Rohini Bhate
| Rohini Bhate | |
|---|---|
| Bizitza | |
| Jaiotza | Patna, 1924ko azaroaren 14a |
| Herrialdea |  Britainiar Raj 1947ko abuztuaren 14a) Indiako Agindupeko Lurra (1947ko abuztuaren 15a - 1950eko urtarrilaren 26a) India (1950eko urtarrilaren 26a - |
| Heriotza | Pune, 2008ko urriaren 10a (83 urte) |
| Hezkuntza | |
| Heziketa | Fergusson College (en)  |
| Jarduerak | |
| Jarduerak | dantzaria eta koreografoa |
| Jasotako sariak | |
  | |
Rohini Bhate (Marathieraz: रोहिणी भाटे; Patna, Bihar, 1924ko azaroaren 14a – Pune, Maharastra, 2008ko urriaren 10a)[1] Indiako Kathak dantzaren ordezkari nagusienetako bat izan zen, eta dantza klasiko honen interprete, irakasle, idazle, ikertzaile eta kritikari gisa garatu zen.[2] Bere ibilbidean zehar hainbat sari eta aipamen jaso zituen, hala nola, Sangeet Natak Sari Akademikoa eta Kalidas Samman.[3]
Rohinik Jaipur eta Lucknow gharanetatik, musika ikaskuntzako kofradietatik, Kathak ikasi zuen.[4] Dantza konposizio multzo handi bat sortu zuen, non abhinaya-ri ikuspegi analitiko eta berritzailea aplikatu zion.[5] Indiako musika klasikoaren ezagutzagatik, askotan bere dantza sorkuntzetarako musika konposatzen zuen.[3] Sunil Kothari kritikariaren arabera, azpimarratzekoa da Vijaya Mehtak zuzendutako Shakuntalarako egin duen koreografia. Kālidāsaren Ṛtusaṃhāra eta Rigvedako Usba Sukta lanaren koreografia ere ondo txalotua izan zen.[6]
Bizitza
Bhate Patnan (Bihar) jaio zen baina eskolaldia eta unibertsitatea Punen egin zituen.[2]
Rohini hasieran Bharatanatyam-en trebatu zen Guru Parvati Kumar-ekin.[6] Arteetan lizentziatura lortu zuen Fergusson Collegen 1946an.[2] Urte berean hasi zen Kathak ikasten Jaipur Gharana-ko Sohanlal maisuarekin.[4]
Handik gutxira, Kathak-en espezializatu zen Pandit Lachhu Maharaj-en gidaritzapean,[7] hamabi urte baino gehiagoz, eta Lucknow gharana-ko Pandit Mohanrao Kallianpurkar-en gidaritzapean,[3] hamabost urte baino gehiagoz.[4]
Gainera, Indiako musika klasikoa ikasi zuen Keshavrao Bhole eta Vasantrao Deshpande musikarien eskutik,[3] eta Kathak-en doktoregoa lortu zuen.[2]
Ibilbidea
Ikaskuntzaren gorabehera geografiko, intelektual eta denborazkoen ondorioz, besteak beste, Rohinik libreki esperimentatu ahal izan zuen Kathak-engan, eta dantza honetan bere interes musikal eta intelektualak aplikatu ahal izan zituen.[7] Bhatek Nrityabharati Kathak Dantza Akademia sortu zuen Punen 1947an.[3] Han, sei hamarkadaz, ehunka dantzari entrenatu zituen.[2] Maharashtrako klase ertaineko familien artean kathak dantza ezagun egin zuen.[6]
1952an, Txinara joan zen Indiako kultur ordezkaritza bateko kide gisa. Bidaia honek Indiako dantzei eta antzerkiari buruzko idatzi zaharrak aztertzeko, eta horrela bere teknika fintzeko aukera eman zion.[4]
Khairagarh Unibertsitateko batzordean aritu zen eta Puneko Unibertsitateko Lalit Kala Kendran Kathak ikastaroetarako programaren prestaketa gidatu zuen, non irakasle bisitari eta guru gisa aritu zen.[3] Rohinik Delhiko Kathak Kendrako ikasleen aztertzaile gisa ere aritu zen, nahiz eta inoiz ez zuen haren curriculuma onartu.[7]
Rohini Bhatek hainbat liburu idatzi zituen maratheraz, besteak beste, bere autobiografia, Majhi Nrityasadhana, Isadora Duncanen autobiografiaren itzulpena, Mi Isadora, eta musika eta dantzaren sanskritozko eskuliburuaren bertsio editatua, Abhinaya Darpana, Kathak Darpana Deepika izenekoa.[3] Rohinik bere hainbat koreografia eta sormen proiektu liburu zahar honetan oinarritu zituen.[7] Kathak-i buruzko hainbat artikulu ere idatzi zituen.[4]
2002an, Time and Space izeneko dokumental alemaniar batean parte hartu zuen bere burua errepresentatuz.[8]
Beste artistekin egindako lankidetzari dagokionez, Rohinik Chandrakant Kamat tabla klasiko jotzailea ezagutu zuen 1952an Pune-ra iritsi zenean.[9] Bi artisten arteko musika-elkarteak 15 urte luze iraun zuen. Rohinik abhinaya-ren azterketa konparatiboa ere egin zuen Kathak eta Bharatanatyam-en Kalanidhi Narayanan-ekin.[6] Reba Vidyarthiren lagun mina zen, beste Kathak ordezkari garrantzitsu bat.[7]
Heriotza
Bhate 2008ko urriaren 10ean hil zen, 83 urte zituela, Indiako Pune hirian, Maharastra estatuan. Bere alaba eta ikaslea zen Shama Bhate-ren arabera, Rohini Bhate azken bost urteetan Parkinson gaixotasuna pairatzen egon zen, eta gaixotasun horrek eragindako konplikazioen ondorioz hil zen.[2]
Legatua
Rohini Bhatek bost hamarkada baino gehiagotan zehar erregularki dantzatu zuen,[3] eta Kathak-en adierazle garrantzitsu bihurtu ziren dizipulu asko entrenatu zituen,[10] hala nola, Shama Bhate, Pranati Pratap, Sunil Ganu, Prabha Marathe,[6] eta Prerana Deshpande,[10] bere ohoretan hil osteko ekitaldiak egiten jarraitu zuten beste dantzari batzuen artean.[11]
Akademiak bere egoitza nagusia Puneko Shivaji Nagar-en du, zazpi sukurtsal Pune hirian, bat Indoren, Estatu Batuetan, Alemanian eta beste bat Mumbain.[6] Hil ondoren, bere lanari buruzko dokumentalak egin dira.[3]
Sariak eta aintzatespenak
- 1977: Maharastra estatuko gobernuaren Rajya Puraskar saria.[2]
- 1979: Sangeet Natak Sari Akademikoa.[3]
- 1990: Maharashtra Gaurav Puraskar.[2]
- 2001: Kalidas Samman.[3]
- 2006: Sangeet Natak Akademi beka.[3]
- 2007: Akademi Ratna Saria, Sangeet Natak Akademiarena, New Delhi.[2]
Erreferentziak
- ↑ (Ingelesez) «Rohini Bhate | Actress» IMDb (kontsulta data: 2025-11-17).
- ↑ a b c d e f g h i «Noted Kathak exponent Rohini Bhate no more» The Times of India 2008-10-11 ISSN 0971-8257. (kontsulta data: 2025-11-17).
- ↑ a b c d e f g h i j k l (Ingelesez) «Rohini Bhate passes away» The Hindu 2008-10-10 ISSN 0971-751X. (kontsulta data: 2025-11-17).
- ↑ a b c d e «Home Page : Indian Music» www.nadsadhna.com (kontsulta data: 2025-11-17).
- ↑ (Ingelesez) «Dissolving the dissonance» The Hindu 2016-08-04 ISSN 0971-751X. (kontsulta data: 2025-11-17).
- ↑ a b c d e f (Ingelesez) «Kathak, Indian classical dance art | WorldCat.org» search.worldcat.org (kontsulta data: 2025-11-17).
- ↑ a b c d e (Ingelesez) «India's Kathak dance in historical perspective | WorldCat.org» search.worldcat.org (kontsulta data: 2025-11-17).
- ↑ Time and Space. Bayerischer Rundfunk (BR), Hochschule für Fernsehen und Film München (HFF), Karmann Medienproduktion 2002-06-07 (kontsulta data: 2025-11-17).
- ↑ (Ingelesez) «Tabla maestro Chandrakant Kamat passes away,leaves a void in city music scene» The Indian Express 2010-06-29 (kontsulta data: 2025-11-17).
- ↑ a b Grover, Heena. «They have danced their way to glory». The Golden Sparrow..
- ↑ «Artistes to honour Rohini Bhate’s legacy» The Times of India 2017-01-12 ISSN 0971-8257. (kontsulta data: 2025-11-17).
Ikus, gainera
- List of Kathak exponents (ingelesez)
Kanpo estekak
- Guru Rohini Bhate gogoratuz bere jaiotzaren urteurrenean YouTube
- Pandita Rohini Bhate YouTube
- Rohinidyuti | Guru Rohini Bhate-ren bakarkako errezitaldia | 1995 YouTube
Datuak: Q15057444
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
