Semero
| Datuak | ||
|---|---|---|
| Sexua | Gizonezkoa | |
| Jatorria | Euskalduna | |
| Antzeko izenak | Semeno eta Seme | |
Semero euskarazko gizonezko izena da.
Historia
Seme hitzarekin loturik omen dago, aditu batzuen arabera.[1] Semeroren Erdi Aroko patronimikoa Semeroitz zen.[2][3][4]
Semero eta Semeroitz latinezko Semeno eta Semeno(n)is formetatik atera omen ziren.[oh 1] Latinezko n-a euskaraz r bilakatu zen, arima hitzean gertatu zen bezala (latinez: anima).[5]
Semero izena Erdi Aroko Nafarroako erdarazko izkribuetan ugari da. XVI. mendeko Bizkaiko Ibarguen-Cachopin kronikan ere aurkitzen dugu,[oh 2] hala nola Zuberoako Oihenarten 1638.eko liburuan.[6]
Izen hau Hondarribiko eta Aresoko etxe izenetan aurkitzen dugu, eta baita Erdi Aroko Artaxoako Semero Aran leku-izenean ere. Gaur egungo Senberoitz deituraren jatorria da.
Beste hizkuntzetan
- Latinez: Scemeno
- Gaztelaniaz: Jimeno
Oharrak
- ↑ Hala Semeno nola Semero formak Euskal Onomastikaren Datutegian onetsiak ageri dira. Alabaina, Orotariko Euskal Hiztegiak, «arima» sarreran, honako hau dakar:
« Etim. De lat. anima, acaso por intermedio de *alima, con disimilación de nasalidad, como en med. Semero, patr. Semeroyz, de Semeno, Semeno(n)is. » Alegia, Semero euskarazko izentzat hartzen du, eta Semeno latinezkotzat.
Bestalde, Mitxelena eta Irigarairen «Nombres vascos de persona» artikuluan, Semero euskal izena ageri da; Semeno, aldiz, ez.
- ↑ Garaiko gaztelaniaz Ximeno de Muñatones bezala ezagutzen zena, euskaraz Semero deitzen zuten.
Erreferentziak
- ↑ Euskaltzaindia: "Semero", Euskal Onomastikaren Datutegia.
- ↑ Koldo Mitxelena eta Aingeru Irigarai. (1955). Nombres vascos de persona. Donostia: ASJU.
- ↑ Patxi Salaberri. (2003). Euskal deiturategia: patronimia. Bilbo: UEU.
- ↑ Koldo Mitxelena. (1975). Distribución defectiva y evolución fonológica. Studia Hispanica in Honorem R. Lapesa III. Madril.
« en forma específicamente vasca, siempre Semero, patr. Semeroyz, como Anso ‘Sancho’, patr. Sanoyz » - ↑ Euskaltzaindia: "Arima", Orotariko Euskal Hiztegia.
- ↑ Notitia utriusque Vasconiae, tum Ibericae, tum Aquitanicae
Kanpo estekak
| Autoritate kontrola |
|
|---|
Datuak: Q31188363
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
