Sojojin Sweden a cikin 'Yantacciyar Jihar Kwango

Sojojin Sweden a cikin 'Yantacciyar Jihar Kwango
Bayanai
Iri	military unit (en)

A tsakanin shekarun 1885 da 1908, sojojin da yawa sun taimaki Sarki Leopold II a mulkin mallakar kasar Kwango a dalilin biyansu mai tsoka da kuma damammaki da zasu samu daga gare shi. Mutanen Sweden zasu zamo na uku a yawan 'yan kasa a cikin sojojin Leopoldo II,^[1] kuma a wasu lokutan zasu rika fuskantar kabilun kasar Kwango a yaki. Duk da haka, tare da cewa an mika kasar Kwangon Leopoldo II ga kasar Belgium, da kuma tsananin shirin dakarun soja warwarewar hadinn kan kasar Sweden da kasar Norway, mafi yawan sojoji dole suka koma Sweden.^[2]

Ana tsananin bukatar kahon giwa da roba a Turai a karshen karni na goma sha takwas, mafi akasari saboda kirkirar tayoyin roba,^[3][4] Kasar Kwango na da arzikin wadannan albarkatu hakan ya sa ta zamo kasar nema a Afurka. Bayan Taron Berlin 1884-1885, an amince da yankunan da Leopoldo II yake mulka a shari'ance, duk da cewa yarjejeniyar takarda ce kawai, amma a zahiri kabilun gargajiya da masarutu ke mulkar mafi akasarin yankunan kasar Kwango.^[5] Domin neman kara karfafa sarrafa ma'adanai masu yawa na yankin, Leopoldo ya nemi taimakon sojojin 'yan baranda da su taimaka masa wajen mulkin mallakar kasar Kwango.^[6] Sojojin kasar Sweden sun burge Leopold II sosai har ta kai ga ya nemesu su shiga cikin sojojinsa da ake kira Force Publique.^[7] Da yawa daga cikin sojojin Sweden sun nuna ra'ayi sosai da damar Leopoldo ya basu saboda babu damammaki da isassun kudi a aikin sojan kasar Sweden, sojojin kuma sun duba damar kasar Sweden ta kara yin wani yaki a gaba yayi karanci inda zai sa samun karin girma a aikin yayi wahala.

• Edde Gleerup, ya bar Sweden a cikin shekarar 1883 kuma ya zamo shugaban ofishin 'yan sanda na Kimpoko.
• Peter August Möller, ya bar Sweden a cikin shekarar 1883 ya zamo shugaban ofishin 'yan sanda na Matadi.
• Georges-Guillaume Pagels, ya bar Sweden a ranar biyu da watan March shekara ta 1883 kuma an ajiye shi Kimpoko.
• Arvid Wester,ya bar Sweden a ranar 14 ga watan Nuwamban 1883, kuma ya kasance daga cikin wanda suka kare ofishin tsaro na Stanley Falls.

1. ↑ David Nilsson (2013). "Sweden-Norway at the Berlin Conference 1884–85" (PDF). openaid.se. Retrieved 9 May 2024.
2. ↑ "Svenskars färd mot mörkrets hjärta" (PDF). diva-portal.org (in Harshen Suwedan).
3. ↑ "Svenskarna i terrorns Kongo" (in Swedish). 4 January 2004.
4. ↑ "Svenskars färd mot mörkrets hjärta" (PDF). diva-portal.org (in Swedish).
5. ↑ "Congo Free State | Historical State, Imperialism, Africa | Britannica". 29 April 2024.
6. ↑ "The Free State of the Congo, a hidden history of genocide". 10 August 2015.
7. ↑ "Svenska kolonisatörer i Kongo" (in Harshen Suwedan).