Brassicales
| Brassicales | |
|---|---|
_Alliaria_petiolata_-_flowers.jpg)
| |
| Alliaria petiolata, (Brassicaceae) | |
Taksonomia 
| |
| Pagarian: | Plantae |
| Klado: | Tracheophytes |
| Klado: | Angiospermae |
| Klado: | Eudicotidae |
| Klado: | Rosids |
| Klado: | Malvids |
| Urnos: | Brassicales Bromhead[1] |
| Dagiti pamilia | |
Ti Brassicales (wenno Cruciales) ket dagiti urnos dagiti agsabsabong a mula a maitagikua iti grupo ti eurosids II dagiti dicotyledon babaen ti sitema ti APG II.[2] Ti maysa a pakailasinan a kadawyan kadagiti adu a kameng iti daytoy nga urnos ken ti panagpataud dagiti kompuesto ti glucosinolato. Kaaduan ti sistema ti panangidasig ket mangiraman iti daytoy nga urnos, ngem sagpaminsan nga iti nagan a Capparales (ti napili a nagan depende no ania ti maipagarup a prioridad).[3]
Kadawyan nga aglaon ti urnos kadagiti sumaganad a pamilia:[4]
- Akaniaceae – dua a sebbangan dagiti kayo a turnipwood, patneng iti Asia ken akindaya nga Australia
- Bataceae – dagiti managayat iti asin a bassit a kaykayo manipud iti Amerika ken Australasia
- Brassicaceae – pamilia ti mustasa ken repolio; mabalin a mairaman ti Cleomaceae
- Capparaceae – pamilia ti alkaparra, sagpaminsan a mairaman iti Brassicaceae
- Caricaceae – pamilia ti papaya
- Cleomaceae[1]
- Gyrostemonaceae – nadumaduma a henero dagiti bassit a kayo ken dagiti kayo nga endemiko kadagiti temperado a parte ti Australia
- Koeberliniaceae – maysa a sebbangan iti nasiit a bassit a kayo a patneng iti Mehiko ken ti Abagatan-laud ti Estados Unidos
- Limnanthaceae – pamilia ti meadowfoam
- Moringaceae – sangapulo ket tallo a sebbangan dagiti kayo manipud iti Aprika ken India
- Pentadiplandraceae – sebbangan ti Aprika a dagiti berry ket addaan iti dua a nasam-it unay a nanam a protina
- Resedaceae – pamilia ti mignonette
- Salvadoraceae – tallo a henero a mabirukan manipud iti Aprika anginggana iti Java
- Setchellanthaceae
- Tovariaceae
- Tropaeolaceae – pamilia ti nasturtium
Babaen ti sistema ti Cronquist, natawtawagan idi ti Brassicales iti Capparales, ken nairaman kadagiti "Dilleniidae". Dagiti laeng nairaman a pamilia ket ti Brassicaceae ken Capparaceae (natrato a kas dagiti sabali a pamilia), ti Tovariaceae, Resedaceae, ken Moringaceae. Dagiti sabali a nainayonen a takson ket naikabilda kadagiti nadumaduma nga urnos.
_in_Gavi.jpg)
Asideg nga agkakabagian dagiti pamilia ti Capparaceae ken Brassicaceae. Ti maysa a grupo, a mangbukel iti Cleome ken dagiti mainaig a henero, ket tradisional idi a mairaman iti Capparaceae ngem ti panagaramid iti daytoy ket nagresultaan ti maysa a parapiletiko a Capparaceae.[3] Isu a kasta, daytoy a grupo ket kadawyan a mairaman iti Brassicaceae wenno kas iti bukodna a pamilia iti Cleomaceae.[4][5]
Dagiti nagibasaran
- ^ a b Angiosperm Phylogeny Group (2009). "An update of the Angiosperm Phylogeny Group classification for the orders and families of flowering plants: APG III". Botanical Journal of the Linnean Society. 161 (2): 105–121. doi:10.1111/j.1095-8339.2009.00996.x. Naiyarkibo manipud iti kasisigud (PDF) idi 2017-05-25. Naala idi 2013-07-06.
- ^ Angiosperm Phylogeny Group (2003). "An update of the Angiosperm Phylogeny Group classification for the orders and families of flowering plants: APG II" (PDF). Botanical Journal of the Linnean Society. 141 (4): 399–436. doi:10.1046/j.1095-8339.2003.t01-1-00158.x.
- ^ a b Jocelyn C. Hall, Kenneth J. Sytsma & Hugh H. Iltis (2002). "Phylogeny of Capparaceae and Brassicaceae based on chloroplast sequence data". American Journal of Botany. 89 (11): 1826–1842. doi:10.3732/ajb.89.11.1826. PMID 21665611.
- ^ a b Elspeth Haston; James E. Richardson; Peter F. Stevens; Mark W. Chase; David J. Harris (2007). "A linear sequence of Angiosperm Phylogeny Group II families". Taxon (journal). 56 (1): 7–12.
- ^ Jocelyn C. Hall, Hugh H. Iltis & Kenneth J. Sytsma (2004). "Molecular phylogenetics of core Brassicales, placement of orphan genera Emblingia, Forchhammeria, Tirania, and character evolution" (PDF). Systematic Botany. 29: 654–669. doi:10.1600/0363644041744491. Naiyarkibo manipud iti kasisigud (PDF) idi 2011-04-01. Naala idi 2019-02-07.
Dagiti akinruar a silpo
Dagiti midia a mainaig iti Brassicales iti Wikimedia Commons
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
