Shahzad A. Rizvi

Doktoor Shahzad A. Rizvi, Ph.D. (28 feebariyee 1937-) ko binndoowo, ganndo, yimoowo Urdu Ameriknaajo jibinaaɗo to Inndo.[1][2][3] Golle makko e ɗemngal Engele ina mbaɗi defte daartol jowitiiɗe e leydi Indiya e binndanɗe ganndal ko faati e yimɓe binndol Urdu.[4] Golle makko e ɗemngal Urdu ina mbaɗi jimɗi e ghazals keewɗi.[5][6]

Doktoor Rizvi jibinaa ko e hitaande 1937 to wuro Gwalior, to leydi Indiya, jooni o woni ko to leyɗeele dentuɗe Amerik. Ko o iwdi Fazl-e-Haq Khairabadi,[7] ganndo mawɗo e nder Inndo, kaɓantooɗo ndimaagu e nder murto Inndo e hitaande 1857, kadi ko taaniiko jimoowo Urdu lolluɗo biyeteeɗo Muztar Khairabadi.[8]

Wondude e yimooɓe Urdu woɗɓe hannde ɓee, Doktoor Rizvi tawtoraama jaŋngugol yimre winndereyankoore nde renndooji binndol Urdu to Amerik e Inndo yuɓɓinta (to duɗal Ghalib to Delhi e Akademi Urdu to Bhopal). E hitaande 2014, jaaynde Halqa-e-Arbab-e-Adab to Bhopal, leydi Indiya yaltinii defte ɗiɗi ɗe Dr. Rizvi winndi e ɗemngal Urdu, "Chalte, Chalte" (E laawol) e "Khwab Zindagi Ke" (Koyngal Nguurndam). ]

Muuloowo binndol Urdu mo leydi Indiya yaltini deftere tataɓere yimre Urdu Rizvi e lewru marse 2015, tiitoonde mum ko "Muhabbaton Ka Safar" (Jaɓɓal Yiɗde). Ganndo Urdu teskinɗo, ganndo binndol, hono Professeur Afaq Ahmed, yuɓɓini e feewni deftere nde.[10] Ñalnde 2 abriil 2015, porfeseer Ahmed yuɓɓinii hiirde binndol to galle taariindi Swaraj Bhavan e musee ngam mawninde bayyinaango ngoo.[11] Koɗo tedduɗo Dr. Mohammad Zaman Azurda, gonnooɗo hooreejo departemaa Urdu to duɗal jaaɓi haaɗtirde Jammu, hollitii deftere Rizvi hesere ndee e mooɓondiral yimooɓe e annduɓe binndol.[12]