Sheila Blanco

Sheila Blanco
(2021) Irudi gehiago
Bizitza
Jaiotza	Salamanca, 1982ko urtarrilaren 25a (44 urte)
Herrialdea	Espainia
Bizilekua	Madril
Hezkuntza
Heziketa	Salamancako Pontifize Unibertsitatea Alcaláko Unibertsitatea
Jarduerak
Jarduerak	abeslaria, konpositorea, piano-jotzailea eta kazetaria
sheilablanco.es

Sheila Blanco Gutiérrez (Salamanca, 1982ko urtarrilaren 25a) abeslari, konpositore, piano-jotzaile, kultur dibulgatzaile eta kazetari espainiarra da. Ezaguna da testuak musika klasikoa, popa, rocka, folka eta jazzarekin uztartzen dituelako, eta lengoaia artistikoen arteko sinbiosia sortzen du, oso estilo pertsonalarekin. Halaber, Espainiako emakume idazleen testuen egokitzapen musikalak egin ditu, hala nola 27ko Belaunaldiko poetenak, emakumeak memoria historikorako berreskuratzeko borondate argiarekin.

Sheila Blancok Ikus-entzunezko Komunikazioa ikasi zuen Unibertsitate Pontifizioan eta, era berean, piano eta kantu ikasketa klasikoak egin zituen Salamancako Musika Kontserbatorio Profesionalean. Ondoren, Madrilera joan zen, eta Alcalá de Henaresko Unibertsitatean Ahots Profesional Mintzatu eta Kantatuaren Espezializazioa eta Errehabilitazioa graduondokoa egin zuen.

Bere ibilbide profesionala irratian eta telebistan hasi zuen, kazetari gisa, eta jarduera hura musikarekin uztartu zuen 2009. urtera arte. Urte hartan, azken lan horretan buru-belarri aritzea erabaki zuen, ikasketak zabaltzen jarraitzen zuen bitartean.^[1]

Hasieran, musikari klasikoen pieza ezagunenetan oinarritutako moldaketa erritmikoak egin zituen, non beren biografia abesten duen umore eta gaurkotasun ukituekin. Sorkuntza horietako lehena gehien miresten duen konpositoreari buruzkoa izan zen, Johann Sebastian Bachi buruzkoa; bigarrenerako Wolfgang Amadeus Mozart hautatu zuen, Martxa Turkiarraren doinu ezaguna. Ume aparta".^{[2][3][4][5][6]} Konpositore klasiko ugari birsortzen jarraitu zuen, bere musika Madrilgo Prado Museoan antzeztutako artista batzuekin erlazionatuz, Vivaldiren Lau urtaroak kasu.^[7][8]

2016an, Warnerrek fitxatu zuen A capela (Movistar Plus) telebista saioko mentore bezala eta ¡Anda ya! irratsaioan kolaboratu zuen. (40ak). Halaber, La Voz Kids-en (Antena 3) kolaboratzen du, lehenengo ediziotik coach bokal gisa. Irratian, Carles Francinoren La Ventana eta Alfonso Cardenalen Sofá Sonoro saioekin, biak Cadena Ser irratikoak.^[9]

Gainera, konposizioak sortu izan ditu musika-gai garaikide ezagunen bertsioak eginez, zeinetan srtzen baititu Espainiako gaurkotasun politikoko gaiei dagozkien letrak, ikuspegi kritiko eta sarkastikoarekin. Hona hemen horietako batzuk: Melancolía por los atascos, Soy Rivera, El trifachito, etab.^[10]

Sheila Blancoren lana, halaber, 27ko Belaunaldiko emakume poeta eta intelektualen irudia aldarrikatzera eta berreskuratzera bideratuta egon da. Horrela, hiru urteko ikerketaren ondoren, 2020an, Cantando a las poetas del 27 lana argitaratu zuen, non belaunaldi horretako idazle nagusien letren aukeraketa eta egokitzapen musikal zaindua egiten duen. Disko horretan, lan horri buruzko errezitaldietan bezala, interpretazio bakoitzaren aurretik autore bakoitzaren aurkezpen txiki bat egiten du, beren poemak testuinguruan jarriz eta unean uneko egoera pertsonal eta soziopolitikoetan kokatuz, eta beren ondarea ikusezin egon izanak adierazten duen injustizia eta galera salatuz, belaunaldiko horretako gizonezko kide gehienekin gertatu ez den bezala. Bai diskoan, bai errezitaldietan, konposizio propio eta oso pertsonaleko kanta bat dago, Pájaros negros (Txori beltzak), non a capela, bere ahotsa beste tresnarik gabe eta bularrean kolpe erritmiko batzuk emanez, Sheilak –berak azaltzen duenez– bere beldurrei eta segurtasunik ezei abesten dien, eta horiek ere guztionak dira, emakume zein gizonenak.^[11][12][13]

Sheila Down izan zen abeslari, pianista eta konpositorearen lehen lana. Autoeditatutako diskoa da, eta Sheila Blancok hamaika abesti original –hamar gaztelaniaz eta bat ingelesez– interpretatzen ditu. Bertan, letrak eta musikak konposizio propioak eta oso pertsonalak dituzte.

Bere proiektu poetiko-musikalaren diskoa ere autoeditatu zuen, Cantando a las poetas del 27 izenekoa. Proiektu horretan, belaunaldi literario honetako zenbait emakume poetaren poemak musikalizatu ditu, ahotsa eta erritmoa jarriz, hala nola Ernestina Champourcinen Primer exilio (Lehen exilioa) poema, Elisabeth Mulderren Roja, toda roja (Gorri-gorria), Carmen Conderen En tierra de nadie (Inoren lurrean), Rosalia de Castroren Negra sombra (Itzal beltza). Proiektu poetiko musikal hori pianorako ahots bidezko partituraren konposizioan datza, biak Madrilgo Teatrosde Canalen egileak interpretatuak, 2021eko maiatzean.^[14][15][16]

2025ean, Los mareados diskoa kaleratu zuen Federico Lechner Tango Jazz Triorekin, eta, Gasteizko Nazioarteko Poesia Jaialdian Poetas en Mayo / Poetak Maiatzean, "Cantando a las poetas latinoamericanas" proiektua estreinatu zuen.^[17]

• Vivaldiren lau urtaroak
• Mozart haur bikaina
• Bach Jainkoa da
• 27ko Belaunaldiko Poetak
• Brahms, erromantikoetan klasikoena
• Clara Schumann handia
• Wagner erabateko artelana, ‘La cabalgata de las Valkirias’ Richard Wagnerren ‘Nibelungoaren eraztuna’ tetralogiako La Walkiria Operaren III. ekitaldia.
• Debussy modernoa