Turk Handia
| Turk Handia | |
|---|---|
 | |
| Datu orokorrak | |
| Garaiera | 24 m |
| Mota | uhartea, district of the Turks and Caicos Islands (en)  eta transport infrastructure (en) |
| Luzera | 9,7 km |
| Zabalera | 2,45 km |
| Azalera | 18 km² |
| Geografia | |
 | |
| Koordenatuak | 21°28′20″N 71°08′20″W / 21.472222222222°N 71.138888888889°W |
| UTC ordua | UTC−05:00 |
| Honen parte da | Turks Islands (en) |
| Estatu burujabe |  Erresuma Batua |
| Itsasoaz haraindiko britainiar lurralde |  Turks eta Caicos uharteak |
| Ur-gorputza | Karibe itsasoa |
| Leku geografikoa | Turks Islands (en) |
Turk Handia (ingelesez: Grand Turk Island) Turkak eta Caicoak herrialdeko Cockburn Town hiriburua dagoen uhartea da[1], azaleraz uhartediko uharte txikienetakoa bada ere. 2012ko erroladren arabera 4.831 biztanle ditu, hauetatik 3.720 Cockburn Town hiriburuan.[2]
Izena
Kondairaren arabera Turk Handia uhartean ugaria den Melocactus intortus kaktusak ematen dio izena. Izan ere landarearen gainean itxura zilindrikoa duen egitura bat du, turkiarrek daramaten fez txanoaren antza duena. Hortik Turkiarren erreferentzia hori. Dena dela zalantzazko istorioa da, fez-aren erabilera uhartearen izenaren ondorengoa bait da.[3]
Geografia
Ipar eta Erdi Amerikako kostaldean Ozeano Atlantikoan kokaturik dagoen Lucayan uhartediaren hego-ekialdean dago Turkak eta Caicoak herrialdea.[4] Sei barruti nagusi daude, handienak Caicoak dira eta bi txikienak Turkak. Turk Handia ekialdean kokaturik dago eta 18 km²-ko azalera du. Uhartea luzea da eta iparraldean duen North Creek aintzirak "U" itxura ematen dio uharteari. Uhartean beste zingira batzuk ere badira.
Turk Handia erabat laua da, uharteko garaiera handiena 24 metrotakoa da.
Historia
Uharte hauetan bizi ziren lucayarrek Abawana izena eman zioten uharteari, "lehenengo uharte txikia" esan nahi du. 700 urtearen ingurutik bizi ziren bertan eta arrantzale komunitate txikiak osatzen zituzten. 1500 urterako lucayarrak desagerturik zeuden, gaixotasunen ondorioz eta esklabutzaren ondorioz.[1]
Mende batez uhartea hutsik egon zen, tarteka piratak, espainiarrak, frantsesak eta ingelesak pasa izan zren bertatik baina asentamendurik eratu gabe. Bermudatik etorritako kolono britainiarrek 1681ean izan ziren lehenengo kolonizatzaileak eta gatz ekoizpena abiatu zuten.[1]
1754. urtean HMS Jamaica itsasontzi britainiarra iritsi zen frantziarrena zela uste zuen uharte honetara eta frantzesik aurkitu ez zuenez britainiarren jabegotzarako hartu zuen.
1813an urakan bortitz batek jo zuen uhartea eta 120 etxebizitzatik gora suntsitu zituen. XIX. mendean itsasontzi ugari urperatu ziren uhartearen inguruko uharriak jota eta britainiarrek hainbat itsasargi eraiki zituzten uhartean zehar.
XX. mendean Estatu Batuarrek hainbat azpiegitura militar eraiki zituzten uhartean. 1962. uhartean Erresuma Batuarekiko independentzia lortu zuen Turkak eta Caicoak herrialdeak, hala ere Charles III.a Erresuma Batukoak jarraitzen du estatuburua izaten eta estatubatuar militarren presentzia oso nabarmena da.[1]
Ekonomia
Turismoa da uhartearen jarduera ekonomiko nagusia. Carnival Cruise Line gurutzontziaren ibilbideko geldialdia da.
Azpiegiturak
Uhartearen hegoaldean Grand Turk aireportua dago.[1]
Iruditegia
-
Turk Handia uhartea. -
Cockburn Town. -
Hondartza. -
Turkak eta Caicoetako Museo Nazionala. -
Urpekariak.
.jpg){kind=small}
.jpg)
Erreferentziak
- ↑ a b c d e (Ingelesez) «About Grand Turk» Visit Turks and Caicos Islands (kontsulta data: 2025-08-27).
- ↑ «Population» www.gov.tc (kontsulta data: 2025-08-27).
- ↑ (Turkieraz) Bilisim, T. E.. «Doğu Karayipler ve Grand Türk (Büyük Türk) Adası» 7deniz Haber (kontsulta data: 2025-08-27).
- ↑ (Ingelesez) «Turks and Caicos Islands | Location, People, & History | Britannica» www.britannica.com 2025-08-19 (kontsulta data: 2025-08-27).
Kanpo estekak
Datuak: Q1473924
Multimedia: Grand Turk Island / Q1473924
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
