Taigeto
| Taigeto | |
|---|---|
 | |
| Datu orokorrak | |
| Garaiera | 2.404 m |
| Mota | mendikatea |
| Luzera | 75 km |
| Zabalera | 20 km |
| Geografia | |
 | |
| Koordenatuak | 36°57′13″N 22°21′00″E / 36.9535°N 22.35°E |
| Estatu burujabe |  Grezia |
| Lurraldeko administrazio-erakunde | Decentralized Administration of Peloponnese, Western Greece and the Ionian Islands |
| Eskualdea | Peloponeso (periferia) |
| Prefecture of Greece | Lakonia |
| Leku geografikoa | Peloponeso |
Taigeto (grezieraz: Ταΰγετος, Taýgetos) hegoaldeko Greziako mendigunea da, Peloponeson dagoena. Mani penintsulako Matapan lurmuturraren hegoaldeko muturretik 100 km iparraldera dago, eta izen bereko mendia (2.410 imgm; Hagios Ilias, San Elias edo Prophitis Elias ere deitua) du tontorrik altuena. Greziar mitologiako Taigete pleiadearen izena daraman[1] toponimo hau kontinente osoko antzinetako bat da, izan ere, «Odisea»n ere agertzen da.[2]
Taigeto mendia espartarrek erabiltzen zuten akats fisikoak zituzten jaioberriak eta delitugileak hiltzeko. Arkeologoek helduen gorpuzkiak topatu arren, ez dute jaioberriak topatu.[3] Ekialdeko erromatarren garaitik (bizantziarra) XIX. mendera arte, mendiari Pentedaktilos (grezieraz: Πενταδάκτυλος, Pentadaktylos; euskaraz: «bost hatz») izena eman zitzaion. Mendikatea Arkadia, Lakonia eta Mesenia prefekturetan zehar hedatzen d.
Mendiko tontorrik garaienak piramide baten forma du, gutxi gorabehera. Gailurretik gertu, Elias profetaren omenezko eliza bat (grezieraz: προφήτης Ηλίας) altxatzen da. Mediterraneoa zeharkatzen duen E-4 bidezidorraren ibilbidea bertatik igarotzen da. Eurotas ibaiaren harana ekialderantz hedatzen da, Joniar itsasoa hegoaldean eta mendebaldean dagoen bitartean, eta iparralderantz Kalamata edo Meseniako golkoa eta Arkadia eskualdea irekitzen dira.
Ekialdeko hegaletik, ia Eurotas haran osoa, Parnon mendikatea eta Lakonia erdia ikus daitezke. Mendebaldeko ikuspegien artean, Kalamata eta Meseniako ekialdeko erdia daude. Arkadiaren hego-mendebaldeko zatirik handiena ere ikus daiteke.
Mendikatearen erdialdeari Skoteini Plevra esaten zaio, «alde iluna» esan nahi duena, Taigetoan dauden herriek ez baitute eguzki askorik jasotzen, batez ere goizeko orduetan eta ilundu aurretik. Eremuaren zati handi bat basotsua da. Goiko aldeak deforestatuta daude eta larrez, belardiz eta lorez estalita daude. Zona honek eguzkia hartzen du arratsaldean; azalera eguzkigabea 4 eta 5 km artekoa da, eta 1 km inguruko zabalera du.
Erreferentziak
- ↑ «Pseudo-Plutarch, De fluviis, XVII. EUROTAS.» www.perseus.tufts.edu.
- ↑ Liddell, Henry George; Scott, Robert. (1940). Jones, Henry Stuart ed. Ταΰγετον. in: A Greek-English Lexicon. Oxford: Clarendon Press.
- ↑ «Study finds no evidence of discarded Spartan babies» Australian Broadcasting Corporation 2007-12-10.
Kanpo estekak
 |
Artikulu hau Greziako geografiari buruzko zirriborroa da. Wikipedia lagun dezakezu edukia osatuz. |
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
