Սալոմե Արեշյան

Վիքիպեդիայում կան հոդվածներ Արեշյան ազգանունով այլ մարդկանց մասին։

Սալոմե Արեշյան
Ծնվել է	հունվարի 5, 1913(1913-01-05)[1][2]
Ծննդավայր	Թիֆլիս, Ռուսական կայսրություն[1][2]
Վախճանվել է	դեկտեմբերի 29, 1966(1966-12-29)[1][2] (53 տարեկան)
Վախճանի վայր	Երևան, Հայկական ԽՍՀ, ԽՍՀՄ[1][2]
Մասնագիտություն	գրականագետ, խմբագիր և գրող
Ազգություն	հայ
Քաղաքացիություն	Ռուսական կայսրություն և  ԽՍՀՄ
Կրթություն	Լենինգրադի պատմության, փիլիսոփայության, գրականության և լեզվի ինստիտուտ (1934)[1] և Սանկտ Պետերբուրգի համալսարան (1937)
Գիտական աստիճան	բանասիրական գիտությունների դոկտոր[1][2] (1958)
Անդամակցություն	ԽՍՀՄ Գրողների միություն և ՀՀ ԳԱԱ
Կուսակցություն	ԽՄԿԿ[1]
Աշխատավայր	Երևանի պետական համալսարան[1], Կոմունիստ[1] և Գրականության ինստիտուտ
Պարգևներ	[1][2]
Սալոմե Արեշյան Վիքիդարանում

Սալոմե Գրիգորի Արեշյան (հունվարի 5, 1913(1913-01-05)^[1][2], Թիֆլիս, Ռուսական կայսրություն^[1][2] - դեկտեմբերի 29, 1966(1966-12-29)^[1][2], Երևան, Հայկական ԽՍՀ, ԽՍՀՄ^[1][2]), հայ գրականագետ, բանասիրական գիտությունների դոկտոր (1958), ՀԽՍՀ գիտության վաստակավոր գործիչ (1964), ԽՍՀՄ գրողների միության անդամ 1948 թվականից։

Ծնվել է Թիֆլիսում։ 1934 թվականին ավարտել է Լենինգրադի պատմության, փիլիսոփայության, գրականության և լեզվի ինստիտուտը, 1937 թվականին՝ Լենինգրադի պետական համալսարանի ասպիրանտուրան։ 1938-1940 թվականներին եղել է ԽՍՀՄ ԳԱ Լենինգրադի արևելագիտության ինստիտուտի կրտսեր գիտաշխատող, 1940-1941 թվականներին՝ կրտսեր գիտաշխատող, ապա՝ գրականագիտության և փիլիսոփայության բաժանմունքի գիտական քարտուղար։ 1941 թվականին տեղափոխվել է Երևան։ 1941-1944 թվականներին դասավանդել է Երևանի պետական համալսարանում։ 1942-1944 թվականներին եղել է բանասիրական ֆակուլտետի դեկանի տեղակալ։ 1943-1946 թվականներին եղել է ՀԿԿ Կենտկոմի պրոպագանդայի և ագիտացիայի բաժնի վարիչի տեղակալ, 1944-1946 թվականներին՝ «Կոմունիստ» (ռուսերեն) թերթի խմբագիր, 1949-1950 թվականներին՝ ԵՊՀ գիտքարտուղար, 1950-1953 թվականներին՜ գիտական աշխատանքների գծով պրոռեկտոր, 1954 թվականից՝ ՀԽՍՀ ԳԱ գրականության ինստիտուտի ավագ գիտաշխատող։ Կյանքի վերջին տարիներին աշխատել է ՀԽՍՀ ԳԱ Մանուկ Աբեղյանի անվան ինստիտուտում որպես բաժնի վարիչ։ 1958 թվականին ատենախոսություն է պաշտպանել և ստացել բանասիրական գիտությունների դոկտորի աստիճան։

Եղել է Խաղաղության կողմնակիցների համամիութենական կոնֆերանսի, ինչպես նաև 1945 թվականին Փարիզում կայացած Կանանց 1-ին միջազգային կոնգրեսի պատգամավոր։ ԽՄԿԿ անդամ 1943 թվականից։

Ռուսերեն լույս է տեսել նրա «Հայ մամուլը և ցարական գրաքննությունը» (1957) գիրքը։

Մահացել է Երևանում^[3][4]։

• Ռուս գրողները Հայաստանի մասին, Երևան, Հայպետհրատ, 1946, 28 էջ։
• Լև Տոլստոյ, Երևան, 1960, 267 էջ։

• «Կովկասի պաշտպանության համար» մեդալ,
• «1941-1945 թթ. Հայրենական մեծպատերազմի ժամանակ աշխատանքային արիության համար» մեդալ

Վիքիդարանն ունի նյութեր, որոնք վերաբերում են «Սալոմե Արեշյան» հոդվածին։

Բառարաններ և հանրագիտարաններ Հայազգ Չափորոշչային վերահսկողություն ՀԳՀԳ: 9627 · LCCN: no2017107368 · VIAF: 1692150325521310090005 · WorldCat VIAF: 1692150325521310090005

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 23)։