini zien. Horren ondorioz, Madrilgo M-20 estudioetara joan ziren lehen diskoa grabatzera. Album horrek Tú en tu casa, nosotros en la hoguera izenburua hartu zuen. Kontrazalean, diskoaren diseinuaren parte gisa, aurreko maketa aldez aurretik erostean grabatzen lagundu zuten batzuen izenak agertzen dira.

Diskoak 8 kantu biltzen ditu, maketaren 7ak gehi aurreko grabazioan erregistratu ezin izan zuten bat, eta berriz ere taldeak berak ekoitzi zuen. Euren webgunean argitaratu zutenez, "presa askorekin eta bitarteko gutxirekin" egin zuten, eta, beraz, hasieratik emaitzak ez zituen oso pozik utzi. Astebete pasatxoan egin zituzten grabaketa eta nahasketak. Diskoetxearekin izandako arazoak diskoa grabatzen ari zirela hasi ziren, bai musikaren aldetik bai ekonomiaren aldetik aldeak zeudelako, eta horrek, urtebete pasatxora, aldeen arteko harremanak modu ez oso adiskidetsuan bukatzera eraman zuen.

Abestien zerrenda

Tú en tu casa, nosotros en la hoguera: Abesti guztiak Roberto Iniestak idatzita

A aldea
Znbk.	Izenburua	Iraupena
1.	"La Hoguera"	4:32
2.	"Extremaydura"	3:30
3.	"Romperás"	3:54
4.	"Amor castúo"	4:21

B aldea
Znbk.	Izenburua	Iraupena
1.	"Decidí"	2:46
2.	"Jesucristo García"	5:05
3.	"Emparedado"	4:40
4.	"Arrebato"	3:30

Kredituak

Extremoduro

Roberto Iniesta – Gitarra eta ahotsa
Salo – Baxua
Luis "von Fanta" – Bateria

Rock transgresivo (1994)

1994an Extremoduro taldea oso desberdina zen jada. Merkatuan 4 disko zituen, horietako bi DRO-Atlantic multinazionalean, euren lehen bi albumak berrargitaratu zitzaketen, bitarteko hobeekin eta Iñaki "Uoho" Antonen ekoizpenarekin. Maketa primitiboaren jatorrizko masterrak birnahastu zituzten, gitarra eta teklatu berriak gehitu zituzten Uohoren beraren eskutik, eta 3 abesti berri grabatu zituzten, bandaren hainbat lagunekin batera. Bandaren asmoa zen argitalpen berri horrek Tú en tu casa, nosotros en la hoguera ordeztea. Albumaren bertsio berria 1994ko abuztuaren 26an argitaratu zen.

Znbk.	Izenburua	Idazlea(k)	Iraupena
1.	"Extremaydura"	Roberto Iniesta	3:17
2.	"Emparedado"	Roberto Iniesta	4:14
3.	"Decidí"	Roberto Iniesta	2:30
4.	"Romperás"	Roberto Iniesta	3:31
5.	"Adiós abanico, que llegó el aire"	Roberto Iniesta	3:37
6.	"Arrebato"	Roberto Iniesta	3:23
7.	"Jesucristo García"	Roberto Iniesta	4:50
8.	"La hoguera"	Roberto Iniesta	3:56
9.	"Te juzgarán solo por tus errores (Yo no)"	Roberto Iniesta, Marcos Ana	2:59
10.	"Caballero andante (¡No me dejéis asíii!)"	Roberto Iniesta, Marcos Ana, Manolo Chinato	2:32

2011ko bertsoan

Znbk.	Izenburua	Iraupena
11.	"Amor castúo (2004ko bertsioa)"	3:26
12.	"Extremaydura (bertsio berria)"	3:25
13.	"Jesucristo García (2004ko bertsioa)"	4:36
14.	"Decidí (2004ko bertsioa)"	2:32
15.	"Arrebato (2004ko bertsioa)"	3:41