Snatch

Snatch
Jatorria
Argitaratze-data	2000
Izenburua	Snatch
Jatorrizko hizkuntza	ingelesa
Jatorrizko herrialdea	Erresuma Batua eta Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	crime comedy film (en) eta boxing film (en)
Iraupena	104 minutu
Kolorea	koloretakoa
Zuzendaritza eta gidoia
Zuzendaria(k)	Guy Ritchie
Gidoigilea(k)	Guy Ritchie
Antzezlea(k)
	Jason Statham ; Stephen Graham ; Brad Pitt ; Dennis Farina ; Rade Šerbedžija ; Lennie James ; Vinnie Jones ; Benicio Del Toro ; Jason Flemyng ; Dave Legeno ; Goldie (en) ; Ewen Bremner ; Alan Ford ; Adam Fogerty (en) ; Mike Reid (en) ; Robbie Gee (en) ; Sam Douglas ; Sorcha Cusack ; Julianne Nicholson ; Guy Ritchie ; Velibor Topic ; Liam McMahon (en) ; Ade (en) ; Andy Beckwith (en) ; William Beck
Ekoizpena
Ekoizlea	Matthew Vaughn
Konpainia ekoizlea	Columbia Pictures
Ekoizle eragilea	Peter Morton (en) ; Trudie Styler (en) ; Steve Tisch; Stephen Marks (en)
Edizioa	Jon Harris (en)
Bestelako lanak
Musikagilea	John Murphy
Argazki-zuzendaria	Tim Maurice-Jones (en)
Fikzioa
Kontakizunaren tokia	Londres
	sonypictures.com…
Bideoa	YouTube eta YouTube

Snatch edota Snatch, txerriak eta diamanteak^[1]^[2] (jatorrizko izenburua ingelesez Snatch) 2000. urtean Guy Ritchie ingeles zinema zuzendari eta gidoilariak zuzendu eta idatzitako ekintza film bat da. Jason Statham, Stephen Graham, Brad Pitt, Alan Ford, Dennis Farina, Rade Šerbedžija, Lennie James, Vinnie Jones, Benicio Del Toro eta Jason Flemyng aktoreek antzeztu zuten.

Lock, Stock and Two Smoking Barrels (1998) film ez hain ezagunaren jarraipentzat jo ohi da.

Sinopsia

Oharra: Atal honek istorio osoa edo amaiera argitzen du.

Ingalaterra, Londres. Franky "Lau Hatz" (Benicio Del Toro) lapurrak Anberesen ostu berri duen diamante bikaina Avi (Dennis Farina) estatubatuar nagusiari ematekotan da; bitartean, Boris "Labana" (Rade Šerbedžija) errusiar arma trafikatzaileak Franky "Lau Hatzek" legez kanpoko boxeo borroka batean apostua egin dezan tentatzea lortu du, baina Frankyri lapurtzeko azpijoku bat besterik ez da. Avi horretaz ohartutakoan, Franky eta diamantea aurkitzeko, Tony "Bala Hortz" (Vinnie Jones) izeneko tipo bortitz bat kontratatu du.

Berehala, Frankyren zorigaiztoko amaiera argitu da: gertakari honek harribitxiaren ehiza eta hura aurkitzeko lasterketa abian jarri du, horretan jende guztia sartuta. Azkenean deskontrolatzeko arriskua duen ero joko bilakatu da, engainua, xantaia eta iruzurra era odoltsuan nahastuta. Pertsonaia ugari ageri dira: "Adreilu" ezizeneko gangster anker eta zitala, bere amari karabana bat erosteko borrokatu den Mickey (Brad Pitt) irlandar ijitoa... bai eta elementu ugari ere: aurrez prestaturiko boxeo borrokak, txakur goseti bat eta sarraski batera daramaten arma mota asko ere bai. Nahas-mahas horren erdian denek gura duten diamante handia dago.

Aktoreak

Jason Statham: Turkiar, lizentziarik gabeko boxeolarien managerra
Stephen Graham: Tommy, Turkiarraren negoziokidea
Alan Ford: Adreilua, izaera zakarreko britainiar mafiosoa
Dennis Farina: Abraham "Lehengusu Avi" Denovitz, amerikar bitxi trafikatzailea
Brad Pitt: Mickey O'Neil, irlandar ijitu buruzagi arduragabea eta lizentziarik gabeko boxeolaria
Adam Fogerty: George Itsusia, Turkiarraren boxeolaria
Mike Reid: Doug Burua, bitxi-trafikatzailea, bitxidenda baten jabea
Vinnie Jones: Tony Bala Hortz, mertzenarioa, zor kitatzailea eta alokairuko pistolaria
Robbie Gee: Vinny, bahietxe txiki bateko jabea
Lennie James: Sol, Vinnyren negoziokidea
Ade: Tyrone, Sol eta Vinnyren auto gidari baldarra
Rade Šerbedžija: Boris Labana, KGBko agente ohia eta arma saltzaile uzbekiarra
Benicio del Toro: Franky Lau Hatz, Aviren languntzailea
Jason Flemyng: Darren, Mickeyren laguna
Ewen Bremner: Mullet

Soinu banda

Filmaren soinu banda Guy Ritchie zuzendariak enkarguz hainbat artistari eskatu zien; hortaz, Erresuma Batuko hainbat musikarik eta taldek parte hartu zuten. Solasaldi esanguratsuen lagungarri gisa, besteak beste Massive Attack, Oasis, Mirwais eta Madonna (Ritchieren emazte ohia) kantak ageri dira.