Արկադի Խաչատրյան

Արկադի Խաչատրյան
Պատկեր:Arkadi Khachatyan.jpg
Եվրասիական տնտեսական միություն Ֆինանսական քաղաքականության դեպարտամենտի տնօրեն
2022 Օգոստոս-ից
ՀՀ ԱԺ 7-րդ գումարման պատգամավոր
2019 հունվարի 14-ից - 2021 օգոստոս
ՀՀ Կենտրոնական բանկ Խորհրդի անդամ
2015-ից - 2019
ՀՀ Նախագահի աշխատակազմ Փորձագիտական-վերլուծական վարչության պետ
2003-ից - 2015
Կուսակցություն՝	Անկուսակցական
Մասնագիտություն՝	քաղաքական գործիչ
Ծննդյան օր	հունվարի 29, 1975(1975-01-29) (49 տարեկան)
Ծննդավայր	Կիրովական, Հայկական ԽՍՀ, ԽՍՀՄ

Արկադի Սանասարի Խաչատրյան՝ (հունվարի 29, 1975(1975-01-29), Կիրովական, Հայկական ԽՍՀ, ԽՍՀՄ), հայ քաղաքական գործիչ, ՀՀ ԱԺ 7-րդ գումարման պատգամավոր ^[1]: «Լուսավոր Հայաստան» խմբակցության անդամ։

Արկադի Խաչատրյանը ծնվել է 1975 թվականի հունվարի 29-ին, Վանաձորում^[2]։

1997 թվականին ավարտել է Երևանի պետական համալսարանի տնտեսագիտության ֆակուլտետը։ Տնտեսագետ-մաթեմատիկոս։ 1997 թվականին ընդունվել է Մոսկվայի կառավարման պետական համալսարանի ֆինանսական մենեջմենթի ինստիտուտի ասպիրանտուրան, այնուհետեւ տեղափոխվել և 2000 թվականին ավարտել է ՀՀ ֆինանսների և էկոնոմիկայի նախարարության տնտեսագիտական հետազոտությունների ինստիտուտի (ՀՀ ՖԷՆ ՏՀԻ) ասպիրանտուրան։ Տնտեսագիտության թեկնածու։ 2005 թվականին ավարտել է ԵՀՀ իրավագիտության ֆակուլտետը։ Իրավագետ։ 2004 թվականին ընդունվել է ՀՀ ՖԷՆ ՏՀԻ դոկտորանտուրան, ապա տեղափոխվել և 2007 թվականին ավարտել է ՀՀ ԳԱԱ Մ. Քոթանյանի անվան տնտեսագիտության ինստիտուտի դոկտորանտուրան։ 2009 թվականին ավարտել է Հարվարդի համալսարանի Ջոն Քենեդու անվան կառավարման դպրոցը («բանակցությունների վարում»)։

1997-1998 թվականներին աշխատել է «Օնիքս» ՓԲԸ (Մոսկվա) ֆինանսական մենեջեր, «Ադիքս» ֆինանսական ընկերություն» ՓԲԸ (Մոսկվա) բրոքեր։ 1998-2003 թվականներին եղել է ՀՀ ֆինանսների և էկոնոմիկայի նախարարության ապահովագրական տեսչության առաջատար մասնագետ, բաժնի պետ, ապահովագրական տեսչության պետի տեղակալ, վարչության պետ, ապահովագրական տեսչության գլխավոր վարչության պետ։ «Ապահովագրողների ասոցիացիա» իրավաբանական անձանց միության տնօրեն։ 2003-2015 թվականներին եղել է ՀՀ նախագահի աշխատակազմի տնտեսագիտական վարչության պետի տեղակալ, փորձագիտական-վերլուծական վարչության պետի տեղակալ, փորձագիտական-վերլուծական վարչության պետ։ 2012 թվականից ԵՊՀ ֆինանսահաշվային ամբիոնի, 2018 թվականից Հայ-ռուսական (սլավոնական) համալսարանի քաղաքացիական իրավունքի և քաղաքացիական դատավարության իրավունքի ամբիոնի դասախոս է։ 2015-2018 թվականներին եղել է ՀՀ կենտրոնական բանկի խորհրդի անդամ, 2018-2019 թվականներին եղել է ՀՀ ԿԲ նախագահի խորհրդական։  2008-2011 թվականներին եղել է ՀՀ նախագահին առընթեր Սևանա լճի հիմնահարցերի հանձնաժողովի քարտուղար։ 2011-2013 թվականներին հանդիսացել է ՀՀ և ԵՄ միջև ասոցացման համաձայնագրի շուրջ բանակցությունների՝ տնտեսական, ֆինանսական և ոլորտային համագործակցության հարցերի խմբի, ինչպես նաև խոր և համապարփակ ազատ առեւտրի գոտու հարցերի խմբի անդամ։ 2011-2016 թվականներին եղել է «ՀՀ պետական կառավարման ակադեմիա» ՊՈԱԿ-ի խորհրդի անդ, «Հայաստանի փոքր և միջին ձեռնարկատիրության զարգացման ազգային կենտրոն» (ՓՄՁ ԶԱԿ) հիմնադրամի հոգաբարձուների խորհրդի անդամ, «ՓՄՁ ներդրումներ» ՈՒՎԿ ՓԲԸ բաժնետերերի ժողովի և խորհրդի անդամ։ 2015-2016 թվականներին եղել է Հայաստանի զարգացման հիմնադրամի հոգաբարձուների խորհրդի անդամ։ 2011-2018 թվականներին եղել է տեղեկատվական տեխնոլոգիաների բնագավառում հանրապետության նախագահի կրթական պարգևների շնորհման հանձնաժողովի անդամ։ 2016-2018 թվականներին եղել է ՀՀ կառավարության մշտապես գործող ֆինանսատնտեսական, սոցիալական, պետաիրավական, տարածքային զարգացման և բնապահպանական նախարարական կոմիտեներում ՀՀ ԿԲ ներկայացուցիչ։ 2016-2019 թվականներին եղել է «Ֆինանսական համակարգի հաշտարարի գրասենյակ» հիմնադրամի հոգաբարձուների խորհրդի նախագահ։ 2018 թվականին ընտրվել է ՀՀ ԱԺ պատգամավոր Լուսավոր Հայաստան կուսակցության համապետական ցուցակով^[3]։

2022 թվականից Եվրասիական տնտեսական միության Ֆինանսական քաղաքականության դեպարտամենտի տնօրեն։

Ամուսնացած է ունի երեք զավակ։