Wikitoki

Wikitoki
Datuak
Izen ofiziala	Wikitoki
Mota	kooperatiba eta coworking gunea
Herrialdea	Espainia
Jarduera
Honen parte	Ekonomia Sozial eta Solidarioaren Poloa (Ekonopolo)
Historia
Sorrera	2014
webgune ofiziala

Wikitoki Bilboko San Frantzisko auzoan dagoen praktika kolaboratiboen eta berrikuntza sozialaren laborategia da.

Wikitoki 2013an sortu zen elkarte gisa. Bere helburua harreman, antolaketa, ikerketa, sorkuntza, ekoizpen eta kontsumo modu berriekin saiakuntzak egitea da, elkar-sorkuntza eta ikaskuntza komunitate gisa artikulatuz.^[1]

Wikitokiren egoitza fisikoa Auzo Factory La Cantera^[2] izeneko espazioan dago, San Frantzisko auzoan (Bilbo).^[1]Proiektuaren arabera, bertako espazio fisikoa, digitala eta sarean baliabide komunak dira, askotariko eragileen arteko topaketa eta konexioa errazten dutenak, auzoko testuinguru sozial, ekonomiko eta kulturalarekin elkarreragiteko eta sinergiak sortzeko asmoarekin.^[3]

Wikitokiko komunitatea hainbat arlotako eragileek osatzen dute: arkitektura, hirigintza, testuinguruko arteak, bitartekaritza kulturala, teknologia libreak, ekologia soziala eta komunikazio transmedia. Agente bakoitzak bere nortasun propioa mantentzen du, baina praktika kolaboratiboak bultzatzen dituen praktika komunitate batean lan egiten du 2014tik, autonomia eta interdependentzia uztartuz marko komun baten pean.^[3]

Wikitoki erreferentziazko gunea da berrikuntza sozialean eta ekonomia eraldatzailean, ekonomia feminista, prokomuna, ekonomia sozial eta solidarioa eta P2P praktikak bere funtzionamenduan integratu nahian. Egitura asanbleario eta autogestionatuak parte-hartze aktiboa sustatzen du, dedikazio komunitarioaren eta inguruko beste erakunde batzuekiko lankidetzaren bidez. 2013tik 2018ra gobernantza eredu asanbleario batekin funtzionatu zuten. Ondoren, gobernantza eredu propio bat garatu zuten, Wikikrazia izenekoa, soziokrazian oinarritua.^[4][5][6]

• 2015 Eusko Jaurlaritzako Herri Administrazio eta Justizia Sailaren Elkarlan Saria.^[7][8]
• 2018 Hans Sauer Sariaren finalista 2018 “Etorkizunen diseinua. Laborategi Sozialak Europan”.^[9]

• Ekonomia sozial eta solidarioa

1. ↑ ^{a b} «ASOCIACION WIKITOKI ELKARSORKUNTZARAKO LABORATEGIA.» www.euskadi.eus 2013-11-25.
2. ↑ «Bilbao Auzo Factory» Bilbao Gazte.
3. ↑ ^{a b} «Quiénes somos» Wikitoki 2014-05-13.
4. ↑ «WIKIKRAZIA ::: Gobernanza colaborativa» Wikitoki 2024-10-08.
5. ↑ «Wikikrazia: una forma de gobernanza para la autogestión de organizaciones» www.euskadi.eus 2023-11-28.
6. ↑ Antón Troyas, Ricardo. (2024). «Wikitoki, un laboratorio sobre el ser y hacer (en) comunidad» Ciudades, ecosistemas de innovación transformadora.
7. ↑ «Premios "Elkarlan 2015" sariak» es.slideshare.net.
8. ↑ Wikitoki. (2016-01-31). «¡Hemos ganado un premio!» Wikitoki.
9. ↑ hss-redaktion. (2018-03-11). «HANS SAUER AWARD 2018» Social Design.

• Wikitokiren webgune ofiziala