Sbrinz
| Sbrinz | |
|---|---|
behi-gazta, pressed cooked cheese (en)  eta Swiss cheeses (en) | |
 | |
| Materialak | esnea behi-esnea |
| Historia | |
| Jatorrizko herrialdea | Suitza |
Sbrinz gazta oso gogorra da, Suitzako erdialdean ekoitzia. Suitzako sukaldaritzan, Parmako gaztaren ordez erabiltzen da askotan. Herrialdeko erdialdeko 42 gaztandegitan soilik egiten da, eta behi-esnea baino ez dute erabiltzen horretarako. Eskualdean biltegiratzen da kontsumitu arte.
Herri sinestearen aurka, Sbrinz izenak ez du jatorriz toki edo eskualde jakin bat aipatzen. Mito hori Schweizerische Käseunion-ek sustatu zuen 1990eko hamarkadan publizitate-kanpaina bat eginez, eta, ondorioz, eskualdeari horrela deitzeko ohitura sortu zen.
Ezaugarriak
Sbrinz gazta estragogorra da, eta gantz asko izaten du (% 40tik % 45era, gutxi gorabehera, lehorrean). Izen horrekin saldu baino 16 hilabete lehenago zahartzen utzi behar da, eta zapore osoa 24-30 hilabete igaro ondoren bakarrik lortzen da.
Historia
Sbrinz Europako gaztarik zaharrena dela esaten da. Suitzarren arbaso zeltek Kristo aurreko mendeetan egiten zituzten gaztak, Sbrinz modernoaren arbasoak izan zitezkeenak. Webgune ofizialak gazta lehen aldiz K.a. 70ean aipatu zela dio, baina ez du xehetasun gehiagorik ematen. Beste iturri batzuen arabera, 1200 inguruko kontratuetan aipatzen da. Hala ere, egia dirudiena da 1530eko data duten dokumentuetan agertzen dela, Bernako estatuko artxiboan gordetzen direnak.[1]
Izenaren jatorria
Sbrinz bezala ezagutzen den herririk edo eskualderik ez dagoen arren, bi jatorri posible daude izen honentzat. Brienzetik etor daiteke, Berna kantonamenduan. XVI. eta XVII. mendeetan, Brienz merkataritza-gune garrantzitsua izan zen Bernako Oberlandeko eta Suitza erdialdeko gaztak saltzeko, Alpeetan zehar bidaltzen baitziren. Italiako erosleek Sbrinz deitzen zioten gaztari merkantzien jatorriagatik, eta izena Suitzara iritsi zen. Bigarren jatorria sbrinzo lombardiera-tik dator, edozein gazta gogorri erreferentzia egiten diona.
2001az geroztik, Bundesamt für Landwirtschaft-ek (Nekazaritzako Bulego Federala) kontrolatzen du Sbrinz gaztaren Jatorri deitura kontrolatua (AOC). Esnearen jatorria eta gazta bat Sbrinz gisa etiketatzeko jarraitu beharreko prozesuak zehazten ditu AOCak.
Kontsumoa
Sbrinz-a era hauetan kontsumitzen da: birrindua, pastarako; zati txikietan, ardoarekin batera; pieza gogorretik moztutako xerra finetan; edo, besterik gabe, ogiarekin eta gurinarekin.
Oharrak
- ↑ «Holy Cheese and Holy Men: Swiss, Irish, Japanese» after cheese comes nothing 14 de octubre de 2008.
Kanpo estekak
- Webgune ofiziala (alemana, frantsesa, italiera eta ingelesa)
| Autoritate kontrola |
|
|---|
Datuak: Q666975
Multimedia: Sbrinz (cheese) / Q666975
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
