Zapotxin
Datuak
Jatorria	Hernani (Gipuzkoa)
Sortze urtea (eta desegitearena, desegin bada)	2023ko maiatzaren 23a - gaur egun (3 urte)
Taldekideak
Markel Oiarzabal Libe Yeregui
Informazio gehigarria
www.zapotxin.eus

Zapotxin, Markel Oiazabal hernaniarrak antzezten duen pailazoa da. Euskal Herrian barrena herriz herri aritzen da emanaldiak eskaintzen haurrentzat.

Bere ikuskizunetan antzerkia, kantua eta dantza izaten dira protagonista, dibertsioak lagunduta. Emanaldiaz gain, ikuskizun bakoitzarekin lotutako musika diskoa ere kaleratzen du.

Zapotxinen lehenengo emanaldia "Esan, galtzerdi maitea!" izan zen eta 2023ko maiatzaren 23an estreinatu zuen, Hernaniko Biteri antzokian.

Bakarka ia bi urtez aritu ondoren, 2025eko otsailaren 1ean bigarren ikuskizuna iritsi zen: "Baratxuri zoparen sekretua". Oraingo honetan, Zapotxinek Libe Yeregui aktore zumaiarra izan zuen alboan, pertsonaia ezberdinak eginez. Urte honetatik aurrera Zapotxin bakarka aritzetik, pailazo taldea osatzera pasa zen.

Zapotxin, Markel Oiarzabal (Hernani, Gipuzkoa, 2000)

Beste pertsonaiak, Libe Yeregui (Zumaia, Gipuzkoa, 2000)

Zapotxin pailazoa bakarka hasi zen 2023an. Lehenengo urtean bakarrik igotzen bazen ere oholtzara, 2025ean pertsonaia gehiagorekin hasi zen kontatzen istorioak.

Sinopsia

Zapotxin bere aitonaren galtzerdi dendara joango da bisitan. Aitona, ordea, ez da inondik ageri. Hala ere, aitona istorio kontalari bikaina da eta altxor txiki bat utzi du Zapotxinentzat.

Emanaldian zehar, haurrek Zapotxinekin batera "Esan, galtzerdi maitea!" errepikatu eta galtzerdiek aitonaren istorioak kontatuko dizkiete. Haurrak bidaia berezi batean mugilduko dira eta bertso musikatuek lagunduta, Zapotxinek bere herria nola eta nork sortua izan den ulertuko du. Elbira Zipitria ikastolen sortzailea, Lazkao Txiki, sare joslea eta beste zenbait lagunek tartea izango dute emanaldian zehar.

Pertsonaiak

• Zapotxin (Markel Oiarzabal)

Bira, diskoa, DVDa eta bideoklipak

Antzezlana 2023ko maiatzaren 23an estreinatu zen Hernaniko Biteri antzokian.

Ikuskizunarekin batera, izen bereko diskoa ere kaleratu zuen eta bertako abestiekin bideoklipak ere bai.

Sinopsia

Sorginen gainean dugun iruditegia eta estereotipoak hausteko asmoz, Zapotxinek Maripanpalona sorgina ezagutuko du. Ez du edabe magokorik egiten eta ez da erratz gainean ibiltzen.

Baratxuri zopa lapiko bete baten inguruan, Zapotxinek hainbat herritar ezagutuko ditu: Maripanpalona, sorgin trebe eta lagun ona; Kroketa koketa, sukaldari ospetsu eta baserritarra; Xerafino Bonbardino, orkestra zuzendari eta rockanrolero itsua eta Amona Badalona, Kataluinatik etorritako amona maitagarria, goizero euskaltegira bisita egiten duena.

Guztien laguntzarekin, Zapotxinek ikasiko du betiko ipuinek kontatzen dutenaz gain, gure herrian ere badirela sorgin gehiago: amona, ama, alaba...

Pertsonaiak

• Zapotxin (Markel Oiarzabal)
• Maripanpalona (Libe Yeregui)
• Kroketa koketa (Libe Yeregui)
• Xerafino bonbardino (Libe Yeregui)
• Amona Badalona (Libe Yeregui)

Bira, diskoa, DVDa eta bideoklipak

Antzezlana 2025eko otsailaren 1ean estreinatu zen Hernaniko Biteri antzokian.

Pailazoek, beraien ikuskizun bakoitzarekin disko bana kaleratu dute. Lehenengoa 2023an izan zen, taldea eta lehenengo ikuskizuna plazaratu zituzten urte berean.