Sea Shepherd

Sea Shepherd
Datuak
Izen laburra	SSCS
Mota	irabazteko asmorik gabeko erakundea eta nazioarteko gobernuz kanpoko erakundea
Herrialdea	Ameriketako Estatu Batuak
Ideologia	Ingurumenaren kontserbazioa eta ekologismoa
Erabiltzen du	Neptune's Navy (en)
Agintea
Egoitza nagusi	Friday Harbor
Egoitza nagusi	Melbourne
Egoitza nagusi	Washington
Legezko forma	karitatezko erakunde
Zeren jabe	MV Brigitte Bardot (en) , MY Bob Barker (en) , RV Farley Mowat (en) , MY Steve Irwin (en) , Sea Shepherd I (en) , Sea Shepherd II (en) , RV Martin Sheen (en) , MY Ocean Warrior (en) eta MV Sharpie (en)
Historia
Sorrera	1977
Sortzailea	Paul Watson
Sorlekua	Oregon
webgune ofiziala

Sea Shepherd 1977. urtean Paul Watsonek sortutako GKE bat da, itsasoa eta "bere biztanleen" defentsa duena helburu. Erakundeak mundu osoan zehar egiten du lan, herrialde guztietako boluntario eta eskifaiekin. Administratiboki, bi erakunde ezberdin gisa kontsideratu ditzakegu: alde batetik Sea Shepherd Conservation Society, Ameriketako Estatu Batuetan lan egiten duena; eta, bestetik, Sea Shepherd Global, munduko gainerako herrialdeetan lan egiten duena, eta bere basea Holandan duena; merchandisin denda eta tatuaje estudio baten barruan kokatua.

Erakunde honek metodo zuzenak erabiltzen ditu ozeanoa defendatzeko, kritika ugari jasoz arrazoi horrengatik. Hainbat itsasontzi dauzka erakundeak, bi administrazioetan banatuta daudenak misio ezberdinetan parte hartzeko.

Sea Shepherd sortu baino lehen, Paul Watsonek Earth Force Society erakundea sortu zuen, Greenpeace-etik bere metodo ez-zuzenen erabilpenaren eztabaida batzuk eta gero bota zutenean.^[1] Hasieran, pertsona gutxi eta diru gabe zegoen erakundea, baina 1978an, Cleveland Amory-k, Fund for Animals erakundearen buru zena, donazio bat egin zuen lehen itsasontzia erostea ahaleratu zuena; Sea Shepherd deitu zen.

Gaur egun, Sea Shepherdek 9 ontzi nagusi dauzka, Neptune Navy izena hartzen duena.

Momentu honetan Sea Shepherd Global-ek erabiltzen dituen itsasontziak hauek dira:^[2]

• Bob Barker
• Sam Simon
• Ocean Warrior
• Brigitte Bardot

Momentu honetan Sea Shepherd Conservation Society erabiltzen dituen itsasontziak hauek dira:^[3]

• Farley Mowat
• Sharpie
• John Paul DeJoria
• Martin Sheen
• White Holly

Itsasontzien izen asko erakundea nolabait lagundu edo erakundearen parte izan diren pertsona famatuen izenak dira.

Sea Shepherd Globalek munduan zehar momentu honetan hurrengo operazio nagusiak ditu martxan:

Frantziako kostalde Atlantikoan arrasteko arrantzaren ondorioz urtero modu inzidental batean izurdeak milaka harrapatzen direla salatzea du helburu.^[4]

Gabon-eko gobernuarekin batera, Gabonen gertatzen den legez kanpoko arrantza salatzea du helburu.^[5]

Liberiako gobernuarekin batera, Liberian gertatzen den legez kanpoko arrantza salatzea du helburu.^[6]

Tanzaniako gobernuarekin batera, Tanzanian gertatzen den legez kanpoko arrantza salatzea du helburu.^[7]

Beningo gobernuarekin batera, Beninen gertatzen den legez kanpoko arrantza salatzea du helburu.^[8]

Namibiako gobernuarekin batera, Namibian gertatzen den legez kanpoko arrantza salatzea du helburu.^[9]

Gambiako gobernuarekin batera, Gambian gertatzen den legez kanpoko arrantza salatzea du helburu.^[10]

Italiako Sirakusan dagoen Plemmirio Erreserba naturalean gertatzen den legez kanpoko arrantza salatzea du helburu.^[11]

Mediterraneo itsasoko Eoliar uharteetatik hurbil dauden arrantza-aparejo abandonatuak uretatik ateratzea du helburu^[12]. 2017. urtean zonalde horretan arrantza-sare abandonatu batean korapilatu eta hil zen kaxalotea bezala deitzen da operazio hau^[13]

Urteetan zehar, hainbat telesail eta dokumental egon dira GKE honen inguruan edo egindako lanaren inguruan. Espainian famatuena, Discovery Maxen emititutako Pirata Ekologikoak (ingelesez Whale Wars izenarekin)^[14]. Serie dokumental horretan, erakundearen itsasontzi baten barruan grabatutako operazioak erakusten ziren, Japoiako baleontziekin izandako gatazkak, eta beste zenbait gertakari.

2018. urtean, Chasing the Thunder filma argitaratu zen. Film horretan, Sam Simon eta Bob Barker ontziak, 110 egunez Thunder arrantza-ontzia hiru itsaso eta 10.000 itsas miliatan zehar jazarri zuten^[15]. Azkenean, kapitainak bere ontzia urperatu egin zuen frogak suntsitzeko ahaleginetan. Interpolek bilatzen zuen ontzi bat zen Thunder, eta film honetan lortutako frogei esker, Guardia Zibilak ontziaren armadoreak atxilotu egin zituen 2016. urtean.^[16][17]

Beste dokumental ugari atera dira urteetan zehar: Captain Watson (2019): Watson kapitainaren bizitza eta ozeanoaren defentsaren aldeko borroka errepasatzen ditu^[18]. Sea of Shadows (2019): Cortes itsasoan drogako kartelen eraginez Vaquita espeziea nola galzorian dagoen, eta hori saihesteko egiten ari diren esfortzuak^[19].

Argitaratutako azken dokumentala 2021. urteko martxoan izan da: Seaspiracy deitua, arrantza industrialaren alde ezezaguna eta bere ondorioak erakusten ditu.