Zenaida Alcalde

Zenaida Alcalde
Bizitza
Jaiotza	Madril, 1981 (44/45 urte)
Herrialdea	Espainia
Hezkuntza
Heziketa	Escuela de Circo Carampa (en)
Jarduerak
Jarduerak	zirkuko artista, aktorea, Trapezista eta irakaslea
Enplegatzailea(k)	Escuela de Circo Carampa (en) DV8 Physical Theatre (en) Juan Carlos Erregea Unibertsitatea

Zenaida Alcalde (Madril, 1981) zirkuko artista, trapezista, aktore eta irakaslea da.^[1]

Bere ibilbide artistikoa antzerkia ikasten hasi zen. Gero, zirku-arteak ezagutu zituen eta Madrilgo Carampa Zirku Eskolan hasi zen trebatzen; ondoren, Londresera joan zen, eta zortzi urte eman zituen han, eta Circus Space-n ikasi zuen.^[1][2][3]

2008. urtean, Miguel Muñoz Segura zirkuko artista eta magoarekin batera, Puntocero Company izeneko konpainia sortu zuen, antzerkia, zirkua eta magia nahasten zituzten ikuskizunak egiten zituena. Bertan, besteak beste, Doce, Choices^[4] eta Fragmentada lanak zuzendu eta antzeztu zituen. Atzerrian, DV8 Physical Theatre, Nofit State Circus edo Tattoo Theatre taldeekin lan egin du.^{[5][6][7][8][9][10][11][2][12]}

Irakasle gisa, 2009. urtean, aireko tekniketako eskolak ematen hasi zen Carampa Zirku Eskolan, eta 2014. urtean, Juan Carlos Erregea Unibertsitateko Ikusizko Arteen eta Dantzaren Graduan (URJC).^[2][3]

2018. urtean, Acción Cultural Españolak bultzatutako Foku Cultura Espainia-Kolonbia 2018-2019 akordioaren barruan, Zenaida Alcalde zirkuko profesionalentzako egoitza bat irabazi zuen, zeinaren helburua izan baitzen haien lan-metodoak partekatzea eta elkarlan eta prestakuntza prozesu bat garatzea Pastoko (Kolonbia) Antzerki Kolektibo Eszenikoarekin.^[13]

2019. urtean, Tim Burtonen Disney Dumbo animaziozko filmean jardun zuen Alcalde, La grandiosa Catherine interpretatuz, Muñozekin eta Colin Farrell eta Danny DeVito aktoreekin batera.^{[1][8][14][15][16]}

1970. urtean Errege Plazako Price Zirku zaharra eraitsi zuteneko berrogeita hamargarren urteurrena zela eta, Atochako Price de Ronda taldeak Mil Novecientos Setenta Sombreros ikuskizuna aurkeztu zuen, zirku eta antzerki muntaia bat, Aránzazu Riosalido eta Pepe Viyuelaren dramaturgiarekin, Hernán Gené-ren zuzendaritzapean, eta Zenaida Alcaldek trapecio ikuskizuna eskaini zuen. Marta Larralde aktorea eta Jaime Figueroa bentrilokuoa ere aritu ziren.^{[17][18][19][20][21][19]}

Zenaidaren ikuskizunak eszenatoki ezberdinetan antzeztu dira, baita zirku eta antzerki jaialdi eta azoketan ere, London Mime Festival edo The Edinburg Festival kasu. Horrez gain, Rebe al Rebés edo Sin miedo bezalako ikuskizunen aire koreografoa izan da.^{[22][23][24][25][26][27]}

2023. urteko maiatzean, Alcalde izan zen Humanidad (Cinco visiones de Goya para circo) proiektuan parte hartzera gonbidatutako lau zirku-zuzendarietako bat, Extraña devoción pieza laburrarekin. Proiektua Francisco de Goyaren Los Desastres de la Guerra (euskaraz: Gerraren Hondamendiak) izeneko margolariaren 82 grabatuetan inspiratuta zegoen Teatro Circo Price-ren ekoizpen bat izan zen, eta bertan Rakel Camacho eszena-zuzendari eta María Folguera antzerkigilea izan ziren. ^{[28] [29]} Urte bereko urrian, Puntocero konpainiarekin, Mahmud (y no solo Mahmud) estreinatu zuen zuzendari eta ekoizle gisa. Ikuskizunak Silvia Albert Sopale-ren dramaturgia izan zuen, eta Dnoé Lamiss (Silvia Sobe) Madrilgo raperoaren soinu-espazioa eta musika. Mahmud Traoré giza eskubideen aldeko aktibistaren Partir para contar liburuaren egokitzapena izan zen, akrobazia, testu-antzerkia eta hip hop elementuak barne.^[30] 2025ean, Alcalde Espainiako Arte Eszenikoen Akademiaren Talía Sarietarako izendatu zuten ikuskizun horren eszenografian egindako lanarengatik. ^[31]

• 2017. urtean, akrobaziak, umorea eta poesia uztartzen zituen ¿Y ahora qué? ikuskizunarengatik, Avilako Lengoaia Berrien Nazioarteko XI. Jaialdiko Publikoaren Saria jaso zuen Alcaldek (Artescena), sei lanen artean aukeratua. Jaialdi hau Avilako Udalak antolatzen du eta Espainiako arte eszenikoetako artistak eta konpainiak biltzen ditu.^{[8][32] [11][14][33][34][35]}
• 2025. urteean, Alcalde Arte Eszenikoen Akademiako Talía sarietarako izendatu zuten, Mahmud (y no solo Mahmud) ikuskizunaren eszenografiaren diseinuarengatik, hura ere zuzendu eta ekoiztu baitzuen.^[31]

• Puntocero Companyren webgunea.
• 'Un café con MADPAC' - Zenaida Alcalde, YouTuben ikusgai dagoen bideoa.
• Dumboren trailer ofiziala, YouTuben ikusgai dagoen bideoa.
• 'Humanidad (Cinco visión de Goya para circo)' Price-n, elkarrizketa RNEko aretoan.