Solentiname
| Solentiname uharteak | |
|---|---|
 | |
| Bertako izena | Celentinametl' |
| Geografia | |
| Kokapena | Cocibolca aintziraren hego-ekialdea |
| Uharteak denera | 34 (nagusiak 4) |
| Azalera | 190 km² |
| Punturik garaiena | 257 m |
| Politika | |
| Herrialdea |  Nikaragua |
| Departamendua | Río San Juan |
| Gizartea | |
| Biztanleria | 1.000 |
| Dentsitatea | 5,3/km² |
Solentiname (nahuatlez: Celentinametl') Nikaraguako Cocibolca aintziraren hego-ekialdean kokatutako uhartedia da[1]. San Carlos udalerriaren barruan dago, Río San Juango departamenduan. Ekologikoki balio handiko eskualdea da. Kulturalki, Ernesto Cardenal idazleak inguru horretan lan erraldoia darama aurrera; Cardenalen liburu ezagunenetariko batek El Evangelio en Solentiname («Ebanjelioa Solentinamen») izenburua du.
Uharteen deskribapena
Artxipelagoak 36 uharte eta uhartexka ditu, denetara 190 km²ko eremua hartuz. Uharte nagusiak hauek dira: Mancarrón, Elvis Chavarría eta Donald Guevara (bertakoek San Fernando eta La Venada deitua). Punturik garaiena 257 metrora dago. Populazio txikiko eskualdea da. Aktibitate ekonomiko nagusiak nekazaritza, arrantza eta eskulangintza dira.
Solentiname, bere balio naturalak direla eta, eremu babestua da. Bertako arrainek balio berezia dute. Aipagarrienak Carcharhinus leucas marrazoa, Pristis perotteti zerra-arraina eta Megalops atlanticus dira. Basoak tropiko hezekoa eta tropiko lehorrekoaren arteko ezaugarriak ditu. Urteko prezipitazioa 1400-1800 mm artean izaten da, eta gehiena maiatzetik abendura egiten du. Urteko batezbesteko tenperatura 26 °Ckoa da.
Kultura
Solentiname uharteetan, Cocibolca aintzirako beste uharte batzuetan bezala (esaterako Zapatera eta Ometepen), kolonaurreko kulturen aztarnak aurkitu dira. Aipagarrienak petroglifo ugariak dira. Irudi hauetan txoriak, tximuak eta pertsonak agertzen dira.
1966tik aurrera, Ernesto Cardenalen eskutik, uharteak artista askoren bizileku bihurtu ziren eta berezko margolaritza-mugimendua sortu zen. Hasiera batean kontenplaziozko komunitate erlijiosoa bazen ere, ondoren Nikaraguako arte mugimendu aintzindari bihurtu zen, nahiz eta Somozatarren diktadura garaian komunitatea txikitu eta desegin zuten.
Erreferentziak
- ↑ Jean-Michel MAES: Fauna entomologica del Archipielago de Solentiname[Betiko hautsitako esteka] Generoyambiente.org
Kanpo estekak
- (Gaztelaniaz): Amaia MORALES: La revolución de Solentiname Otramerica.com
- (Gaztelaniaz): Ernesto CARDENAL (1978): Lo que fue Solentiname. (Carta al pueblo de Nicaragua) Journalmural.com
- (Gaztelaniaz): Ernesto Cardenal y Solentiname: ¿Existió la utopía de Waslala? Buscando.waslala.org
Datuak: Q21052112
Multimedia: Solentiname Islands / Q21052112
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
