Zalditegi
| Zalditegi | |
|---|---|
| Ukuilua eta eraikina | |
 | |
Zalditegia barruti itxi bat da, non, funtsean, zaldiak eta beste zamari batzuk egoten diren. Zaldiak babesteko nahiz elikatzeko eta garbitzeko erabiltzen da. Ukuilu berezitu bat da, azken batean, baina ukuilu edo gela/kutxen multzoa baino gehiago izan daiteke, instalazio multzo bat zaldiak hazteko, gordeta izateko, eta trebatzeko.
Hipodromoetan ere egoten dira zaldientzako ukuiluak, entrenamendurako eta lasterketen garaian bertan egoteko: paddock izenez dira ezagunak.
Historia
Erdi Aroan garapen handia izan zuten Europan, zaldiak erosi eta alokatu ahal izateko lekuak izanik, hirietan zein landa eremuan ezarri ziren.
Arkitektura aldetik ez ziren diseinu osagai nagusi bihurtu XVIII. mendearen erdialdera arte, zerbitzu hori behar zuten jauregi handiak eraiki zirenean Europa osoan.
Funtzioak
Zalditegiek funtzio desberdinak izan ditzakete etxalde eta negozio gisa.
Haztegiak izan daitezke, behorrak ernaldu eta moxalak hazteko tokiak, kasu batzuetan oso berezituak lasterketarako animaliak hazteko. Espainiako Armadarentzako zaldiak hezten dituen halako antzeko bat da Lore Toki, Hernanin (Gipuzkoa), 1916an irekia. Bertan beste zaldi-hazle batzuei behorrak artifizialki ernaltzeko zerbitzua ere eskaintzen dute.[1]
Zaldientzako egoitza eta zaintzako tokiak izatea ere ohikoa da. Zaldi-jabe guztiek ez dute etxalde propioa eta zaintza osoa egiteko zerbitzurik, eta animalientzako "ostatua" baliatu behar dute. Ostatatze hau kudeatzeko modu desberdinak egoten dira: jabearen eta etxaldearen artean partekatua; jabearen esku egotea egoitzara joan eta zaldia han gobernatzea; zalditegiak lan guztiak hartzea...[2]
Zaldiak trebatzekoak zaldi-eskolak dira, zaldiketa ariketak egiten diren tokia, horretarako esparruak izaten dituztenak, batzuetan ikusleentzako tokiekin ere. Arroz-azalez, hareaz edo beste material bigun batzuez estalitako zorua egoten da esparru horietan, eta hipika jardueretarako badira, forma laukizuzen eta neurrietan arautua izan behar dute.
Zaldiak trebatzeko beste egitura bat, ibilketa gurpil mekanizatuak dira. Sistema hauek zaldiei ariketa gehigarria emateko erabiltzen dira, ez bakarrik lasterketetako animalietan, zalditegi bateko edozein zamarirentzako izan daitezke egokiak. Animalia berotzeko edo entrenamenduaren ondoren lehortzeko erabil daiteke. Horrez gain, animaliaren osasuna eta muskuluen hazkundea sustatzeko, edo zamarien eguneroko bizitzaren ongizatea zaintzeko erabil daitezke.
Zalditerapia edo hipoterapian berezitutako zalditegiak ere badira. zaldien bidezko laguntza terapeutikoa 1950eko eta 1960ko hamarkadatik erabili izan da batik bat, nahiz eta Antzinako Grezian ere ezagutu izan zen antzeko praktika[3].
Iruditegia
-
Zalditegi bateko ukuilua. -
Zaldi trebakuntza eta erakustaldietarako hondar-eremua zaldi-eskola batean. -
Kanpora begirako lehioak dituzten ukuiluak. -
Franz Adam margolariaren "zaldi-mutila" edo "Zalditegia".
.jpg)
Erreferentziak
- ↑ (Gaztelaniaz) Múgica, Ainhoa. (2021-05-17). «San Sebastián: La Yeguada militar desde dentro» El Diario Vasco (kontsulta data: 2024-10-22).
- ↑ (Ingelesez) «Keeping horses commercially» GOV.UK (kontsulta data: 2024-10-22).
- ↑ (Gaztelaniaz) «HAURRENTZAKO HIPOTERAPIA» Naiaras's Weblog 2009-02-23 (kontsulta data: 2020-12-08).
Ikus, gainera
Kanpo estekak
| Autoritate kontrola |
|
|---|
Datuak: Q12056809
Multimedia: Horse stables / Q12056809
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
