José Quiroga Méndez

José Quiroga Méndez

Biografía
Nacemento	14 de maio de 1707 O Fabal, España
Morte	23 de outubro de 1784 (77 anos) Boloña, Italia
Relixión	Catolicismo
Actividade
Ocupación	explorador
Orde relixiosa	Compañía de Xesús

José Quiroga Méndez, nado no Fabal (Vilasante, Cervantes) o 14 de maio de 1707 e finado en Boloña o 23 de outubro de 1784, foi un mariño e relixioso galego.

Nado no pazo do Fabal. Cursou estudos na Escola Naval Española. En 1736 ingresou na Compañía de Xesús, estudou Artes en Santiago de Compostela e foi ordenado sacerdote. En 1745 marchou a Arxentina, onde destacou como cartógrafo e matemático. Fundou a cátedra desta materia na Universidade de Córdoba e foi profesor no colexio de San Ignacio de Buenos Aires. Explorou, por orde de Filipe V, as costas meridionais de Río da Prata ata o estreito de Magallanes. En 1767 foi expulsado da Arxentina e marchou desterrado a Italia. Foi o mellor cartógrafo español do século XVIII e a el débense os mellores traballos cartográficos dese século, manuais da navegación e o primeiro plano da cidade de Bos Aires, coñecido polo nome do seu divulgador Charlevoix. Realizou un Mapa de las misiones de la Compañía en los ríos Paraná y Uruguay (1749).

• Relación del viaje a la costa de los Patagones.
• Tratado del arte verdadero de navegar, 1784.
• Breve noticia del viaje por el río Paraguay.

• "José Quiroga Méndez". Álbum de Galicia do Consello da Cultura Galega.