Ռուստամ Գասպարյան

Ռուստամ Ռաֆիկի Գասպարյան
դեկտեմբեր 01, 1960 - հոկտեմբեր 17, 2020
Ծննդավայր	Ջանֆիդա, ՀԽՍՀ
Մահվան վայր	Հադրութի շրջան, Արցախի Հանրապետություն
Քաղաքացիություն	Հայաստան
Զորամաս	«Սև հովազ» ջոկատի հրամատատար
Մարտեր/ պատերազմներ	Արցախյան ազատամարտ և 44-օրյա պատերազմ
Պարգևներ	Արցախի հերոս և Արցախի Հանրապետության «Ոսկե արծիվ» շքանշան

Ռուստամ Ռաֆիկի Գասպարյան (ապրիլի 11, 1961(1961-04-11)^[1][2], Ջանֆիդա, Հոկտեմբերյանի շրջան, Հայկական ԽՍՀ, ԽՍՀՄ - հոկտեմբերի 17, 2020(2020-10-17), Հադրութ, Հադրութի շրջան, Արցախ), հայ ազատամարտիկ, Արցախյան առաջին և երկրորդ պատերազմների մասնակից, Հայաստանի Ազգային ժողովի նախկին պատգամավոր։ Զոհվել է 2020 թվականի հոկտեմբերին Արցախի Հանրապետության Հադրութի շրջանում։

Ծնվել է 1961 թ. ապրիլի 11-ին Արմավիրի մարզի Ջանֆիդա գյուղում։ 1996 թ. ավարտել է Արմավիրի «Արարատ» համալսարանը՝ իրավագետ մասնագիտությամբ։ 1979-1981 թթ. ծառայել է խորհրդային բանակում։ 1989 թվականից մասնակցել է Արցախի ազատամարտին։ 1994-2000 թթ. ծառայել է Հայաստանի զինված ուժերում՝ զբաղեցնելով հրամանատարական տարբեր պաշտոններ։ 2007 թ. մայիսի 12-ին Ազգային ժողովի պատգամավոր է ընտրվել թիվ 21 ընտրատարածքից։ 2012 թ. մայիսի 6-ին Ազգային ժողովի պատգամավոր է ընտրվել համամասնական ընտրակարգով «Բարգավաճ Հայաստան» կուսակցությունից։

2017 թ․-ից հեռացել է ԲՀԿ կազմից և քաղաքականությունից։

Ամուսնացած էր, ուներ երկու երեխա։

2020 թ. Արցախյան պատերազմի ժամանակ ադրբեջանական ԶՈՒ կողմից կիրառված ԱԹՍ կողմից հարված հասցվեց Ռուստամ Գասպարյանի մեքենային, որի արդյունքում նրա 29-ամյա որդին՝ Ռաֆիկ Գասպարյանը տեղում մահացել էր, իսկ Ռուստամ Գասպարյանը՝ ստացել բազմաբեկորային վնասվածքներ գլխի շրջանում^[3]։ Հոկտեմբերի 16-ին Ռուստամ Գասպարյանին վիրահատել էին Ստեփանակերտում, այնուհետև տեղափոխել Գորիսի ԲԿ, ապա՝ «Էրեբունի ԲԿ»։ Հոկտեմբերի 17-ին հայտնվեց Ռուստամ Գասպարյանի մահվան մասին^[4]

Պարգևատրվել է Հայաստանի Արիության մեդալով, Արցախի Հանրապետության Արիության մեդալով, ինչպես նաև ՊՆ, ԵԿՄ բազմաթիվ հուշամեդալներով։ 2011 թ. սեպտեմբերին պարգևատրվել է Մխիթար Գոշի մեդալով^[5]։ 2020 թ․ դեկտեմբերի 25-ին հետմահու պարգևատրվել է Արցախի հերոս, Արցախի Հանրապետության բարձրագույն կոչման, արժանացել՝ «Ոսկե արծիվ» շքանշանի։

դ ք խ «Արցախի հերոս» բարձրագույն կոչում ստացած անձինք Արցախի ազգային հերոսներ Սամվել Բաբայան  • Վազգեն Սարգսյան  • Բեկոր Աշոտ  • Մոնթե Մելքոնյան  • Սեյրան Օհանյան  • Ռոբերտ Քոչարյան  • Քրիստափոր Իվանյան  • Մանվել Գրիգորյան  • Սամվել Կարապետյան  • Սերժ Սարգսյան  • Պետրոս Ղևոնդյան  • Մովսես Հակոբյան  • Վիտալի Բալասանյան  • Գեորգի Գասպարյան  • Յուրի Պողոսյան  • Վահագն Վարդևանյան  • Զորի Բալայան  • Արշավիր Ղարամյան  • Արկադի Ղուկասյան  • Արկադի Տեր-Թադևոսյան  • Պարգև արքեպիսկոպոս Մարտիրոսյան  • Շահեն Մեղրյան  • Ժաննա Գալստյան  • Արթուր Աղաբեկյան  • Ռոբերտ Աբաջյան  • Լեոնիդ Ազգալդյան  • Վլադիմիր Բալայան  • Կարեն Ջալավյան  • Էդգար Մարկոսյան  • Սերգեյ Շաքարյան  • Արմեն Կնյազյան  • Արմենակ Ուրֆանյան  • Արթուր Մկրտչյան  • Ադամ Սահակյան  • Դավիթ Գրիգորյան  • Յուրա Ալավերդյան  • Դավիթ Ղազարյան  • Ալեքսանդր Հարությունյան  • Մենուա Հովհաննիսյան  • Արարատ Մելքումյան  • Ջալալ Հարությունյան  • Ռուստամ Գասպարյան  • Կարեն Շաքարյան  • Հունան Հայրումյան  • Հակոբ Հարությունյան  • Իգոր Մուրադյան  • Վիգեն Շիրինյան  • Նարեկ Հովհաննիսյան  • Դավիթ Առուշանյան  • Սամվել Ղազարյան  • Ալեն Մարգարյան  • Արթուր Աղասյան  • Վարդան Ավետիսյան  • Արթուր Ալեքսանյան  • Սամվել Գևորգյան  • Ալբերտ Հովհաննիսյան Պորտալ:Արցախ