Rodas
| Rodas | |
|---|---|
Maltako Ordenaren gaztelua | |
| Bertako izena | Ρόδος |
| Geografia | |
| Kokapena |  Grezia |
| Uhartedia | Dodekanesoko uhartedia |
| Azalera | 1.398 km² |
| Punturik garaiena | Ataviros mendia |
| Politika | |
| Herrialdea | Grezia |
| Periferia | Hegoaldeko Egeoa |
| Hiriburua | Rodas |
| Gizartea | |
| Biztanleria | 117.007 |
| Dentsitatea | 84 bizt/km² |
Rodas[1][2][3] (grezieraz Ρóδος) Greziako uhartea da, Dodekanesoko uhartediko uharterik handiena. Uhartediaren hego-ekialdean dago, Turkiatik 15 km zabal den itsasarte batek bereizten du. 1.407,9 km2 ditu, eta 107.007 biztanle zituen 2001ean. Uhartearen hiriburuak ere Rodas du izena, eta, era berean, Dodekanesoko prefekturaren hiriburua ere bada. Nekazaritza (laboreak, kotoia, tabakoa, mahatsa), arrantza (esponjak) eta —batez ere— turismoa dira ekonomia jarduera nagusiak. Rodasen zegoen Antzinaroko Zazpi Mirarietako bat zegoen, Rodasko Kolosoa: estatua erraldoia zen, eta, tradizioak dioenez, lurrikara baten ondorioz suntsitu zen.
Geografia eta kokalekua
Rodas ipar-ekialdetik hego-mendebalderanzko norabidean hedatzen da, Turkiako hegoaldeko kostaldearen parean, antzinako Karia eskualdearen parean, eskualde horretatik 15 kilometroko zabalera duen kanal batek banatzen duelarik. 79,7 km luze da, eta 39 km zabal Monolithos eta Lindos lurmuturren artean. Uharteak 1.398 kilometro karratu ditu. Atenastik 490 kilometrora dago.
Jarraikakoa ez den mendikate batek uhartea iparraldetik hegoaldera zeharkatzen du. Mendirik garaiena, Ataviros (1.215 m), mendebaldeko zatian dago. Rodasek ez du ur korronte handirik, iturriak besterik ez du, eta udan gehienak lehor egoten dira.
Historia
Aurretik Grezia kontinentala konkistatua zuten doriar herriek inbaditu zuten Rodas. K.a. VI eta V. mendeetan, Atenasko hiriaren aliatuak ziren Rodaskoak, K.a. 412. urtean Espartako hiriarekin bat egin zuten arte. K.a. V. mendean hiri berri bat hasi ziren eraikitzen uhartearen iparraldeko muturrean, Mediterraneoko merkataritzagunerik handienetakoa bihurtuko zena. K.a. IV. mendearen hasieran Koloso deritzan brontzezko estatua eraikitzen hasi ziren Rodasko biztanleak, Antzinaroko autoreen arabera munduko zazpi gauza miragarrietako bat zena.
K.a. 227. urtean hiria erabat suntsitu zuen lurrikara bortitz batek. Geroago Erromaren aliatua izan zen, eta Zesarri lagundu zion, baina Kasio erromatar jeneralak hiriari eraso eta gainbehera etorri zen hiriko ekonomia.
Bizantziar Inperioaren mende zegoenean bi aldiz konkistatu zuten musulmanek. Veneziaren babespean izan zen ondoren, baina San Joan Jerusalemgo zaldunek hartu zuten, eta turkiarrei aurre egiteko gotorleku bihurtu zuten. Turkiarrek behin eta berriz eraso zuten; San Joan Jerusalemgo zaldunak, geroago Maltako Ordenakoak izango zirenak, uhartetik egotzi zituzten (1523). Geroztik turkiarren mende egon zen, 1912an Italiaren esku geratu zen arte. Dodekanesoko uhartediko hiriburu egin zuten Rodas, eta Bigarren Mundu Gerra amaitu zenean Greziaren mende geratu zen uhartedi osoa bezala.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ Euskaltzaindia. 147. araua: Antzinateko hirien euskarazko izenak. .
- ↑ Euskaltzaindia. 70. araua: Mundu zabaleko uharte nagusiak. (kontsulta data: 2012-5-21).
- ↑ Euskaltzaindia. Europako toponimia fisikoa. .
Kanpo estekak
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
