Sodoku

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Sodoku
Deskribapena
Mota	infekzio bakteriano primarioa rat-bite fever (en)
Espezialitatea	infektologia
Arrazoia(k)	Spirillum minus
Sintoma(k)	artralgia, hotzikara, primary affect (en) , sukarra, adenopatia, linfagitisa, Negela mialgia
Patogenoaren transmisioa	ukitze bidezko transmisio
Azterketa medikoa	miaketa fisiko optical microscope (en)
Tratamendua
Erabil daitezkeen botikak	Bentzilpenizilina, doxiziklina eta macrolides (en)
Identifikatzaileak
GNS-10-MK	A25.0
GNS-9-MK	026.0
GNS-10	A25.0
GNS-9	026.0
DiseasesDB	32803
MedlinePlus	001348
eMedicine	001348
Disease Ontology ID	DOID:12096

Sodoku edo arratoi-hozkadagatiko sukarra Spirillum minus bakterio patogenoak sortzen duen gaixotasun infekziosoa da, zoonosi bat dena. Bakterio honekin infektatutako arratoiek, batez ere, transmititzen diote gaitza gizakiari, hozkada bat egiterakoan edo gernu edo beste jariakinen bidez.

"Arratoi-hozkadagatiko sukarra" izenak bi patologia ezberdinei dagokie, klinikoki oso antzekoak direnak, baina etiologia ezberdinekoak. Bata Streptobacillus moniliformis bakterioak sortzen du, eta Europa eta Ipar Amerikan agertzen dira kasu gehienak. Bestea, Sodoku izenekoa, Asian eta Afrikan zehar hedatzen da, eta Spirillum minus bakterioak eragiten du ^[1]. Artikulu hau bigarrenari buruz ariko da.

Sodoku izena japonieratik dator, eta saguaren pozoia esan nahi du. XX. mendearen hasieran eman zioten mikrobiologoek izen hori Spiririllum minus sortzen duen gaitzari.

Spirillum minus bakterio Gram negatiboak Sodoku eragiten du. Arratoiak eta beste animalia karraskari batzuk infektatzen ditu. Arratoiek ahoan daramate mikrobio patogenoa, eta hozkada egiterakoan inokulatzen dute

Gaitzaren jatorrian kutsatutako arratoi baten hozkada dago kasu askotan, edo beste animalia karraskari batena. Arratoien gernuak edo gorotzek ere sor dezakete gaitza, gizaki batek haiekin kontaktua izanez gero ^[2].

Gaitza ohikoagoa da Asian, eta Euskal Herrian oso arraroa. Sodoku ez da pertsonen artean kutsatzen.

Gaitzaren inkubazio epea 4-28 egunetakoa da.

Hozkadaren ondoren zauria laster sendatzen da, baina inkubazio epea igarota lehenengo sintomak agertzen dira, geroago zabaltzen direnak: sukar errepikaria (agertu eta desagertzen dena; tratamendurik gabe, sukarrak aste luzeetan iraun dezake), buruko mina, ondoeza orokorra, exantema (ez beti, baina bai kasu askotan: azaleko erupzioa, more kolorekoa), gongoil linfatikoen hantura, hozkadaren tokian hantura eta gorritasuna, mialgiak....Konplikazioak ez dira ohikoak, baina larriak izan daitezke: septizemia, endokarditisa, meningitisa edo hepatitisa, besteak beste, heriotzaraino eraman dezaketenak.

Spirillum minus ez da hazten laborategiko hazkuntza-inguruneetan. Horrenbestez, gaitzaren diagnostikoa egiteko behaketa mikroskopikoa egin behar da, lagin klinikoetan (odola, larruazaleko erupzioa, gongoil linfatikoak...) bakterio eragilea bilatuz. Giemsa tindaketa edo Wright tindaketa dira gehien erabiltzen direnak, eremu iluneko mikroskopio batean ^[3]. Diagnostikoa berresteko laborategiko animaliei bakterio eragilea inokulatu ohi zaie.

Serologiaren bidez ezin da gaur-gaurkoz gaitza diagnostikatu ^[4].

Penizilina, eritromizina edo tetraziklinak (penizilinari alergia diotenentzat) dira gaitzari aurre egiteko erabiltzen diren antibiotikoak. Garaiz tratatuz gero, pronostikoa ona da.